Letter: Bodl. MS heb. d 66/21

Letter Bodl. MS heb. d 66/21

Tags

Input date

In PGP since 1988

Description

Letter from a mother in Aden to her son in Egypt.

Bodl. MS heb. d 66/21 21 recto

21 recto

Transcription

S. D. Goitein, The Yemenites – History, Communal Organization, Spiritual Life‎ (in Hebrew) (Jerusalem: Ben-Zvi Institute for the Study of the Jewish Communities in the East, 1983).
  1. בעד
  2. מן אלואלדה אלעזיזה תכץ חצרה אלולד אלעזיז אלמופק ופקה אלל : תע
  3. ואנא בטול בקאה וסהל סרעה לקאה עלי אסר חאל ואנעם
  4. באל במנה וכרמה ותנהי וצול כטך אלכרים ופהמת מא פיה
  5. ואנת תעתב עליא בקל אלכתב פקד כתבת אליך ט כתב לם יצל
  6. להם גואב ארגי שגל כיר ולא תסאל מא אני באכיה מן פקדך
  7. אלליל ואלנהאר ודכרת אנך ארסלת בתפצילה פקד וצלת ומא האן
  8. עליך תרסל בת[פצילה ?...] שי יצחכו עליה פלו אבקיתה (!) כאן
  9. אכיר ולו עמלת כיר כנת תרסל לי בתפצילה לאלכפור ולאכן
  10. אני מא רזקת מנך אלא רזקך יאכלה גירי ואמא אני מא תהנא
  11. לי שי ומא אלקא מנכם אלא שרכם אמא כירכם לגירי רסמו
  12. עליא באלגזיה ורהנת אלבית בל דינא חתי סלמת גזיתך וגזיה
  13. אכוך ואנת יא ולדי אלאכתלאף פי אלבלדאן ואלבחאר מא
  14. הו מצלחה גלוסך פי בלדך אצלח לך ווצלת אלכתב אלי יעקוב
  15. ן אבר ן פרח ופיהא כטך ולם יצל לי מעהם כתאב ולא תוב
  16. פצאק צדרי כתיר אשא לך אלעאפיה וסיירת לך בסבעה
  17. רבאעיה פופל מטייב צחבה אלחלבי צאחב יעקוב ן אבר
  18. ן פרח פאן כאן אעטאך שי ואלא פלא תעדרה חתי
  19. תאכדה מנה ולא תכון יא ולדי אלא רגל ושאטר
  20. ותחפץ רחל אברהם ן בנדאר פקד גרא עליה הנא
  21. שדה עלי לאש והו אנה כאן בינה ובין יחיי אלתכריתי
  22. כצומה פלמן כאן פי אלפטר בעשרת ימי תשובה אגא
  23. אלמסחר אלטיאר יגני עלי בית אלתכריתי קאל לה אטלע
  24. מע אליהוד תראהם ישרבו טלע ענדהם רחבו בה
  25. והם אברהם ומצמון ן אבר ן הבה ואבר ן אלשיך יהודה

(margin)

  1. פלמן צאר אלמגני ענדהם ראח חרש עליהם ענד אלשופט אלגזרי הגמו עליהם וצרבוהם וחבסוהם ואמא
  2. אברהם צרבוה ועצרוה חתי קתלוה וגרמוה ת ומצמון >ן< אבר ן הבה כמסין ואבר ן אלשיך יהודה ק

Translation

Bodl. MS heb. d 66/21 21 verso

21 verso

verso

  1. (=ה') לי ולא אירא וג
  1. הדא חאלנא והו באלפטר כיף לו כאן רמציה ואעלמך
  2. אן מצמון ן דאוד תופא אלי רחמה אל הו ואמה ואם
  3. אבו אלטייב ואצחאק ן מוסי ן סלימאן תופו אלגמיע
  4. אלי רחמה אל תע אל יגעל חצך וחץ ישראל אלשלום
  5. וכאלתך מרים תכצך באלסלאם ותקול לך אל אל
  6. באלדי מעך תחרץ פיה ותשתרי להא מנדיל
  7. וצט מחאצרי מליח בכם מא כאן אל אל מן
  8. כל בד ודכרת ען מוסי ן יחיי ושלמאן >ן< עקבה
  9. פאלי אלאן מא וצלו ואנת פתצל עלי אלפור לא
  10. תתכלף סאעה ואחדה תעלם דאלך ותכץ רוחך באלסלאם
  11. ואעלמני איש חאלך מע אבו אלחסן ולא תכון אלא רגל
  12. ויוסף ן עקבה וזוגתה יכצוך באלסלאם וכואתך יכצוך באלסלאם
  13. ואעלמך אן אכוך תשארך הו ואבו אלפרג ן דאוד וראחו אחור
  14. תעלם דאלך אל יגמע שמלי בכם אלגמיע בשמח ושלום
  15. ואל אל בכתאב [ן] אם אלסדיד תוצלהא אלי אולאדהא פקד צדר
  16. צחבה כתבך ותעיד להא מנהם אלגואב פהו לך זכיות ענד אל

(margin)

  1. ויגיאני מנך יא מוסי פמא תסלם עלי מן לא יחבך ולא ידכרך
  2. פמא לך ולדא מן לא ישאך לא תשאה ושלום יום כתב סאדס אלסוכה
  3. ואשתרי לאכתי סת אלדאר מנדיל מחאצרי מליח והי תסלם קימתה
  4. אל אל מן כל בד

address

  1. כדמה תערץ עלי ראי אלשיך אלאגל אלסייד אלמופק
  2. משה ביר אלעזר רית יהא אל בעז[רו] אמן
Image Permissions Statement