Letter: T-S 18J5.1

Letter T-S 18J5.1

Tags

Description

Letter (large but fragmentary) from Khalaf b. Yiṣḥaq in Aden to Avraham Ibn Yiju, around 1139-1140. The letter is written in the hand of Shemuel b. Moshe b. Eleazar. The letter contains information about their commercial ventures.

T-S 18J5.1 1r

1r

Transcription

S. D. Goitein and Mordechai Akiva Friedman, India Traders of the Middle Ages: Documents from the Cairo Geniza (Leiden and Boston: Brill, 2008), vol. 3.

III, 11

  1. אנתה[י] עבדה אלי מא שרחה מולאי מן תעזיתה בחי
  2. אלואלד ימרח ומא יושך יאשיך אבו אסחאק פי מחבתך
  3. ועבדה יערף אן אלדי טרא ענדה פי דלך מתל אלדי טרא
  4. ענדנא וכאנו דינאך אלצביין אולאד מוסי אלדין הם
  5. יהודה והארון סאפרו אלי ברוג פאציב אלמרכב פי אלכור
  6. והלכא אלצביין מע אלשיך אבו אלפרג אלמחלי פעאד מא
  7. תנאסינאהם זאד טרא פי הדה אלסנה מות אלואלדה
  8. בחדש אב פאזדאד עבדה כרב עלי כרב ובעד וקבל
  9. אלאמור ללה תעאלי כל אשר יחפץ יעשה ומי יאמר לו מה
  10. תעשה אללה תעאלי ירד אלעאקבה פי גמיע אלאמור אלי כיר וקד
  11. וצל אלביץ ואלחדיד אלמחדת אלדי פי מרכב אבן אבו
  12. אלכתאיב ושכר עבדה תפצֹלה בדלך ווצל איצא דֹ
  13. אגטיה צפר והי אגטיה תקאל במרה וכאן עבדה ירידהא
  14. אכף מן דלך ואלפופל אלדי תפצל מולאי בה צחבה אלשיך
  15. אבו אלסרור וצחבה מופק אלעשאירי קד וצל אחסן אללה גזא
  16. מולאי ותולא כפאה ולא עדמני בקאה ואמא חדית אלהיל
  17. אלדי דכר מולאי אנה תאכר פי הדה אלסנה פלא באס יא מולאי
  18. פי דלך וקד תכלמת מע מולאי אלשיך אלאגל מצמון פי
  19. אמר אלמכאתבה אלי אבן אלמריצה ואלי אלפדיאר פי דלך
  20. פדכר לי אנך קד דכרת לה דלך פי כתאבך אליה וכאן
  21. דכר מולאי בכתאבה מן אגל אלמקלא אלחדיד וכנת דלך
  22. אליום נסיתה פי אלבית לם ארסלה וקד סהל אללה תעאלי ואנפדת
  23. אליה ברסם אלבית קנינתין זביב ומנכל ומקלאתין חגר
  24. אלאתנין פי גלאף ואחד ורטל כחל מגרבי יקבץ מולאי דלך
  25. ויבסט אלעדר וכאן מולאי טלב כ כאס וד קנאדיל
  26. וכנת ואימונה קד קדמת עלי דלך מן קבל אלספר בשהרין
  27. ואתפק אן מרכב למולאי אלשיך מצמון וללשיך בלאל
  28. שרכה גהזוה אלי סילאן וארסלו אלכדם חידו גמיע מא
  29. יעמלוה חתי יאכדו אלדי יחתאגו ואלי אן כתבת כתאבי הם
  30. יעדוני פאן וצלני שי פעבדה ירסל בה וידכרה פי
  31. אכר אלכתאב וקד חמלתני אלדלאלה עלי תפצלך ואנפדת
  32. בהֹ אמנאן חריר מן דלך אלחריר ומא אחוגני אן ארסלה
  33. אלא פסאד אלמלכי ולם יתפק לי מתאקיל וסערה ענדנא
  34. אגלא מן אלסנה אלאולה גיר אן מולאי יביע דלך במא קסם
  35. אללה תעאלי וישתרי לעבדה בדלך קליל פלפל או ביץ ופופל
  36. והיל ואמא חדיד רסמי //או רקץ// או מחדת פלא ישתריה לי לא
  37. בדינאר ולא בדרהם ואן אתפק חדיד אמלס וכאן מעבא
  38. בארבזאת פיכון דלך לאן אלחדיד אדא כאן בכאר
  39. דכלה אלסוס פתנעם ולא תשתרי לעבדך מן אלרסמי ולא <<אלרקץ
  40. ולא>> מן אלמחדת שי אלא אן יכון אמלס טואל או פלפל ובִ[יץ]
  41. ופופל והיל ותכתרי לי עלי דלך ולו זדת פי אל[כרא (?)]
  42. אמא מן נאכדא או רבאן או מן אתפק מ[ן אלתגאר]
  43. אלתקאת ולו זדת פי אלכרא ולא תכלף לי[……]
  44. במא קסם אללה תעאלי ולא תכלף ביעה [………]
  45. מולאי קד קבצה ואדא אשתרא מו[לאי ......]
  46. ולו זאד פי אלתמן ומולאי פלא יעל[ם בראי תן לחכם]
  47. ראשית דבר יכץ סיידי עזי[ז נפסה באפצל אלסלאם]
  48. ותכץ עני סיידי ולדך ואלשיך [במה ומן תחוטה]
  49. ענאיתך באפצל אלסלאם ושלו[ם …]
  50. חצל יג כאס וקנדילין וה[ם … וקד אנפדת]
  51. אלחריר ואלמנכל ואלכחל [אלמגרבי צחבה מופק אל]
  52. עשאירי ואלקניתין (!) אל[זביב ומקלאתין אלחגר …]
  53. במרכב בן אלמקדם [צחבה … ועבדה]
  54. אסתעאנה בהם מו[לאי… לאנהם …]

Margins:

[…]ת ותעדר עבדך באלסכר פמא כאן מנה הדה אלסנה שי ומולאי אולא מן עדר וצחבה כתאבך כתאב ללשיך יצחק אלתלמסאני תתפצל תוצלהא אליה ולא תתואנא מן דלך

Translation

T-S 18J5.1 1v

1v

Verso:

  1. וכתאב איצא אלי [… תתפצל תוצלהא]
  2. אליה לאני סמעת א[נה ...]
Image Permissions Statement
  • T-S 18J5.1: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.