State document: ENA 4020.65

State document ENA 4020.65

Tags

Input date

In PGP since 1986

Description

Copy or draft of a petition to the caliph al-Ẓāhir (matn only) against acknowledgement of the Iraqi authority in Palestine. Dating: ca. 1030. Discussed in Khan, JRAS, p53; Rustow, Heresy and elsewhere; Rustow, Lost Archive. Previous description (Goitein's?): Shelomo b. Yehuda to al-Mustansir defending his position against Yūsuf al-Sijilmasi, the Iraqi leader in Palestine. In the same hand as ENA NS 13.15 and T-S K25.244.

ENA 4020.65 1

1

Transcription

S. D. Goitein, "Congregation versus Community: An Unknown Chapter in the Communal History of Jewish Palestine," Jewish Quarterly Review 44, no. 4 (Philadelphia, PA: University of Pennsylvania Press, 1954), 291-304.
<

ENA 4020, f. 65 ed. Gil, Palestine, Pt. 2, pp. 569-571, Doc. # 312. C.T. 4-10-86 (P) Letter to the caliph against acknowledgement of the Babylonian authority. Apparently written by Abraham Ha-Kohen b. Isaaq b. Furat. (Gil) Ca. 1030

  • ואלדי קצד אלדאע/י/ בכניסתין וריאסתין הם אצחאב /א/ב[ן]
  • אלסגלמאסי לאנהו אדא גאז אן תכון ריאסתין גאז אן תכון
  • תלאתה ואכתר מן {דלך} וודא דלך אלי מא לא נהאיה לה מן אלפתן
  • ואכד אלאמואל ואלאעראץ והתך אלחרים ובטלת אלחקוק
  • וצארת אלנעמה אלמצדק בהא כלא נעמה וצאר אקל
  • אלנאס לא יסתכלץ מנה חק וקאנון אלמדהב לא ריאסה עלי
  • ריאסה אלקדס לאנהא קבלתהם וקד אמ/ר/הם אללה תע/א/לי
  • באמתתאל אמר אלראיס אלדי יכון פי אלקדס ואלדכול
  • תחת אמרה ואן מן כאלפה פקד כאלף אללה ישהד ב/ד/לך
  • תוראתהם וכמא לא בקא ללגסם ברא/ס/ין כדאלך לא
  • קראר לבלדה בקאציין ואנמא נסיבת הדה אלכנאיס
  • אלי אלעראקין לאן להם רסם יעידו יום תאני בעד
  • תעידהם מענא פסאמחוהם בהא ריסא אלקדס
  • עלי טריק אלתפצל ליצלו פיהא יום עידהם אלדי הו
  • גד עידנא בעד תעידהם מענא ואמא גיר הדא
  • ליס ואלדלי>ל< עלי צחה מא דכרוה אלעביד אן באלשאם
  • {כנאיס ב} בלאד פיהא כנאיס ללעראקין ללצלאה
  • פקט וליס להם פיהא חאכם ולא גירה ואנמא גמיע מא
  • יפעל מעהם עלי טריק אלתפצל מן אלריס אלדי יכון פי אלקדס פי כל וקת לאן
  • מגיהום ללחג פי אלקדס ואלדי קאם פי הדא אלאמר פהם אלגמאעה
  • אלמתעצבין ליוסף יצהרו אלתעצב לראיס אלעראק לאנהם קד קררו
  • מעה אנה אדא תם לה אן יחצל בידה תוקיע מן אלח במא יתבת לה
  • בה ריאס>ה< אענהם עלי מא ירידוה מן דכר יוסף ואצחאבה
  • ולמולאנא צלואת אללה עליה ועלי אבאיה אלטאהרין ע/א/לי אלראי
  • פי אגאבה אלעביד אלי מלתמסהם { } פי מנע האול>י< אלקום אלדי
  • יוחאולו תשעת אחו/א/ל אלעבד פימא תצדקת עליה בה לאנה
  • מתי כאן לה שריך פי אלנעמה צארת נקמה וקד תצדקת אלח אלט
  • בסגלאת כתיר עלי ריסא כתיר עלי גאבר אלדהור אלדואוין
  • תשהד בדלך ולם תגעל לאחד מעהם פימא אנע/מ/ת עליהם
  • בה שריך לאן מוצוע סגל אלסלטאן א אל נ ליחס[ן ל]ה
  • ומיאי ושל>ו<ם
  • ואלדי קצד אלדאעי בכניסתין וריאסתין ן
  • אלסגל מאסי לאנהו (!) אדא גאז אן תכון ריאסתין גאז אן תכון
  • תלאתה (!) ואכתר מן /דלך/ וודא דלך אלא מא לא (נ)האיה לה מן
  • אלפתן
  • ואכד אלאמואל ואלאעראץ והתך אלחרים ובטלת אלחקוק
  • וצארת אלנעמה אלמצדק בהא כלא נעמה וצאר אקל
  • אלנאס לא יסתכלץ מנה חק וקאנון אלמדהב לא ריאסה עלי
  • ריאסה אלקדס לאנהא קבלתהם וקד אמרהם אללה תעאלי
  • באמתתאל אמר אלראיס (!) אלדי יכון פי אלקדס ואלדכול
  • תחת אמרה ואן מן כאלפה פקד כאלף אללה ישהד בדלך
  • תוראתהם וכמא לא בקא ללגסם בראסין כדלך לא
  • קראר (?) לבלדה בקאציין ואנמא נסיבת הדה אלכנאיס
  • אלי אלעראקין לאן להם רסם יעידו יום תאני בעד
  • תעידהם מענא פסאמחוהם בהא ריסא (!) אלקדס
  • עלי טריק אלתפצל ליצלו פיהא יום עידהם אלדי הו
  • גד עידנא בעד תעידהם מענא ואמא גיר הדא
  • ליס ואלדלי(ל) עלי צחה מא דכרוה אלעביד אן באלשאם
  • (כנאיס ב: deteled) בלאד פיהא כנאיס ללעראקין ללצלאה
  • פקט וליס להם פיהא חאכם ולא גירה ואנמא גמיע מא
  • יפעל מעהם עלי טריק אלתפצל מן אלריס (!) אלדי יכון פי אלקדס פי כל וקת
  • לאן
  • מגיהם ללחג פי אלקדס ואלדי קאם פי הדא אלאמר פהם אלגמאעה
  • אלמתעצבין ליוסף יצהרו אלתעצב לראוס אלעראק לאנהם קד קררו
  • מעה אנה אדא תם לה אן יחצל בידה תוקיע מן אלח במא יתבת לה
  • בה ריאס אענהם עלי מא ירידוה מן דכר יוסף ואצחאבה
  • ולמולאנא צלואת אללה עליה ועלי אבאיה אלטאהרין עאלי אלראי
  • פי אגאבה אלעביד אלי מלתמסהם פי מנע האול (!) אלקום אלדי
  • יוחאולו (!) תשעת אמר אלעבד פי מא תצדקת עליה בה לאנה
  • מתי כאן לה שריך פי אלנעמה צארת נקמה וקד תצדקת אלח אלט
  • בסגלאת כתיר עלי ריסא (!) כתיר עלי גאבר אלדהור אלדואוין
  • תשהד בדלך ולם תגעל לאחד מעהם פימא אנעמת עליהם
  • בה שריך לאן מוצוע סגל אלסלטאן א אל נ ליחס (ב?) בה
  • מ ו מ י א י ושל(ו)ם

ENA 4020.65 2

2
s
Image Permissions Statement
  • ENA 4020.65: Images provided by the Jewish Theological Seminary Library (JTSL) CC-Zero / Public Domain