Letter: ENA 2560.3
Letter ENA 2560.3Tags
Input date
In PGP since 1988Description
Letter concerning the dispatch of gold from the congregation in Bilbays, to be delivered in Jerusalem to 'the synagogue of the Yemenite' and to 'the rabbis.' Dated: 22 Sivan 4800 + 174 = 4974 AM = 1 June 1214 CE. The margins and verso are filled with accounts in Arabic script and Greek/Coptic numerals.
Edition: Goitein, S. D.
Translation:
Transcription
S. D. Goitein, Palestinian Jewry in Early Islamic and Crusader Times (in Hebrew) (Jerusalem: Yad Izhak Ben Zvi Publications, 1980).- בש רח
- אלי אלחצרה אלסאמיה אלאגליה אלמולויה אלריסיה כגק מ ר ור [
- והנבון אלגאלה ען אלנעות אלמגמלה לכל מ . . . אדאם אללה תאיי[דה
- וסנאהא ומן חסן אלתופיק לא אכלאהא גמע אללה ביננא עלי אסר ח[אל ואנה אלקאדר
- עלי דלך אן שא אללה וסוי דלך אן וצל כתאב אלשיך אלחבר אלגליל ר [
- מן בלביס לואלדי והו יקול לה אן אלחצרה סאפרת ג'ד פסח מן בלביס וצחבת[הא
- אלדהב אלמנדור לכניסה בן אלימני ואלדהב אלמנדור ללרבנים ושכרת אללה עלי
- עאפיתהא ופרחת בספרהא ומא כאן אלקצד וצול כתאב אלחבר אלא[גל
- וצול כתאב אלגמאעה מן אלקדס באיצאלהא לתעלם אלגמאעה אנה וצלת
- ואצרפת פי מא סטר פי כתאב אלאגמאע אלדי מעה פאללה אללה לא תתואנא
- פי אכד כתאב ללגמאעה אצל ליברי סאחתנא וסאחה חצרתך אלגלילה
- לאן חצרה אלמולי תעלם אן אלאנסאן לה ואחד יחבה ועשרה יבגצוה פיציבוה
- פי כל וקת לם יצל כתאב מכאן ללכלאם פינא ופיהא קראת עליך אלסלאם
- ועלי מן תחוטה ענאיתך אלסלאם ואולאדהא אלסלאם ובלג סלאמי ללשיך אבו
- סעיד אלכתנאני וכדלך לר אליה אלרייס ומשאיך אלעסאקלה ואלמגארבה
- אלכב מן סיון קעד ליצי וואלדי מסתוחש מן אלחצרה כתיר ליס קליל ושלום