Letter: DK 322 (alt: 14)

Letter DK 322 (alt: 14)

Shelfmark: DK 322 (alt: 14)
Editor: Moshe Gil, In the Kingdom of Ishmael‎ (in Hebrew) (1997), vol. 4.

In PGP since 2017

Description

Business letter from Abū al-Surūr b. David (al-Mahdiyya) to his cousin Abū al-Afrāḥ ʿArūs b. Yosef (Fustat), ca. 1095. The writer sent to the recipient 100 Murābiṭī dinars, worth 267 less 1/3 dinars in the currency of al-Mahdiyya, and now gives instructions to buy jewellery. His other purchase requests from Fustat are for indigo, blue and green “fayyūmī clothes, pearls and more. The letter also mentions Abū al-Surūr’s purchases in al-Mahdiyya, including that of lapiz lazuli for which he was unable to find a buyer and intended to send it to Sicily. (Information from Gil, Kingdom, Vol. 4, p. 312.)

Edition: Gil, Moshe

Edition: Gil, Moshe

Translation:

DK 322 (alt: 14) recto

100% Zoom and Rotate

0°

Transcription

Moshe Gil, In the Kingdom of Ishmael‎ (in Hebrew) (Tel Aviv: Universiṭat Tel Aviv, Miśrad ha-biṭaḥon, ha-Hotsaʼah le-or, 1997), vol. 4.

recto

חצרה מולאי אלשיך אלאגל צאנה אללה מן אלאסוא כלהא ואכתרה מן אל
נעם באגלהא וחבאה מן אלעאפיה באגמלהא ותוחדה במא לא ת[ב]ל[ג]ה אל
דעא אליה ולא תנתהיה אלאמאל פיה ולא תדרכה אלאמאני ענדה כתבת
ואלשוק יקלקני ואלקלק יסתפזני אלי לקאיה אלמקרון ענדי בגמיע
אלסעאדאת כלהא פלא אוחשני אללה מנה ומתעני בלקאיה אנה ולי
דלך והו אלסמיע אלמגיב נעלם מולאי אסעדה אללה אני אנפדת אליך
נסים בן בנאיה ק דינ מראבטיה ואזנה בצנג אלמהדיה ארגו וצולהא
אליה עלי חאל אלסלאמה תמנהא בגואזנא אלדי הי גואז אלמהדיה
קקסו דינ גיר תלת ומא אשתגלת בשגל חתא אשתריתה<א> וחצלתהא
בכריה וגמאתיא ואצפת אליהא ג דנא מראבטי ומצריין והי נאחיה
ען אלצרה מן ברא מכ[ ] מן תפצל מולאי ישתרי לי בהא
זרנבאק מטבק מן עמל [ב]ן [אלאנ]דלסי אלדי פי דאר אלגוהר לעל יכון
דלך קבל טלוע אלנאס ישת[ר]וה כיף מא אתפק לך מנה וקד אנא
אשתריתה מנה תק ב[ ] ועסא יכון גאפי ותסאל ענה פארס
ותאכד ראיה פיה והו ישתרי מנה אלמנתור וקד וגהת לנפסי
צחבת אבי יוסף בן עלוש פד דינ מראבטיה ואזנה בעיארנא
וקד כלפתה ישתרי לי בהא קפה ניל פאן כאן באיע בסערה
בסערה(?) אלעאם אלאול פסאלתה יטלע בהא אלי מצר ישתרי מנהא
ח אכסיא פיומי גיאד תכון כחל וכצר וסאלתה איצא אן כאן לא
יתפק לה שרי ניל ישתרי במא בקי מן בעד אלפיומי לולו מן
דינ ונצ אלדרהם אלי דינרין אדא כאן גייד ואן תעדר עליה שרי
אלניל נחב מן מולאי אחיאה אללה אן יתכלף לי בשרי האולאי אל
שיין אלמדכורין ומא געלני לם נכון מסאפר מע אלנאס אלא
ציק וצולנא וראמאו אלנאס בצאי<ע>הם בלא תמן ואכדו מא לא
יכתארו ואנא ואחד מנהם לאני אכדת חריר והו מא לא יוצלח
לספר וקד וחלת מן מצליח ואכדת מנה בנ דינ אזורד ומא
וגדת מן יחלני פיהא בשי ואעצם מא אכדני סבבהא ואנא
נעאנד אמא ננפדהא אלי סקליה או הנא ננגי נעטיה מא כאן
לה

recto - right margin

ונחב
אן תכתב לי
במא אתצל מעך מן כבר
עלאל ובלדנא אלסנה גרב
מן אלצוף פאן אכתרת אן
תנפד מנה שי אנפדה
לאנה משתהא ואן חסן
ענדך אן תעמל בעץ
ארגואן ותנפדה אפעל
ומא געלני וגהת אליך אל
דנאניר אלא אנך אכדת
עלי פי אנפאדהא אללה
יחסן אלעאקבה ויכיר
ואן לם יתפק שרי אל
אלאכסיא וכאנת באיעה
או יכון מכאנהא
בהאר לאף טיב ומא
געלני לם ננפד לך
קליל זית אלא אן מא
יקדר עלי וסקה
ומא תם אחד
יתכלף בה לכתרה
שקאה וצדאעה
וראו אלנאס אלסנה
פי וסקה מתלאן
כמא ראו אל
עאם אלאול
ומא נוציך
עלי

recto - top margin

אבו יוסף אבן עלוש
למדכור תנצרה
י חואיגה ולא תכליה
ן ראיך אללה ת[ע]
א יכלינא אגתמאעי
עך ומא געל[ני]
אנפדת הדא אל[מאל]
עה אלא אן
צחאבנא אל
מהדוי[ן מא] בקי
ואחד מנהם קט
ולא נ... ואסאלה
יוקפך עלי אל
תדכרה אלדי
מעה ולא
תכליני מן
כתבך

Translation

DK 322 (alt: 14) verso