Letter: T-S 10J12.20

Letter T-S 10J12.20

Metadata

Shelfmark
T-S 10J12.20
Editor
Moshe Gil, In the Kingdom of Ishmael‎ (in Hebrew) (1997), vol. 4.

Tags

Input date

In PGP since 2017

Description

Letter from Mevasser b. David in Damsis to Nahray b. Nissim in Fustat, ca. 1053. The main issue discussed in the letter is an argument between Mevasser and Nahray on the one side and a Christian on the other side. The Christian had financial claims which were not deemed acceptable by Mevasser. Mevasser b. David complains about financial difficulties, especially since he left Mahdiyya where his family remained and lost his property during travels. He anticipates a difficult year for his family, due to famine and rising prices. The letter refers to pearl and book trade and gives the recipient the power of attorney for a sale of silk. (Information from Gil, Kingdom, Vol. 4, pp. 299-300 and Goitein notes linked below.)

T-S 10J12.20 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Universiṭat Tel Aviv, Miśrad ha-biṭaḥon, ha-Hotsaʼah le-or, 1997), vol. 4.

recto

  1. כתאבי יאסידי ומולאי אטאל אללה בקאך ואדאם סלאמתך וסעאדתך וכלאיתך מן

  2. דמסיס יום ערובה סכות אעאדה אללה עליה אעואם כתירה תזכה לביאת גואל

  3. ובנין אריאל וקיבוץ כל ישר אסאל מן אללה אן ישהדני ענך בן זכר בקרוב אמן

  4. ואלחאל סלאמה פי אלגסם ושגל פי אלסר מן כל אלוגוה אלתקאת עלי אסל מן אללה אלפרג

  5. ואלכירא לא לחאלי ולא למלבסי ואעצמהא קלת דאת אליד אסל מן אללה אלפרג

  6. ברחמתה ויכיר מא ודא לי פיה אלכירא אנה עלי מא ישא קדיר ולי מדה טוילה

  7. מן אלכתב אלדי וצלת מע סלאמה לם נרי למולאי כתאב תם וצל סידי אבו אלפרג

  8. נסים בן בנאיא אידה אללה וסאלתה ען כתאב קאל מא דפע לי כתאב בלא אנה

  9. וצא לך ויקול אללה תם אללה לא תתחרך ולא תתבל למצר לא תתבס לאנהם בנאו

  10. בנא מע אלעיד פיתכל יעיד עלי שקר והדה מן אלחמס אלעצים ודכרת איצא

  11. פי כתבך אלדי וצלת ביד בן סלאמה מא גרא לך מע אלערל לא דכרה אללה אלא במא

  12. יסתחק ושק עלי תעבה מעה וכטאבה לה מן אלחק מא כאן יכאטב עלון

  13. לאנה ערל ואנחין(!) יהוד וליס בידה וכאלה ולא שי כמא הו מקתצי דפע אש

  14. יסוא ואש יסוא כלאמה אלא אן יכון א/נ/קטע אלאמת מן מצר יכון וקולה אלדי

  15. דכר לך באן תתבעה פי כרוג אלחסאב וכרוג אלכתב ושהאדה אבן שעייא וקד

  16. כאן דכרת לי פי כתבה אנה יטלבה בדלך פוצל סידי אבו אלעלא אלשאמי

  17. סאלתה ען מולאי ען כתאב מנה קאל לי מא דפע לי שי גיר אנה דכר לה אן אלדי

  18. דכר סידי נסים הו אלדי כאן [כאן] והדה כאן מן אליום שהר פמא כאן [נסתכם]

  19. נסתכרגה ובאלגמלה מא כאן ללכטאב מעה וגה ולא ללכלאם לאנה כאן יעמל

  20. תחת אידין ונסתעמלה ונבטלה ונאמר פיה וננהא פלא בד לה פי הדה אלוקת

  21. שרך דמי לאכן מן אלחק ומן אלמרוה כאן עליה אן יחפצני ללצחבה ואלי

  22. אלמכאלטה גיר אנה דינה יוגב הדה תם דכרת אן כלאמה גרא בך יאסידי

  23. מא נסאל ענה הו ערל ואנא יהודי ומא הוא(!) צאחבי ולא הו אלוארת ולא הוא(!)

  24. אלוכיל לסאנה פי פמה יתכלם אש מא אראד ינפרג ינצר מן ישהד

  25. ומן יתכלם צובה ענד אלחק מא יקדר יתכלם וענדי אנא חגה נקולהא

  26. ומע דלך אלאתכאל עלי אלהי ישר כם גאז עלי מתל דלך מן אלמלך אלדי

  27. ללגרב ורעיו וסתר אללה וכאן [אלס] אלסבב להדה אלמאל אלמנחוס ואמא

  28. לא עלמת אנה ימות מא כאן נעמל שי מן הדה גיר אנה לא חילה

  29. ואלדי אנא פיה אסעה אצעב עלי מן כל מא גרי עלי אסל מן אללה

  30. אלפרג ברחמתה פלוה יתכלם מא אראדה אמא כאן נריד

recto - right margin

  1. נצל

  2. פלא

  3. מעצוב

  4. כאן יכון נצל

  5. בגמיע מא כרגת

  6. ביה מן אלמהריה

  7. מן אתאת ותיאב לבס

  8. וגטא ווטא וחסבאנאת

  9. וכתב וחגוג חתי

  10. כאן ירא אלערל כיף

  11. יכון אלחאל ואן כאן

  12. יסוא כלאמה ולא

  13. כלאם מן הו אגל מנה

  14. שי בקית עריאן

  15. בלא דינ ואלדרהם

  16. ולא גטא ולא וטא

  17. וסרת נאכל אל

  18. כבז בכדמתי

  19. מן תחת אידין

  20. גירי וכל וקת

  21. מן אלגהאד

  22. נתגרע גרע

  23. אלמות עלי

  24. מא נרי מן

  25. כסאסה

  26. חאלי

  27. וחאל [בית]י

  28. ולא נקדר

  29. לרוחי עלי

  30. שי אלא

  31. באלדעא

  32. ואלרגוע

  33. אלי אללה

recto - top margin

  1. נקול

  2. ברוך דיין

  3. האמת אלדי

  4. גזר עלי בהדה

  5. אלגזירה לה

  6. אלחמד ולה

  7. אלשכר

  8. עלי גמיע

  9. מא חכם

  10. עלי ואנא

  11. דאכר

  12. שאכר

  13. [חאמד]

  14. חמד למא

  15. קסם עלי

  16. יתברך

  17. ויתרומם

  18. שמו [ולעי]

  19. ולעל לי פי

  20. הדה תעויץ

  21. ותמחיץ

  22. אסל אללה

  23. אן יגעלה

  24. כדלך

  25. ואן יכלף

  26. באלכיר

  27. ולא אבד

  28. ללאנסאן

T-S 10J12.20 1v

1v

verso

  1. מן אקבאל ומן לותה ואנא פי וקתי הדה תחת לותה ואלא לם נכון תחת

  2. לותה יכון שי אנפדתה לזיי לך ולדי מונה רגע אלי אלאסכנדריה ובקין

  3. בלא שי פי מתל הדה אלסנה אלעטימה אלגלא אלגוע פאש יכון פי אללותה

  4. אכתר מן הדה אללה יגעלהם פי חיז אלסלאמה לא חילה אללה ירזקני אלסבר לאנה

  5. יעלם מא אנה פיה מן כל אלוגוה אללה יפרג אולא גית בשי אתא אללה פיה בחכמה

  6. מצא ואלדי נטלב וקע פי אלתהדיד ואלאבאח<ה> ואהל [מא] פי אלגרב מא נעלם אש

  7. הם פיה ולא אש יכון מנהם פי מתל הדה אלסנה אלצעבה ולא מא נרי חאלי פיה מן אל

  8. משי אלכסיס ואלא לם נכון רוצח לא דניא ולא אכרה לא טרחן רוחי ללבחר נסתריח

  9. מן הדה כלה גיר אנה נקול לי פי הדה זכות ועלי עון יתמחץ נרגע נבתדי ונתדכר

  10. מא גאז עלי אלסאדה ואלאפאצל נתעזי לאכן לא חילה תם דכר מולאי אן בקי אללולו באל

  11. אסכנדריא אחסן מן טלועה וגדבה יאמולאי אוגב וקופה ורגועה אסנה אלא מן גהת אנה

  12. גיר מתקוב ואמא אלא כאן מתקוב מא כאן ננפדה מע סידי אלשיך אבו אלפצל כאן

  13. ננפדה פי אלחרבי כאן יכון וצל להם אפתרגו פי תמנה גיר אנה לא חילה ואסעה נחב

  14. מן סידי אן ישיר עלי אש יעמל פי באבה ואנא לא אכד מן חמלה נתקבה או נביעה

  15. פתעלמני אן כאן לה סוק וכרוג ומע דלך אנא מנתצר נזול סידי אבו אלפצל מן אבו ציר

  16. ונכתב אליה במא יעמל פי באבה וכדלך טי כתאבי הדה כתאב לה תנפדה לי אלא אבו ציר לאן לי

  17. פיה חואיג אכידה עסי אחד מן אצחאבנא או מן אלתגאר אלמסלמין אלדי יערפוה וקד וצל לי

  18. כתאב מנה אעני סידי אבו אלפצל מן אלפצטאט ידכר לי פיה אנה אנפד לי אלכרא טי כתאבה לך ולם

  19. תדכרהא לי אנת ולא אנפדתהא אלי מע אצחאבנא פתעלמני אן כאן וצלת אם לא וארגו אנה

  20. אצאב אלתדכרה וכתאב מן אכי אבו אלפצל לי במא אועד אנה יעיד אלתפתיש וכדלך אמר אלכרא אן כרג

  21. אחד מן אצחאבנא אלי דמסיס תנפדהא לי מעה מן אגל אל[דאר] כראג לה אלדי יתבלה אלי הנה ואלי

  22. תניס ושק עלי אלדי לם יפצל אמר אלחריר חית כאן תם סלאמה וכדלך תעלמני באש דכל סידי אבו אל

  23. פצל אלי אבו ציר אן הו אלדי אנפדה ויעלמני אמר נסים אבו אלהוא אלאטראבלסי אין מצא

verso - other

  1. וקד אנפדת אליך צחבת עקבאן סלמה אללה אל

  2. גזו ג כראריס תלמוד וכדלך קד

  3. אקנית מן סהל אנך נאמן פי ביע אלגזו

  4. וליס עליך פי ביעה אלשריעה אלוגידה

verso - other

  1. אנא ואתנין מעי וקד קאל לה עקבאן

  2. אנא נתבל ביה אלא אבו ציר פקלנא לה

  3. פי אחריותך פקאל נעם פאקנית מנה ע[לי]

  4. דלך ואן עקבאן נאמן פי ביעה פי אבו ציר

  5. עלי אן קאסם יביעה לה

verso - bottom margin - address

  1. לסידי ומולאי אבו יח[יי] נהראי בן נסים נע מן מבשר בן דאוד נע בן מבשר נע

  2. אטאל אללה בקאה ואדאם סלאמתה וסעאדתה יצל אלפצטאט

  3. אן שא אללה

verso - other

  1. ותאכד אלכתאב אליה

Image Permissions Statement
  • T-S 10J12.20: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/5809/