Letter: ENA NS 45.31 + T-S 20.90

Letter ENA NS 45.31 + T-S 20.90

Input date

In PGP since 1986

Description

Letter from Daniel b. ʿAzarya possibly to Yoshiyyahu b. ʿAzarayahu ha-Kohen. In Judaeo-Arabic. Dating: ca. 1055 CE (per Gil). Verso is covered with Arabic-script jottings of many kinds (mainly drafts of legal and epistolary formulae). May also join with ENA NS 2.33.

Images and transcription

Transcription

  • הדא אלכבר ענד אלקהל באלתהניה לי ואלמסרה אלעטימה וכאן דאך
  • לגמאעתנא כיום טוב וגדרו באלצום כמא וגב עליי ואן כנת אקצר ען קצא
  • מא יגב עליי ב[ ] אלנעמה אלתי אסל אללה יתברך שמו אן ילהמני
  • שכרהא גיר אן ללמר גחדה ומעמא קדמתה לם יכון קלבי סאכן אד לם יצלני
  • כתאבה ולא סחאה מנה מנד אפתרקנא פסהל אלהי ישראל ווצל מנה
  • פי אמסנא כתאבה אלסאר מן טראבלס בתאריך בעיד חואלי אלשהר
  • פחין בצרת בענואנה קבל וקופי עליה תדאכלני מן אלפרח והאיל אלמסרה
  • מא לא חד לה תם פתחתה וכלמא וקפת על[י] מצמונה יאכדני אלזמע
  • ואתצוור מא כאן פיה ואגדד אלחמד ללה תעאלי עלי סלאמה חשאשתה
  • וראיתה ידכר מא מצא מן רחל ונפקה ג[מ]לה דאך לא יבאלא בה מע סלאמה
  • נפסה אלגלילה אלכטירה גמיע מא מצא יכלפה אלכאלק גל אסמה ואן תעדד
  • כלפה פאעואטה מוכדה מדכורה ויגב עליה יחייהו צור אן יגדד שירה
  • חדשה ושבח והליל לאל יתעלה אשר הציל את נפשו מיד מריעים פאול
  • מא פעלה אללה תעאלי מעה ומע כאפה ישראל אשר הוא נזרם כלאצה מן
  • אלמערה עם שנאות הגוים אשר בה תם כלאץ נפסה מן אלקום אלדי סארו
  • בה אלי פאמיה אשד ואעטם אלדי כאן אלמקאם ביד אלעדו בצובה אכיר מנהם
  • אלף דפעה תם מסירה מן פאמיה אלי סלוק אמל פי תלך אלמקאוז אלצעבה מע
  • כון אלנאס מתכטפין במא אעקב דאך מן אלדבר אלוארד אלי אלציעה אלמחוג אלי
  • אלהרב [פי] אלליל וסלוך תלך אלגבאל אלצעבה הם אמר עטים פהדה אחואל
  • מודנה בענאיה אלכאלק תעאלי בה אד וגד נצרתה פי וקת שדתה ולקד تحقق
  • קול אללה יתברך שמו בכל צרתם לא צר וג ותחקק רבות רעות צדיק וגו
  • [ ]לה [כ]תאב פי גמיע מא ידעוה [
  • [ ]יאנה [ ] אטאל [אללה בקאה]
  • [ ] יעאקיה [
Image Permissions Statement
  • ENA NS 45.31: Images provided by the Jewish Theological Seminary Library (JTSL) CC-Zero / Public Domain
  • T-S 20.90: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.