Scholarship on Letter: IOM D 55.13

Letter IOM D 55.13
  1. Bibliographic citation
    S. D. Goitein, "A Letter by Labrat ben Moses ben Sighmar, Dayyan of Al-Maḥdiyya‎" (in Hebrew), Tarbiz‎ 36, no. 1 (n.p.: Mandel Institute for Jewish Studies / המכון למדעי היהדות ע"ש מנדל, 1966), 59-72.
    Location in source
    • pp. 64–67
    Relation to document
    • Digital Edition
    • Edition
  2. Bibliographic citation
    Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.
    Location in source
    • #616
    Relation to document
    • Digital Edition
    • Edition
  3. Bibliographic citation
    S. D. Goitein, Letters of Medieval Jewish Traders (Princeton, New Jersey: Princeton University Press, 1973).
    Location in source
    Relation to document
    • Translation
Image
Transcription
Translation

S. D. Goitein, "A Letter by Labrat ben Moses ben Sighmar, Dayyan of Al-Maḥdiyya‎" (in Hebrew), Tarbiz‎ 36, no. 1 (n.p.: Mandel Institute for Jewish Studies / המכון למדעי היהדות ע"ש מנדל, 1966), 59-72.

על שמך

  1. כתאבי אטאל אללה בקא סידי ומולאי אלשיך אלגליל ואדאם חראסתה וחמאיתה ונעמאה וחסן עקבאה
  2. ועגל בלקאה מן אלמהדיה אכר אב כתמה אללה עלי מולאי באפצל כאתמה ואלאחואל חסנה מסתקימה
  3. וללה אלחמד ולי כל נעמה וקד וצלת כתב מולאי אדאם אללה עזה במה אשגל סרי ואזעגני
  4. ואקלקני וטייר אלנום ען עיני ממא דכר מא ערץ לה מן וגע עין אסל אללה (תעאלי אן)
  5. ישפיה ויכפיה ויעאפיה ולא יוקפני פיה מכרוהא מא בקאה ויגעלני מן כל אלאסוי פד(אה וישלח)
  6. דברו וירפאהו ירפאהו רפואה שלימה אמן וכן יהי רצון וקד אנפדת כתאבה אלי יוצר א?(דר היקר)
  7. אור העולם ווצל אלי כתאבה וערפני במא וקע עלי קלבה מן צעף אלעין ואשתגל סרה לדלך (ו...)
  8. ודעא לה מא אסל אללה יתקבל מנה פיה ולם תטיב נפסי אלא בוצול אצחאבנא וערפוני אנה
  9. בנעמה ואן פאקת עינה פחמדת אללה תעאלי ושכרתה עלי מא תפצל מן עאפיתה ומא (תטיב)
  10. נפסי באלתחקיק אלי וצול כתאבה אטלעני אללה עלי מא יסר מן נאחיתה אן שא אללה וממא אעלם
  11. בה מולאי חרסה אללה אן קד אוקפת אנסן(!) מן קבלי לישתרי אלרקוק /בסוסה/ וידפע ללכאתב גיר אנה
  12. ליס תם כאתב סוי ואחד והו יעלם אלאטפאל פאמא(!) יכתב אוקאת פוצל אלי י׳ו׳ כראסה מקאבלה
  13. ואלבקיה אוגב תאכירה אלעארץ אלדי עארץ לרבינו הרב הגדול ודלך אנה אנתהי אלי חדוד אליאס
  14. פצגו אלנאס ואצטרבו לאנה נחמתנו בעניינו ובצלו נחיה בגויים פנטר אללה אלינא פיה ולם יפגענא
  15. ויעמי עיוננא ובקי מעה בעץ אלצעף אלי מדה ופי הדה אליומין וצל כתאבה אלגליל אלי מבשרא בזואל
  16. דלך גמלה פחמדנא אללה עלי דלך אלדי נטר אלינא ולם ישמת בנא לאן חיאתה הי טלוע אלמדהב ואקאמה
  17. אלתורה ותגדיד אלדין אסל אללה ימן עלינא ועלי סאיר אלקהלות בחיאתה ויגעלנא פדאה מן כל סו
  18. וקד וקף עלי אעתראצה פי גואב רבינו האיי זל גיר אנה קאל אדאם אללה עזה נעלם אן פי גואבה זל
  19. אעתראץ פאדא וצל פי מא אעתאץ (אעתרץ?) עליה פיהא אביין לה דלך לאן לי פיהא גואב חסן פאתא חכם
  20. אללה תעאלי פי אלכתאב אלואצל אלדי פיה אלאעתראץ פי טריק סוסה פצעב דלך עלי אדוננו כתיר
  21. וקד עטית אלכראריס אלואצלה מן סוסה אלי אלדמשקין ((קאלו)) יום וצלת מן סוסה קאלו מא ענדנא אין
  22. נחמלהא והי תצל אליה פי אלמראכב אן שא אללה וקד אסתכתבת באלמהדיה מן פירוש רבינו חננ(אל?)
  23. צדר למא ערצת נסכה חסנה גיידה מצחחה ונחן עלי עקדהא ותוגיההא אליהא קטעת אלמכאתבה
  24. ואמר סידי ר ישראל סלמה אללה קד וקפת עלי מא דכרת מן אמרה וקד וכלת וכיל והו בסוסה ווצל
  25. אלי כתאבה ידכר אן אכתר מא קדרת עליה בעד סואל רבינו לה עלי י׳ דנא׳ ווצל אלי כתאב אכיה ידכר
  26. בעד אימאן עטימה לקד יגוז לה ענדה זאיד אלק׳ דינ׳ ויסאלנא אבקי אלאמר אלי אן יכאתבה ואנא אן גמי(ע)
  27. הדה אלי׳ דנא׳ אבריתה בעד משורה אדוננו אעלמת סידי דלך דכר אדאם אללה סיאדתה אעתדאר(ה
  28. ען ולדי אלכביר ואכי אלצגיר ואללה יעלם אנה ענדי אפצל מן רוחי ואמא ולדי פמא ינתהי אליה ע(תב?)
  29. אבדא ומן כתרה מחבתי לה אכתרת פי לאימתה אסל אללה יחרס מולאי אז (אדאם עזה?) ואלאן טאבת נפסי(..)
  30. אללה אד אצחב גליל סייד מתל מולאי ולא אשך אנה מקבל מופק חרסכמא עלינא אגמעין (ולא
  31. אכלאנא מנה דכר סידי מא אנפד מע גלאם אלקאצי ו׳א׳ פקאל לאבי (לאם? לאכי?) למתונא צאע אלשי עלינא פי קנון (או: קוין) צ(אל?
  32. עלינא אלשוראוין ואנא פכתבת אלי אכי אן ((יש)) יוגה מעה מתל מחדור ומא ישבהה ואמא...
  33. וקאמת עלי חגה אלארסאל קאלו לאכיך עלינא מיל כיף לם יסלם אלינא שיה ((נוגהוה)) נגיבוה עלי חסב
  34. אלשהוה פאן וצל לתם יטלבה לאנה דא..[...] אברהם אלרסול והו ימצי אליכם פי הדה אלסנה אן שא אללה
  35. דכר((ת)) /סידי/ מא סררת בה מן טלב אבן אלרייס רבינו נתן זל ללתורה ואגתהאדה פי אלקרא תם אללה
  36. שבאבה ואעאנה וחרס חיאה מולאי אלרב אדאם אללה עזה וגמל בה פקד גדד אללה אלתורה עלי
  37. ידיה ואנאר אלמדהב ואקאם אלדין לא אכלאה אללה מן אלתופיק פיגב יגתהד ויעלם מקדאר
  38. מא עמלה בתלך אלנאחיה ומא לה פי דלך מן אלאגר אטאל אללה עזה וינצרה ויכתר פי ישראל מת(לה
  39. לא שך אן ללה בהדא אלמדהב ענאיה אכידה לאנה לא יכלי אעצארהם ממן יגדד מא כל מנהם
  40. ויעלם מא יכאף אן ינסא מן פרוט פרוע לאן כדא ועדנא לא תשכח מפי זרעו ואלדי נבה עליה
  41. מולאי אדאם אללה עזה פאלאחואל כל מא תתמאדא לכלף ואלנאס תחת חירה עטימה מן גהה סקליה

Margin:

  1. ומא גרי עליהא מן אלעדו
  2. ואנה מלך אכתרהא וגלאת אל
  3. אסעאר ענדנא לאן ליס מעול הדא [אלבלאד]
  4. אלא עליהא פי אלטעאם וסבי מנהא מן אצחאבנא
  5. י׳ב׳ עיאל ואמא אלגוים פמא להם עדד ולא אחצא
  6. אסל אללה יסתר בקיה מן בהא מן ישראל ו... (פתחת מסיני?)
  7. באלסיף ומאתו גמאעה מן ישראל פיהא אמור
  8. כלהא תקתצי אלתלאף נטר אלינא אללה ברחמתה
  9. וכבאנא פי כזאין עואפיה אעלמת סידי דלך
  10. וכתאבה אלגליל אחב לא יכליני מנה בחאלה
  11. ועארץ אוטארה לאתפי(!) דלך נהאיה סארה
  12. אן שא אללה כצצת מולאי באתם אלסלם
  13. עבדה מוסי יכץ מולאי באתם אלסלם
  14. חסבי ותקתי באללה (המלה האחרונה כתובה באותיות ערביות)

Recto

  1. על שמך
  2. כתאבי אטאל אללה בקא סידי ומולאי אלשיך אלגליל ואדאם חראסתה וחמאיתה ונעמאה וחסן עקבאה
  3. ועגל בלקאה מן אלמהדיה אכר אב כתמה אללה עלי מולאי באפצ'ל כאתמה ואלאחואל חסנה מסתקימה
  4. וללה אלחמד ולי כל נעמה           וקד וצלת כתב מולאי אדאם אללה עזה במא אשגל סרי ואזעגני
  5. ואקלקני וטייר אלנום ען עיני ממא דכר מא ערץ' לה מן וגע עין אסל אללה [תעאלי אן]
  6. ישפיה ויכפיה ויעאפיה ולא יוקפני פיה מכרוהא מא אבקאה ויגעלני מן כל אלאסרי פד[אה וישלח]
  7. דברו וירפאהו ירפאהו רפואה שלימה אמן        וכן יהי רצון       וקד אנפדת כתאבה אלי חצ'רה [         ]
  8. אור העולם ווצל אלי כתאבה וערפני במא וקע עלי קלבה מן צ'עף אלעין ואשתגל סרה לדלך [ו...]
  9. ודעא לה מא אסל אללה יתקבל מנה פיה ולם תטיב נפסי אלא בוצול אצחאבנא וערפוני אנה
  10.  בנעמה ואן פאקת עינה פחמדת אללה תעאלי ושכרתה עלי מא תפצ'ל מן עאפיתה ומא [תטיב]
  11.  נפסי באלתחקיק אלי וצול כתאבה אטלעני אללה עלי מא יסר מן נאחיתה אן שא אללה וממא אעלם
  12.  בה מולאי חרסה אללה אן קד אוקפת אנסן(!) מן קבלי לישתרי אלרקוק/בסוסה/ וידפע ללכאתב גיר אנה
  13.  ליס תם כאתב סוי ואחד והו יעלם אלאטפאל פאמא(!) יכתב אוקאת פוצל אלי י'ו' כראסה מקאבלה
  14.  ואלבקיה אוגב תאכירה אלעארץ' אלדי עארץ' לרבינו הרב הגדול ודלך אנה אנתהי אלי חדוד אליאס
  15.  פצגו אלנאס ואצ'טרבו לאנה נחמתנו בעניינו ובצלו נחיה בגוים פנט'ר אללה אלינא פיה ולם יפגענא
  16.  ויעמי עיוננא ובקי מעה בעץ' אלצ'עף אלי מדה ופי הדה אליומין וצל כתאבה אלגליל אלי מבשרא בזואל
  17.  דלך גמלה פחמדנא אללה עלי דלך אלדי נט'ר אלינא ולם ישמת בנא לאן חיאתה הי טלוע אלמדהב ואקאמה
  18.  אלתורה ותגדיד אלדין אסל אללה ימן עלינא ועלי סאיר אלקהלות בחיאתה ויגעלנא פראה מן כל סך
  19.  וקד וקף עלי אעתראצ'ה פי גואב רבינו האיי ז'ל' גיר אנה קאל אדאם אללה עזה נעלם אן פי גראבה ז'ל'
  20.  אעתראץ' פאדא וצל כתאבה פי מא אעתאץ עליה פיהא אביין לה דלך לאן לי פיהא גואב חסן פאתא חכם
  21.  אללה תעאלי פי אלכתאב אלואצל אלדי פיה אלאעתראץ' פי טריק סוסה פצעב דלך עלי אדוננו כתיר
  22.  וקד עטית אלכראריס אלואצלה מן סוסה אלי אלדמשקין [[קאלו]] יום וצלת מן סוסה קאלו מא ענדנא אין
  23.  נחמלהא והי תצל אליה פי אלמראכב אן שא אללה וקד אסתכתבת באלמהדיה מן פירוש רבינו [               ]
  24.  צדר למא ערצ'ת נסכה חסנה גיידה מצחחה ונחן עלי עקדהא ותוגיההא אליה קטעת אלמכאתבה
  25.  ואמר סידי ר' ישראל סלמה אללה קד וקפת עלי מא דכרת מן אמרה וקד וכלת וכיל והו בסוסה ורצל
  26.  אלי כתאבה ידכר אן אכתר מא קדרת עליה בעד סואל רבינו לה עלי י' דנא' ווצל אלי כתאב אכיה ידכר
  27.  בעד אימאן עטימה לקד יגוז לה ענדה זאיד אלק' דינ' ויסאל אן אבקי אלאמר אלי אן יכאתבה ואנא אקול [אן]
  28.  הדה אלי' דנא' אבריתה בעד משורה אדוננו אעלמת סידי דלך דכר אדאם אללה סיאדתה אעתדאר[ה]
  29.  ען ולדי אלכביר ואכי אלצגיר ואללה יעלם אנה ענדי אפצ'ל מן רוחי ואמא ולדי פמא ינתהי אליה ע[תב ?]
  30.  אבדא ומן כתרה מחבתי לה אכתרת פי לאימתה אסל אללה יחרס מולאי [         ] ואלאן טאבת נפסי [..]
  31.  אללה אד אצחב גליל סייד מתל מולאי ולא אשך אנה מקבל מופק חרסה אללה עלינא אגמעין [ולא]
  32.  אכלאנא מנה דכר סידי מא אנפד מע גלאם אלקאצי [[א]] פקאל לא סלמה אללה צאע אלשי פי ק[                     ]
  33.  עלינא אלשוראוין ואנא פכתבת אלי אכי אן [[יש]] יוגה מעה מתל מחדור ומא ישבהה ואמא...
  34.  וקאמת עלי חגה אלארסאל קאלו לאכיך עלינא מיל כיף לם יסלם עלינא שיה [[נוגהוה]] נגרברה עלי חסב
  35.  אלשהוה פאן וצל לתם יטלבה לאנה [                 ]  אברהם אלרסול והו ימצ'י אליכם פי הדה אלסנה אן שא אללה
  36.  דכר[[ת]] /סידי/מא סורת בה מן טלב אבן אלרייס רבינו נתן ז'ל' ללתורה ואגתהאדה פי אלקרא תם אללה
  37.  שבאבה ואעאנה וחרס חיאה מולאי אלרב אדאם אללה עזה וגמל בה פקד גדד אללה אלתררה עלי
  38.  ידיה ואנאר אלמדהב ואקאם אלדין לא אכלאה אללה מן אלתופיק פיגב יגתהד ויעלם מקראר
  39.  מא עמלה בתלך אלנאחיה ומא לה פי דלך מן אלאגר אסל אללה יעינה וינצרה ויכתר פי ישראל את[לה]
  40.  לא אשך אן ללה בהדא אלמדהב ענאיה אכידה לאנה לא יכלי אעצארהם ממן יגדד מא כל מנה
  41.  ויעלם מא יכאף אן ינסא מן פרוט פרוע לאן כדא ועדנא לא תשכח מפי זרעו ואלדי נבה עליה 
  42.  מולאי אדאם אללה עזה פאלאחואל כל מא תתמאדא לכלף ואלנאס תחת חירה עט'ימה מן גהה סקליה

Recto, margin

  1. ומא גרי עליהא מן אלעדו
  2. ואנה מלך אכתרהא וגלאת אל
  3. אסעאר ענדנא לאן ליס מעול הדא [אלבלאד]
  4. אלא עליהא פי אלטעאם וסבי מנהא מן אצחאבנא
  5. י'ב' עיאל ואמא אלגוים פמא להם עדד ולא אחצא
  6. אסל אללה יסתר בקיה מן בהא מן ישראל ו[               ]
  7. באלסיף ומאתו גמאעה מן ישראל פיהא אמור
  8. כלהא תקתצ'י אלתלאף נטר אלינא אללה ברחמתה
  9. וכבאנא פי כזאין עואפיה אעלמת סידי דלך
  10.  וכתאבה אלגליל אחב לא יכליני מנה בחאלה
  11.  ועארץ' אוטארה לאתפי(!) דלך נהאיה סארה
  12.  אן שא אללה כצצת מולאי באתם אלסלם
  13.  עבדה מוסי יכץ מולאי באתם אלסלם
  14.  חסבי תקחי באללה

Verso, right side:

  1. סידי ומולאי אלשיך אלגליל אבי יחיי מר נהראי ביר נסים נע
  2. אטאל אללה בקאה ואדאם חראסתה ונעמאה

Verso, right side

  1. סידי ומולאי אלשיך אלגליל אבי יחיי מ'ר' נהראי ביר' נסים נ'ע'
  2. אטאל אללה בקאה ואדאם הראסתה ונעמאה

Verso, left side

  1. לבראט בן משה נ'נ' בן סגמאר
  2. مولاي ابي يحيى نهراي بن نسیم ادام الله عزه مستقره ان [شاء الله ]

Verso, left side:

  1. לבראט בן משה ננ בן סגמאר
  2. (באותיות ערביות) מולאי אבי יחיי נהראי בן נסים אדאם אללה עזה מסתקרה אן׳ (כל׳ אן שא אללה)