Letter: T-S 13J17.2

Letter T-S 13J17.2

Tags

Description

Letter from Yosef b. ʿEli ha- Kohen al-Fāsī, Alexandria, to Nahray b. Nissim, Fustat. Around 1057. In the handwriting of Salmān b. Hārūn. Yūsuf b. ʿAlī Kohen al-Fāsī writes of his intention to come to Fustat and meet with Abū ʿAbdallah (Ibn al-Baʿbāʿ) to see if he had kept his goods safe for him, and asks to send him his greetings. Contains information about movement of ships and goods. The situation in Alexandria is not good and merchants that were supposed to arrive there did not. Also mentions Nahray’s eye disease. Goitein's note card #27112: "Just as we do, one reacted to the news that a relative or friend was restored to health. One used for the occasion the same phrase 'I congratulate you' as one did with good wishes for holy days or a marriage or a safe return from a journey. T-S 13J17.2 is characteristic in this respect. The copyist of the letter had expressed his good wishes for Nahray's recovery from his serious eye disease. His boss had forgotten to do so but obviously read what the scribe had added. Thus the scribe adds, 'My lord Abu Ya'qub al-Kohen wishes to congratulate you on your recovery.'"

T-S 13J17.2 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

  1. כתאבי יאסידי ומולאי אטאל אללה בקאך ואדאם עזה ותאידה וסעאדתה וסלאמתה ונעמתה

  2. מן אלמסתקר ערבה אלסכות אדרכך אללה אמתאלה אעיאד כתירה שמיח וטוב לב ואלחאל

  3. סלאמה ונעמה ואלחמד ללה רב אלעאלמין וצל כתאבך יאמולאי ווקפת מנה עלי סלאמתך

  4. אדאמהא אללה לך ולי פיך ודכרת יאמולאי חדית אלסרה וסרעה נפאדהא אליך [ ]

  5. אסתכרת אללה תעאלי ואשתרית לך דנאניר ואקפה וסגלמאסיה ושדתהא מע סרתין

  6. אלשיך אבי אברהם בדרב(?) אלרשידיה צאחב בן שבל דאר אללוז ופי וסט אלסרה

  7. שיי מא אשתריתה לך ודפעת לשיך אבי יצחק אברהם ח דנאניר סלפה

  8. באיש צפר אלרחל פי קארב בן חכם וקד אקלע כתב אללה סלאמתה וגעלה

  9. פי חיז אלסלאמה וכאן אקלאעה ערבה אלצום וצחבה אלשרקי יומין

  10. ולילתין אללה יכתב אלסלאמה ופיה אבי אלפצל בן אלדין ואלנפוסי וולדה

  11. וכאן לך מעי ג צבאיר אנפדת מע אלקטעה מתאע בן אלדאדוש אלדי מצת

  12. באלהדיה צבארתין וצבארה מע בן אלדיין ואנא מנתצר ללקאפלה ננ[פד]

  13. פיהא אלכף ואנא קאעד בטאל מא לי הנא שגל גיר הדא ונעמל

  14. עלי אלטלוע למצר אן שא אללה נטלע לשיך אבי עבדאללה נרא אן כאן

  15. יחבס עני אנא רחלי תקרא עליה סלאמי ומא גרצי אלא אנכארה

  16. לעלה יקול מא לה ענדי שי נחב אן תקרי עליה אלכתאב ותערף ואלדה

  17. ותקול לה הדא קולה לי לו כלית קצבה לאסתופי לך מא לך הדא ומ[א]

  18. צאפרת ללגרב ולא בלד בעיד ובאללה לולא הו מא טלעת למצר

  19. וכל שי ישבה בעצה בעץ ואמא מא דכרת מן קצה פרג בן גנג פמא

  20. אעטאני אחד כברה לעל אללה יצל מרדוך ונערפו ענד מן הו ולי

  21. מע בן אלרשידה שכרה לוז פיהא ויבתין שראהא דינאר ותמן פאן

  22. אכדתהא אקצמהא עלי אתנין ותכץ עני אלשיך אבי יצחק אברהם

  23. אלסלאם ותקול לה אנפדת(!) לך אלשיך אבי יעקב ויבה לוז תרידהא

  24. פאן ארדאהא(!) יאכדה ואן לם ירידהא תכליהא לי חתי נצל אן שא אללה

  25. וקד וזנת ענהא ואגבה עלי כל ויבה [              ] חבה פלא תעטי לאחד

  26. חבה ואחדה ומא וצל אחד מן אלגרב לא מן אטראבלס ולא מן סקליה

  27. ולא מן בלד אלרום ולא מן מוצע ונחן מעלקין אלקלוב כל יום למרדוך

  28. אללה יכתב סלאמתה ואלפוטה אלדי וגהת מעי למרדוך הי ענדי מא וגדת

  29. למן נדפעהא ואבי אלסרור סלמה אללה וקת אן רץ אלמכזן מתאעה

  30. רץ עלי אלפריון פמא וצלת לתוגיהה ולולא אנתצארי ללקאפלה

  31. מא כנת אלא במצר ותהני מולאי אלשיך אבי עלי במלאכה

  32. אללה עז וגל יערפה ברכתהא ויגעל בעצהם עלי בעץ ברכה

  33. ואמא מסלת אלשיך יצחק בן יוסף פקד תעבת פיי אלרקעה

recto - right margin

  1. יום ואתנין חתי אכדת

  2. רקעה אלרזמה

  3. ועלמת עליהא

  4. בעד תעב וקד

  5. קבצת לה מן

  6. תמן אלבסאט

  7. ג דנאניר ונצף

  8. וקד בעת לה

  9. אלקטף ואכ/ד/ת

  10. דנאניר מכצרה

  11. מא הי גיאד

  12. נקד אלסוק ובקי

  13. מן תמן אלקטף

  14. י דנאניר פי

  15. אלסוק ואנא

  16. נקבצה ונשדהא

  17. לה פי סרה

  18. ונגיבהא לה

  19. מעי אן שא אללה

  20. ומא וצלת

  21. אלי אלרקעה

  22. ותעלי//מהא

recto - top margin

  1. אלא חתי

  2. תעבת כתיר

  3. ולעל אללה תעאלי

  4. יאתינא בכבר

  5. צאלח ויום אן גאת

  6. דיך אלאכבאר אל

  7. רדיה מע בן אל

  8. קמילה וקעת

  9. מני יד דינאר

  10. ומרת אלסעה

  11. והי שיי ומתאעי

  12. מא לאחד פיהא

  13. שי אללה יכלף

  14. בכיר ואנא

  15. סלמאן נכצך

  16. אלסלם

Translation

T-S 13J17.2 1v

1v

verso

  1. וקד כנת אקלעת ואקמת טו יום ואיסנא מן ארואחנא ורגענא ללמנא[רה]

  2. אללה עז וגל יחסן אלעאקבה ויכתב אלסלאמה עלינא ועלי כל ישראל תכתץ

  3. באפצל אלסלם ומולאי אלרב אלסלם ואצהארך כל ואחד באסמה אפצל אלסלם

  4. ואלשיך אבי יצחק אברהם אלסלם ומא קבץ מן אלמאל אלדי ענד אלאמיר

  5. סוא כח דינ> כסרו מנהא ו דנאניר יגי לכל י דינארין ונצף תערף

  6. לאצחק ופי אלבלד חמס עטים

verso - other

  1. ואנא סלמאן בן הרון נכצך אלסלאם ואנא מהניא לך בסלאמה עינא

  2. וקד ערפני מולאי אבי יעקב יוסף בן פרח אנך כנת מנה פי חאל צעב

  3. אללה עז וגל ידפע ענך אלאסוא ויחלהא דונך ואחב מן מולאי יהני עני

  4. מולאי אלשיך אבי עלי צהרך במלאכה אללה יתם פרחה ויגעלה

  5. פרח מתצל בבן זכר לך יאמולאי ואלסלם וכדאלך מולאי אבי יעקב

  6. אלכהן יהניך בסלאמה עינאך

verso - bottom margin - address

  1. סידי ומולאי אבי יחיי נהראי בן נסים ננ מן יוסף בן עלי ננ פאסי

  2. אטאל אללה בקאה ואדאם עזה ונעמתה כהן

Image Permissions Statement
  • T-S 13J17.2: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.