Letter: L-G Lit.III.85
Letter L-G Lit.III.85Tags
Input date
In PGP since 2010Description
Letter from Abū l-Ḥasan b. ʿAṭiyya to his 'brother and father' Wāfī b. Ḥasan and Avraham b. Ṣedaqa. In Judaeo-Arabic. Dating: Likely Mamluk-era. Dealing in part with an Islamic ruling/fatwā that stipulated the levying of 500 dinars from the Jews in Egypt, and sending greetings to relatives. Needs further examination. (Information in part from Goitein's hand list.)
Edition: Goitein, S. D.
Translation:
Transcription
S. D. Goitein, unpublished editions.Recto:
- אלי אכי אלעזיז עלי אטאל אללה
- פי אלכיר בקאך נעלמך סלמו
- אללה ולא אסלמך באן א
- גא חמוך אלמסלם וקל לי באן
- כלץ לכום תולתין מאלכום
- וברוך ייי עלא אסלאמא וחק
- אדי אלאחרוף לילת אן [[...]]
- סמעת האדי אלכבר מא בתרי
- אללילא אלי מריץ באן אללה
- יעלם שוקי אליך אללה תעלה לא
- יוקפך עלא מכרה ויכלף עליך
- וכוץ חצרתך עני אפצל
- אסלם ואללה יאכי יגמע שמלי
- בך ואקרי עמי עני אסלם
- וקל לה אש דל עדאוה אלדי . . .
- עאדיתני חתה אסלא[....
- קדרת עליה אלי אליום עשר
- שהור מא ראית מנך כ[תאב
- אלי פרד כתאב ולא ת[שרח] לי
- אחואלך ולא אחואל אצביאן
- כאן סמעת אן אשיך מכלוף
- שצ סאפר פי אלבר אללה יגמע
- שמלה ושמלנה ונעלמך אן גא
- ארייס מן צמיאט ואכבר
- אכבאר אן גיר גידה אללה
Translation
Verso:
- יחסן אלכלאץ באן אפתא
- אלפקהא בגבאית מאל אן כביר
- וגאב עלי יהוד מצר כמס
- מית דינאר מצרין ודכרו אן
- יאכדוהא מן ע אלגיד ואלדון(?)
- גני ומפקיר(?) הבה יעשה למען
- שמו ויחסן כלאצנא בינהום
- ונעלמך אן קדרת עלא צפר פי
- אלבר צאפר אנת ואהלך כאן
- אחכה ארייס באן אלחאל
- מפסוד כתיר וכוץ חצרתך
- אסלם ועמי מכלוף אסלם
- ונחום סלם ועמי הרון אסלם
- ועמי פרגון אסלם ועמאר
- אסלם ואבו אלפצל אסלם
- ואשיך משה בגדאדי אסלם
- וצדקה ר.. .ן אסלם ואבו אל
- כיר אסלם ונאתאן ויחיא אסלם
- ...] מנצור ואהל דארה סלם
- .. .]ה ואהל דארה אסלם וכוץ
- חצרתך ואשיך אברהם אסלם
- וגמיע אצחבנה אסלם וש. .ם
- וחסין אבו סעד אסלם
- יצל מן אבו אלחסן בר עטייא נע אלי אביה
- וואלדה ואפי בר חסאן נע ואברהם בר
- צדקה שצ