Letter: ENA 2805.4
Letter ENA 2805.4Tags
Input date
In PGP since 1990Description
Letter from Barhūn b. Mūsā b. Barhūn al-Tāhirtī, in Alexandria, to Nahray b. Nissim, in Fustat. Dating: ca. 1050–60 CE, at the beginning of Nahray's activities in Egypt.
Edition: Goitein, S. D.
Translation:
ENA 2805.4 1

Transcription
S. D. Goitein, unpublished editions.- [כתאבי יא סידי ומ]ולאי אטאל אללה בקאך וסלאמתך וסעאדתך וציאנתך וצרף אלאסוא ענך ברחמתה
- [ בק]ין מן תמוז ואלחאל סלאמה ועאפיה ללה אלחמד עלי דלך תקדם כתאבי אליך מע הדא וצל בן סגמאר ווצל צחבתה
- [ ] קינ' ולם יכון מעה כתאב ווצל עקבאן יום אלגמעה איצא ולם יכון לך מעה כתאב ווצל מעה
- [קטעה (?)] דכר אנהא לך וקד באע יומי הדא אלקטעה אלדי לה סעד כג' גא וזנהא עו' רטל גילאני וי........
- [ובאע (?) ל]ך כד וקאלו קום ביע גייד ואן מתאע עקבאן כיר מנהא לאן פיהא יאכי אכתלאף ראי פמסכתה [אלי]
- אן בעתהא סער כה' גא וזנהא גילאני צאפי עח' רטל תמן יט' דינ' ונצף ינקץ ..... דינ' חבה יכרג מן דלך
- אלעמאלה ואלגעל וואגב אלסלטאן ואלי אלאן לם נקבצו אלתמן וקד ערפני עקבאן אנך רדתהא עלי
- נפסך מן דאר אלאבזאר טו' דינ' ואנהא עליך מן אלצעיד יז' דינ' וכסר ואמא אלעדל אלדי באלטארס מן רשיד
- מע בן שהדא אלי אלאן לם יצל ואדא וצל אגתהדת פי ביעה קיימא (?) ואחב יאכי תחצר דאר אל
- אבזאר תשתרי קטעתין ג ביני ובינך מתל אלניל אלדי אשתרא עקבאן ודכל מתאעך מן טו'
- נאזל לא יכון ....... ותנפדהא מסרע ואלעסל יאכי אביע אליום ז דינ' אלקנטאר ולם אגסד עלי
- שראה ואלדנאנ' אלמוקופה מא יתרך עיאש וגירה אחד ישתריהא יטארדוהם כל סאעה ולקד גא
- יום אלה אנסאן מעה כח' דינ' עלי אנה יביעהא מני גאה עיאש מרתין והו מעי ואפסדה פלא הו
- אח[תאג אליהם ולכן ומא] כלאה יביעהא מני וקד ........אלכהן אנה יעאונני פי אלשרא בהא ואנא
on the margin
- \ ולך כח \ אליה ותאכד \ עליה והו / /
- לוצול / / / / / /
- / / / /
at the head of the page
- \ \ \ \ ולא /
- שי פאחב \ מנך לא \ תתרך שגל \ אליום לגדא \ וכתרת \ אשגאל אל /
- נאס עליך \ פי גיר פאיד \ תוגב פעלך \ הדא ושרי \ יאכי ניף ל /
- דינ ואנא \ נתמהא נ /
Translation
ENA 2805.4 2

verso
- [אן] אמכן ואוגההא אליך מע מא יסאהל אללה מן אלשרא בצרתך ואעצם תאכידי עליך פי מא
- תשתריה מן אללולו יכון ביננא לאן נריד נגעל פיה סהם לדאוד צהרי ובלגני אן יוסף בן סמחה
- קעד פי דאר אלגוהר ואן אללולו ....מטלוב פ ....... ותסלה פי אנגאז אלדי כלית ענדך ואן
- יופיך מא קד ואקפתה עליה וכתבת אליך פי אלמכונה (?) עדה כתב לם נרא להא גואב פנחב תסרע בהא
- מתפצל ולא תקטע כתבך מני ולן יכרג ותשתרי אלניל מא כאן וצט צאלח וארגו אנך א......... מן בן
- רגא וקבצת מן אלשמע ואנגזת גמיע מא סאלתך פיה ואכבאר אלמראכב כל יום יצלו אלנאס מן [אלשרק] ומן אל
- גרב ידכרו אן גאזת בהם ואן חסאבהם אנהא עדאת ארגו ארגו יכון דלך צחיח ויטלענא אללה ואיאך עלי כיר
- קראת עליך אלסלם ואלכהן יכצך אפצל אלסלם וקד כתב אליך עדה כתב ולם ירא לך גואב
inscription
- לסידי ומולאי אבי יחיי נהראי בן נסים נע' מן ברהון בן מוסי נע'
- אטאל אללה בקאה ואדאם סלאמתה וסעאדתה