Letter: Moss. IV,7

Letter Moss. IV,7

Input date

In PGP since 1988

Description

Letter of Madmun b. David, Aden, to Yiṣḥaq b. Sassun, Cairo, about the coercion of Aden jews to convert to Islam. Aden 1198.

Moss. IV,7 1r

1r

Transcription

S. D. Goitein, The Yemenites – History, Communal Organization, Spiritual Life‎ (in Hebrew) (Jerusalem: Ben-Zvi Institute for the Study of the Jewish Communities in the East, 1983).
  • עדן וסאעה וצולה א[
  • וקאל לה תסלם או תקתל אכות[ך
  • ובכא בכא שדיד ולם יגד וגה [
  • סוי אנה אסלם וכאן קבל וצולה אלי ע[דן
  • קד פשע גמיע מן מעה פי אלגבאל אלסדיד
  • אלטביב וכל מן פי אלגבל ולם יבק אלא
  • יהוד עדן וכאן אסלאם אלשיך מצמון
  • יום אלארבעא מסתהל דו אלקעדה פלמא כאן
  • יום אלגמעה תאלת יום צרב אלגרס מעאשר אליהוד
  • כאפה מן יתאכר ען טלוע אלמנטר מן
  • אלטהר קתל פלם יבקא אחד מן אליהוד דון אן טלע
  • אלי אלמנטר פ[א]מר באן כל מן תאבא ען אל>א<סלאם
  • יקתל [פאב] פאפשעו אלגמיע ותאבו דינין
  • ען אלאסלאם צרבת ארקאבהם ואמא נחן פלא
  • תסאל מא גרא עלי קלובנא מן אלאלם
  • מא שאהדנא קט אשד מנה ועמל אללה תע[אלי
  • מענא אות וכלצנא לא בחיל ולא בכוח
  • בל בפצלה ואחסאנה פאן ענדמא טלענא
  • מעהם אלמנטר אגתמעו אלגרבא וחדהם
  • ושאורו עליהם אלכליפה פאנטק אללה עלי לסאנה
  • באן קאל גריב לא יעארץ ואמר באן יזן כל
  • שכץ תלת גואל פוזנא דלך [
  • עלי אחסן קציה ללה אלשכר הדא
  • מא גרי ואן כנת ואללה אלעטים מא אקדר אעבר
  • ען בעץ מא גרי פאן ליס אלעיא[ן כאלכבר
  • וקאסו אלתגאר מן אלאהאנה פי מא צ[דר מן
  • אלגראמה ולטף אללה תעאלי לאנה אמר
  • באן יוכד מן כל מן יצל כמסה עשרה דינאר
  • למאיה ומן אלכ>א<רג כמתל דלך פלטף אללה
  • באנה רגע אמר באן יבקא הדא אלכארם

Moss. IV,7 1v

1v

verso

  • עלי חאלה לא יזאד עליה שי ואי מן וצל
  • בעד דלך יוכד מנה כמסה עשרה דינאר
  • אלמאיה מן כל שי ומן אלדהב ואלפצה ואלקמח
  • ואלדקיק וכל שי והדא רזק מן יצל אלסנה אלאתיה
  • וקד אסתכרת אללה
  • וכרגת פי מרכב אבן סלמון אלדי
  • דכלת פיה אללה יכולה אלסלאמה
  • ואכי אבו נצר יכרג צחבתי [ערפת
  • מולאי דלך בעד תקביל ידיהא
  • ורגליהא
  • ואלכחל ואלשיבה גמיע דלך [
  • וקד
  • דלך ניל הנדי תמם ושלום
  • דינאר ערפת מולאי דלך נשאדר
Image Permissions Statement
  • Moss. IV,7: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.