Letter: T-S 13J17.11

Letter T-S 13J17.11

Input date

In PGP since 1989

Description

Letter from Khalluf b. Zakariyya, Alexandria, to Yosef b. 'Awkal.

Images and transcription

Transcription

  • בסם אללה אלעטים כתאבי יאשיכי ורייסי [....].......אטאל אללה
  • בקאך ואדאם נעמתך ומן תופקיה (!) לא אכלאך מן אסכנדריה יום אלה
  • מסתהל מרחשון ען חאל סלאמה וללה אלחמד וען שוק אליך קרב אללה
  • אלאשתמאע עלי כיר אנה ולי דלך אעלם מולאי אלשיך אני וצלת אלי הון
  • לי יומין בעד אקאמה פי אלטריק ו איאם וסאלת ען אכבאר וכיל אלמקרוץ
  • וערפת אנה קבץ מן בן עמראן חק יב עדל כתאן בוצאטה ש דינ'
  • ובאע אלמרכב עליה וקבצהא בשהאדת גוים שהדו עליה ממן כאנ[ו]
  • מעי פי אלמרכב וצח דלך וקבצהא באלקאצי ואמא עוקל רחלי בסבבה
  • אלד אעדאל אלפלפל אלדי תעלם קצתהא אעלם האדא פטייב נפסך תם
  • אן וגדו ללמקרוץ דפתר פיה שרח חיסאבך מעו מא וגה אליך ומא
  • וצל אליה מנך .....חיסאבך נאחיה וקבץ לך וכילה גמיע מאלך ענד
  • אלרגל ובן אלבסמלי צהר עליה אלרחל ורפע ללקירואן לעבד בן האשם
  • אלקאצי ולסעה מא נעלמו מא יכון אסל מן אללה חסן אלעאקבה לך
  • ולנא ולכל ישר' וכאן וצולי יום ערפה עיד אלקום ולם נציב
  • בן גות קאעד תם כיפת נדפע אלכתאב פי איאם אלעיד יחצל לה
  • נסיאן ואנא גד כתאבי נמצי לביתה אליה נהניה באלעיד ונדפעו
  • אליה ונאכד גואבה ואלחאגה אן שא אללה ושעיב אלוכיל נחן
  • מסתגנין ענה פי דאלך אללה יחסן אלכלאץ מא וקע שגל אלקלב
  • אלא עליי אעקלת רחלי ומצא לי בין אלביעתין ק דינ' ותעוק רחלי
  • אלי אכר וקת אללה יסלמה ומא תריד עלמה פי יומנא האדא
  • וצל קארב לטיף מן מדינא (!) סקליה בעהד טכ יום פיה גבן
  • ל ראתב ודכרו אן מרכב בן געפר אקלע מעהום פי לילא וכלא
  • מרכבין תוסק וראהם מן אלמדינא בן דיסור אללדי מצא מן הון
  • ומרכב לראיק ומרכבין מן כרא לפלאיה בקמח אללה יסלמהא
  • ואן לקאו אלמראכב אלמנכסרה פי אלבחר מן טו יום ואן אלכתאן
  • בסקליה כה רבאעי אלקנטאר כאסד ויגיו נאס כתירה חגאג

margin:

  • ולם יצל פיה כתאב ליהודי ואן כתב אלקום פי מרכב בן געפר אללה יטאלעך עלי כיר
  • ולא תקטע כתאבך עני אן וצל אליך כתוב מן אלוכיל (!) אלמקרוץ אן תציר לך בכיר
  • ומא שך אנה יכתוב אליך בשרח מא עמלה בעד דיך אלכתוב אלאולה

page b:

  • קראת עלי סידי אלשיך אפצל אלסלאם וגמיע פתיאנך ומן תשמלה
  • ענאיתך אפצל אלסלאם ומא כאנת לך הון מן חאגה תשרפני
  • בקצאהא ואלסלאם עליך ועלי אללה תוכלת ועקב שלום

the address with the letters upside down:

  • שיכי ורייסי ואלעזיז עלי אבו אלפרג יוסף מן כלוף בן זכריא אלאשקר נ[נ
  • בן יעקב בן עוכל אטאל אללה בקאה ואדאם שאכר תפצליה
  • סלאמתה ורעאיתה וחפצה במצר אן שא אללה גל ועז

#

  • وصل لست خلت من شوال سنة احد وعشرين واربع مائة
Image Permissions Statement
  • T-S 13J17.11: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.