Scholarship on Letter: T-S 13J17.3

Letter T-S 13J17.3
  1. Bibliographic citation
    S. D. Goitein, unpublished index cards (1950–85), #10390. Princeton Geniza Lab, Princeton University.
    Relation to document
    • Discussion
  2. Bibliographic citation
    Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.
    Location in source
    • #181
    Relation to document
    • Digital Edition
    • Edition
  3. Bibliographic citation
    S. D. Goitein, "Jewish Trade in the Mediterranean at the Beginning of the Eleventh Century‎" (in Hebrew), Tarbiz‎ 36, no. 4 (Jerusalem: Mandel Institute for Jewish Studies, 1967), 366-395.
    Location in source
    • pp. 372-374
    Relation to document
    • Digital Edition
    • Edition
  4. Bibliographic citation
    S. D. Goitein, Letters of Medieval Jewish Traders (Princeton, New Jersey: Princeton University Press, 1973).
    Location in source
    Relation to document
    • Translation
  5. Bibliographic citation
    S. D. Goitein's unpublished edition (1950–85).
    Location in source
    Relation to document
    • Edition
Image
Transcription
Translation

T-S 13J17.3 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.

Recto

  1. כתאבי למולאי אלשיך אלגליל אטאל אללה בקאה ואדאם איאם סלאמתה וסעאדתה ליומין בקין
  2. מן א'י'א'ר' כתמה אללה עלי מולאי אלשיך באחסן כאתמה ואסעדה פי סאיר אוקאתה
  3. כלהא ען חאל סלאמה ונעמה ואלחמד ללה וחדה בעד וצול כתאב מולאי ביד עמאר ווקפת
  4. מנה עלי סלאמת מולאי אדאמהא אללה לה ודכר מולאי אלשיך סלמה אללה וצול הארון סאלמא
  5. ווצול מא כאן מעה ללה אלחמד וכנת ערפת מולאי אלשיך פי כתבי אלמתקדמה אן לם
  6. יתבקא לנא עלי אלבר עדל ואחד ואן חצלת גמלת אלאעדאל פי אלמראכב פי אחסן אל
  7. מואצ'ע אסל מן אללה יתצדק עלינא בסלאמתהא ויסמענא ען אלגרב כבר אן נסר
  8. בה לאן ואללה יאמולאי כתרת עלי אלקירואן אלאשאניע אלרדיה וכל אנסאן ישנע מן
  9. ענדה ונחן תחת חאל אן עצ'ים אסל מן אללה יסמענא ענהם כיר וליס יכן לנא קראר אלי
  10. אן תצל אלינא כתבהם בסלאמתהא אסל מן אללה יכון דלך ואלמראכב יאמולאי עלי אכר
  11. אשגאלהא ולם יבקא להא עלי אלבר חאגה וקד טלעו מאהם ואזואדהם והום ינתצ'רו פראג
  12. אלאצטול וירמיוה פי אלבחר ויקלעו ותקלע מעהם אלמראכב וגד כתאבי ירמיו אלקטאיע
  13. פי אלבחר לאן יום כתאבי פרגו מן אצלאחהם וקד כתבת אלי סיד[י אבי] סעיד כלף בן יעקב
  14. סלמה אללה ד' נסך וחמלת פי כל מרכב נסכה דפעתה(!) לאצחבנא דפעת נסכה ואחדה
  15. אלי סלאמה בן אכי כליל פי מרכב אלבעשושי ונסכה תאניה פי מרכב אלאנדלסי סלמה
  16. אללה אלי סהלאן סלמה אללה ונסכה תאלתה פי מרכב אבן אלקדאר סלמה אללה דפעתהא אלי
  17. אבן אלקדאר צאחב אלמרכב בנפסה לאן ליס ידכל פיה יהודי ואלנסכה אלראבעה
  18. דפעתהא אלי סלאר אלאטראבלסי צבי אבן אלטחאלה ואוצית גמיע אצחאבנא
  19. סלמהמא(!) אללה אן יראעיו אלע' עדל וברקלו אלי אן יוצלוהא באלסלאמה אלי
  20. יד כלף בן יעקוב אלאנדלסי סלמה אללה וכדלך כתבת אלי אלקירואן אלי כאלי אידה אללה
  21. ה' נסך ונסכת אלכתב אלדי אנפד' לי מולאי וקד דפעת אלי ודעה סלמה אללה אלכתב אלדי
  22. רסם לי מולאי והי י'ב' כתאב ואנא אשד בקית אלכתב ואנפדהא פי ה' מראכב
  23. מע אצחאבנא סלמהם אללה וכדלך כתבת אלי סידי אבי זכרי יחיי סלמה אללה
  24. ה' כתב וערפתה בגמיע מא חמלתה אלי אלמהדיה פי האדה אלסנה והי ק'ע'ט' עדל
  25. וברקלוין וערפתה אלמראכב ומא קבצ'ו מן אלסלפה [ומא כאן] להם אסל מן אללה
  26. יכתב עליהם אלסלאמה ברחמתה וקד סאלת כאלי אדאם אללה עזה אן סאעת וצול גמיע
  27. אלאעדאל אלי אלמהדיה ינפד' סידי אבי זכרי יחיי ולדה סלמה אללה אלי אלמהדיה
  28. יקבץ' גמיע אלאעדאל ויביעהא פי אלמהדיה פי נפס אלמוסם וינפד גמיע אלתמן
  29. אלי כאלי אלי אלקירואן וסאלתה אן ישתרי למולאי גמיע אלבצ'איע אלדי סאלה שראהא
  30. מן רצאץ ושמע ודיבאג ומתאע וזעפראן וגיר דלך וכנת אעל[מ]ת מולאי אלשיך
  31. אדאם אללה עזה אן בקי עלי מן אלסלפה ל' די'נ' ואכדת ספת[ג]א מן אבן עבד אלקדוס
  32. ואכדת אלי' דנא' אלדי כאנת מע סלאמה סלמה אללה וזנתהא וגמיע אלמראכב עלי אל
  33. אקלאע כתב אללה עליהא אלסלאמה וכנת יאמולאי עלי אני ננפד סלאמה סלמה אללה
  34. אלי אן בלגני אן אנכסר צאחב אלקירואן וכאן פי אלבלד והג אן עט'ים כשית אן
  35. [                   ] לאן כתרת אלשנע אלסו ולו [ ]א[ ]ת אלב[צ]אעה אל[    ]ה יומין אן אכר

Right Margin

  1. אלשיך אל[         אפצ'ל אלסלאם]
  2. ואטייבה ועלי [           ]
  3. אבקאהא אללה אפצ'ל אלס[לאם]
  4. וגמיע מן תשמל[ה]
  5. ענאית מולאי אל
  6. שיך אדאם אללה
  7. עזה אפצל אל
  8. סלאם ואטיבה
  9. ועקב שלום
  1. כתאבי למולאי אלשיך אלגליל אטאל אללה בקאה ואדאם איאם סלאמתה וסעאדתה ליומין בקין
  2. מן איאר אכתמה אללה עלי מולאי אלשיך באחסן כאתמה ואסעדה פי סאיר אוקאתה
  3. כלהא ען חאל סלאמה ונעמה ואלחמד ללה וחדה בעד וצול כתאב מולאי ביד עמאר ווקפת
  4. מנה עלי סלאמה מולאי אדאמהא אללה לה ודכר מולאי אלשיך סלמה אללה וצול הארון סאלמא
  5. ווצול מא כאן מעה ללה אלחמד ואנת ערפת יאמולאי אלשיך פי כתבי אלמתקדמה אן לם
  6. יתבקא לנא עלי אלבר עדל ואחד ואן חצלת גמלה אלאעדאל פי אלמראכב פי אחסן אל
  7. מואצ'ע אסל מן אללה יתצמן אלינא בסלאמתהא וסמענא ען אלגרב כבר אן נסר
  8. בה לאן ואללה יאמולאי כתרת עלי אלקירואן אלאשאניע אלרדיה וכל אנסאן ישנע מא
  9. ענדה ונחן תחת חאל אן עצ'ים אסל מן אללה יסמענא ענהם כיר וליס יכון לנא קראר אלי
  10. אן תצל אלינא כתבהם בסלאמתהא אסל מן אללה יכון דלך ואלמראכב יאמולאי עלי אכר
  11. אשגאלהא ולם יבקא להא עלי אלבר חאמי וקד טלעו מאהם ואזואדהם והום ינתצ'רו פראג
  12. אלאצטול וירמיוה פי אלבחר ויקלעו ותקלע מעהם אלמראכב וגד כתאבי ירמיו אלקטאיע
  13. פי אלבחר לאן יום כתאבי פרגו מן אצלאחההם וקד כתבת אלי סידי אב[י] סעיד כלף בן יעקוב
  14. סלמה אללה ד נסך וחמלת פי כל מרכב נסכה דפעתה (!) לאצחאבנא דפעת נסכה ואחדה
  15. אלי סלאמה בן אבי כליל פי מרכב אלבעשושי ונסכה תאניה פי מרכב אלאנדלסי סלמה
  16. אללה אלי סהלאן סלמה אללה ונסכה תאלתה פי מרכב אבן אלקדאר סלמה אללה דפעתהא אלי
  17. אבן אלקדאר צאחב אלמרכב בנפסה לאן לם ידכל פיה יהודי ואלנסכה אלראבעה
  18. דפעתהא אלי סלאר אלאטראבלסי צבי אבן אלצהאלה ואוצית גמיע אצחאבנא
  19. סלמהא אללה אן יראעיו אלע עדל וברקלו אלי אן יוצלוהא באלסלאמה אלי
  20. יד כלף בן יעקוב אלאנדלסי סלמה אללה וכדלך כתבת אלי קירואן אלי כאלי אידה אללה
  21. ה נסך ונסכת אלכתב אלדי ננפד אלי מולאי וקד דפעת אלי ודעה סלמה אללה אלכתב אלדי
  22. רסם לי מולאי והיא י"ב כתאב ואנא אשד בקית אלכתב ואנפדהא פי ה' מראכב
  23. מע אצחאבנא סלמהמא אללה וכדלך כתבת אלי סידי אבי זכרי יחיי סלמה אללה
  24. ה' כתב וערפתה בגמיע מא חמלתה אלי אלמהדיה פי האדא אלסנה והי קעט עדל
  25. וברקלוין וערפתה אלמראכב ומא קבצ'ו מן אלסלפה [ומא כאן מ]תלה אסל מן אללה
  26. יכתב עליהם אלסלאמה ברחמתה וקד סאלת אדאם אללה עזה אן סאעה וצול גמיע
  27. אלאעדאל אלי אלמהדיה ינפד' סידי אבי זכרי יחיי ולדה סלמה אללה אלי אלמהדיה
  28. יקבץ' גמיע אלאעדאל ויביעהא פי אלמהדיה פי נפס אלמוסם וינפד גמיע אלתמן
  29. אלי כאלי אלי אלקירואן וסאלתה אן ישתרי למולאי גמיע אלבצ'איע אלדי סאלה שראה
  30. מן רצאץ ושמע ודיבאג ומתאע וזעפראן וגיר דלך וכנת אעלמת מולאי אלשיך
  31. אדאם אללה עזה אן בקי עלי מן אלסלפה ל דינ' ואכדת ספת[ג]א מן אבן עבד אלקדרה
  32. ואכדת אלי דנא' אלדי כאנת מע סלאמה סלמה אללה וזנתהא וגמיע אלמראכב עלי אל
  33. אקלאע כתב אללה עליהא אלסלאמה וכנת יאמולאי עלי אנני ננפד סלאמה סלמה אללה
  34. אלי אן בלגני אן אנכסר צאחב אלקירואן וכאן פי אלבלד רהג אן עצ'ים כשית אן
  35. ..........] לאן כתרת אל שנע אלסו ולו דא. ת אלבצ'אעה אל...ה יומין אן אכד
  36. קד פ.....

(few lines are missing) margin

  1. אלשיך [ ] / ואטיבה ועל[י / אבקאה אללה אפצל אלסל[אם / ועלי
  2. סידי אבי סעיד / אחיאה אללה אפצל אל[ / וגמיע מן תשמל[ה / ענאיה
  3. מולאי אל/שיך אדאם אללה / עזה אפצל אל/סלם ואטיבה / ועקב שלום

T-S 13J17.3 1v

1v
  1. חצ'רה מולאי אלשיך אלגליל אבי אלפרג יוסף בן יעקוב                             עבדה אפרים בן                                                                                        אסמאעיל נ'נ' אלגרהרי 
  2.                                               בן ערכל נ'נ'                                    במצר מגלסה אן                                                                                                                             שא אללה
  3. אדאם אללה עזה ועלוה וסעאדתה ונעמתה

the address on verso

  1. חצ'רה מולאי אלשיך אלגליל אבי אלפרג יוסף בן יעקוב
  2. בן עוכל ננ
  3. אדאם אללה עזה ועלאה וסעאדתה ונעמאה
  4. מן עבדה אפרים בן אסמאעיל ננ אלגוהרי
  5. במצר מגלסה אן שא אללה
Image Permissions Statement
  • T-S 13J17.3: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.