Letter: Bodl. MS heb. d 66/91

Letter Bodl. MS heb. d 66/91

Tags

Description

Letter from Natan b. Nahray from Alexandria to Nahray b. Nissim in Fustat.

Bodl. MS heb. d 66/91 91 recto

91 recto

Transcription

A. L. Udovitch, unpublished editions.
  1. כתאבי אטאל אללה בקא מולאי אלשיך ואדאם תאידה וסלאמתה ונעמאה
  2. וכבת אעדאה ל ז כלון מן כסלו כתמה אללה עלי מולאי באחסן כאתמה
  3. בעד וצול כתאבה מע אבן אלשופט תדכר סלאמתה ועאפיתה אדאמהא
  4. אללה לה ברחמתה וקד תקדמת כתבי למולאי משרוחה צחבה מולאי אל
  5. שיך אבו עמראן סגלת הישיבה אדאם אללה עזה ואנפדת לך מעה
  6. גזך מן אל ענבר ואל ק ג'לד (?) דהב מרבע ואל גרה אל זית אלדי אשתרית
  7. לך וג'ב עליך פיהא דינ וקירט ואכד אלשיך אבו עמראן ענהא ג' דררט (?)
  8. וחמלהא קירטין יכון תמנהא דינ' ותמן ארג'ו מן אללה אן יסמעני סלאמה אל
  9. ג'מיע אן שא אללה דכרת יא מולאי מא אג'תמעת פיה מע אל שיך אבי
  10. זכרי סלמה אללה ולם יצל אלי כתאבך בדלך אלי ואל שיך אבי אלסרור
  11. צאפר ואמא באן נסאלה ען דלך ואנא (נשמטה מילה במקור) אל חסאב אלדי כאן

ביני ובין

  1. שיך אבי אלסרור הו בלמהדיה וארגו מן אללה אן אל חאל ינצלח
  2. אן שא אללה בינהם ולא יחתאג' אלא דלך וקד אעלמני אלשיך אבי אל
  3. פצל אבן אל דהבי ען קול אל שיך אבי זכרי קאל וללה מא פי קבל אל
  4. רג'ל שי גיר אן אל שיך אבי אל סרור מסך פי רחלי האדא וגירה
  5. ואנה יסתחכם אללה פי מן אדאה וחקה דלך אעלם מולאי סלמה
  6. אללה מא קאסיתה פי האדה אל מלחפה פלען אללה סאעתהא
  7. וכאד ידכל ביני ובין צאנעהא אל צלטאן ופרג לה אל קטן ובקי
  8. עליה קליל ומא וג'דת לה מתאל ואשתרית לה נצף אוקיה גאבוה פי
  9. טרפהא והי צחבה חאמל כתאבי הדאא ואלדי וזנת פי גזל וקטן
  10. ואג'רה אל מלחפה דינ' ונף ותן ארגו מן אללה אן תרון מואפקה
  11. ללג'רץ וקד כנת קבצת לך מן כרי אל דאר ג' דנא' אלי
  12. תלת אכרג'ת ענך פי אגרה מלחפה וזית וקפאר ג' דנא'
  13. בקי למולאי תלת ...דינ' וקד אג'רת לך מא קבצתה ומא
  14. אכרג'תה ואעלם מולאי אן תקדם כתאבי אליה במא פעלתה
  15. פי אמר אלדאר ומצית ללאמרה ואעלמתהא מא דפע לך
  16. פיהא ומא תג'ד לדארך מתלהא לא סימא אן אסמהא
  17. ענד אל ג'יראן אנהא להא פלו זהקת מנהא מא עדם
  18. מן ינזל פיהא וקד לטפת לך ביהא אלי אן ג'אבת אלי ג' דנא'
  19. מנהא דינרין וסדס עין ב' קירט ונף אל גמיע ג דנא'
  20. והי צחבת חאמל כתאבי האדא

Translation

Bodl. MS heb. d 66/91 91 verso

91 verso

page b

  1. תקבצהא מנה דכרת יא מולאי אנפאד אל זית אל חאר וקד
  2. אעלמת מולאי אן מא ענדי מא נסתעמל פאחב אל
  3. ג'רה אלדי וצלת אליך מע מולאי אל סג'לה תחמלהא לי
  4. ותנפדהא לי וארגו אנהא מני בל קרב דכרת יא מולאי
  5. אדאם אללה עזך אמר אל עקיק ואלדי לצהרי חול ל' דינ
  6. דהר אלדי ישתרי בהא לעל עקיק אחמר גיר אגוד מא
  7. תקדר עליה מתפצלא ואמא בצאט קנ' דינ' מא ענדה
  8. האדא אל קדר ואעלמך יא מולאי אן אנפדת צחבה סידי
  9. אבו עלי חסון בן עטיה אל וכיל ח' ארטאל חריר קריב מן אל
  10. כז וסאלתה אן ידי עליהא אל מכס וכאן גלט לאן מא תחקק
  11. ענדי מא ילזמה אלי אלסעא פאחב מן מולאי מעונה פי
  12. דאלך וקד כתבת לסידי אבו יצחק אברהם אל דרעי פי מחל
  13. דאלך פלא יגפל ענה ויעלמני פי כתאבה בדלך ואחב מן
  14. מולאי יקרא סלאמי עלי מולאי אל רב' אל גליל ר' יצחק החבר
  15. ויעלמה שוקי אליה ותוחשי מנה ויכצו איצא סלאם מולאי
  16. אל שיך אבו אל חסן צהרי ומולאי אל שיך אבי סהל מכתאר
  17. קראת אל סלאם עלי מולאי מנעמא מתפצלא לא עדמת
  18. ולא כלות מנה תכתץ אפצל אל סלאם וקרת עיני נסים אחיאה
  19. אללה אל אלסלם וולדי יקבל ידה והו פי כל נעמה ויסאלה לא יכלינא
  20. מן דעוה אן חסנה וכדאלך מולאי אבי אל חסן יכץ (?) מולאי אל סלאם

magrin

  1. ואל כבירה תכץ חצרתך אל סלאם ואחב תקרא סלאמהא
  2. עלי סידי עמראן ותעלמה אן אכתה פי כל עאפיה
  3. וגמיע אל אהל פי כל עאפיה ושלום
  4. חצרת מולאי אל חבר גדול הישיבה שאכרה ומחבה נתן בן נהראי נע
  5. רבנו נהראי ביר נסים זל
  6. אטאל אללה בקאה ואדאם סעאדתה
Image Permissions Statement