Letter: T-S 13J10.5

Letter T-S 13J10.5

Input date

In PGP since 1988

Description

Letter from Yoshiyyahu, grandson of Yoshiyyahu Gaon, to Avraham b. Hajay, Fustat, approximately 1030.

Images and transcription

Transcription

  • כתאבי אטאל אללה בקא מולאי ואדאם עזה ותאידה וסעאדתה מן צהרשת ואלחאל סלאמה
  • ועאפיה למוליהמא אלחמד ואלמנה וקד עלם אללה תעאלי כתרה מא ענדי אלוחשה [[אל]] לפרקתה
  • ואלשוק אליה והו ברחמתה יקרב אלאגתמאע עלי אסר חאל וכאן וצולי יום אלגמעה סאלם ב]פצל[
  • אללה תעאלי לה אלחמד ואלשכר ודכר לי פרג אלמכארי באנה חרץ פי חאל אלכראריס ולם ידפעה]א
  • ואסתעלמת איש אלדי וגה פערפוני אנהם אנפדו גזו תפסיר אלה הדברים ומעה אלכרארי]ס[
  • אלדי טננת אנהא אכדת פקט ואשתגל קלבי בסבבהם וכאן שהותי אלמסיר פי הדא אלאסבוע
  • אלאסבוע )!( לאלא יציק עלי אלוקת ובסבב הדא אלגזו מא יתם לי לאני אכשא אן יציע וקד
  • תאכדת עלי אבו אלפרג חנין אידה אללה פי באבה וקד ערפני אנה קד תאכד עלי
  • אלמכארי בסבבה ואנא אסאל מולאי חרסה אללה אן תמכן מן אלמעונה פי כלאצה פיפעל
  • וינפד מע מן יתק בה מן אלחמארין אלטנפסה אלתי נסיתהא פי אלדכאן ויתפצל יתמם
  • ועדה פי מא ועד בה מן אנגאז אלקפץ ואלחואיג וקד אנפדת מחברה יתפצל מולאי
  • יתצל מן ישתרי בדרהם חבר הייני ויגעלה פיהא וישמעהא וינפדהא מע אלמכארי לא
  • אלחיבר )!( אלדי אשתראה פרג יום כרוגי כאן מא לא ינתפע בה ואסאלה אדאם אללה עזה
  • מדאכרה סידי אלחבר אבי כתיר פי חאל אלכתב אלדי ועד בהא צהרה אבו יעקוב יוסף
  • וינפדהא אליי וכדלך אבו אלחסן מסלם בן מומל ואן סהל אן יגעל אלרומי אלדי יכתב
  • אן יכתב לי מן אכר אלמצחף אלדי לאבו גאלב הלכת עידיות והי תכון כראסין וורקתין

(right margin)

  • בקאה ויגעלה פי חייז
  • אלסלאמה ויסמעני מא יטייב
  • בה נפסי מן כבר סלאמתה
  • והדו נפסה והני עישה
  • אללה תעאלי לא יעדמני
  • מן אלמצחף והי
  • תמאם אלדי כתבת
  • פינעם בדלך מצאף
  • אלי גמיל איאדיה

verso

  • ואלחזן מנצור בן יאיר אעזה אללה דכר לי באן ליס נייתה אלדכול אלי אלפסטאט וראיתה מצר עלי
  • הדא וערפני באן סידי אבו נצר מסאפר //אידה אללה// לא יטלע פי הדא אלוקת מן תניס ולם אוכד כתב
  • אלקבץ באלדנאניר אלא לאני מא אערף שרוטה פיתפצל יערפני איש אכתב ומא אתצל
  • בה מן אלשאם פינעם בתעריפי לאנה יעלם שגל קלבי יכץ נפסה באתם אלסלם וכדלך לסידי
  • אלחבר אבו אסחק וסידי אבו נצר וסידי אבו אסחק אברהם אלפרנס ויערפהם שוקי אליהם
  • מקרון בהדא אלכתאב כתאב אלי סידי אבי בשר סלימן בן צמח אלי אלרמלה יתפצל מולאי
  • יעמנה עלי אלרסם מנה וינפדה וקד סאלת אלחבר אן יכתב כתאב פי מעני אלכתאב אלדי כתב/ת/ה
  • יום מסירי יתפצל מולאי יסאלה פי באבה פאן דפעה אליה יקף עליה פאן כאן גיר פי מעני
  • הדא אלכתאב אלדי כתבתה אליה ינפדה עטפה ואלם )!( ינפדה אלי

(upside down, right)

  • موﻻي ابي اسحق ابرهيم بن حجيث بن يوسف اطال الله بقاه
  • وادام عزه وتاييده وسعادته

left

  • واده يوشياهو بن هرون
Image Permissions Statement
  • T-S 13J10.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.