Letter: T-S Misc.28.187

Letter T-S Misc.28.187

Tags

Input date

In PGP since 2017

Description

Letter to a merchant away in the Far East, whose interests were protected by the 'Nagid David'. Aden, ca. 1180.

T-S Misc.28.187 1r

1r

Transcription

S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.

Recto:

  1. חרס אללה עז חצרה אלשיך אלאגל אלסייד
  2. אלמולא אלמאלך אלמנעם אלמתפצל חראסה
  3. דאימה אלאתצאל בעידה אלאנפצאל מחרו'
  4. ס'ה ען אלזואל מקרונה באלעז ואלאקבאל ואדאם
  5. איאמהא מא דאמת אלשמס ואלהלאל.
  6. וכצהא בגזיל אלסלאם אלתאם וסני אלתחיה
  7. ואלאלמאם ואלאגלאל ואלאעטאם ואלאעזאז
  8. ואלאכראם וסהל סרעה מואגהתהא
  9. ואלאנס במפאכהתהא עלי חאל יסר ולא
  10. יצר אן שאללה כדלך עלמהא שייד אללה
  11. מגדהא מחיט בחאל מא אוצת בה ממלוך
  12. אנעאמהא מן אלוכאלה עלי אבן דגיש
  13. בסבב פתח אלמכזן אלדי להא וקד כאן
  14. פי מא מצי אתפק אלחאל בינה ובין אלשיך
  15. אלאגל מכארם בן אלטייב עלי תסלים
  16. מאיה וכמסין דינארא אלי אלשיך אלמדכור
  17. עלי אנה יתכפל באבראה מן דרך אל
  18. ע]אקבה פמא כאן מן אבן אלדגיש אלא
  19. אנה מר אנטרח עלי אנאס מן אכאבר
  20. אהל אלבלד וכאן דלך פי גי[בה] ממלוכה
  21. וחדת נפסה אנה יתכלץ מן תסלים אלדהב
  22. אלמדכור פאנפאש אלאמר פימא בינהם
  23. וטה[]ר אלי אן [כאן] אלאמר אן רגל מן אלמקארצין
  24. אלדי יטאלב חצרתהא יקאל לה
  25. וכאן גלאמה פי עדן והו פי מצר [פל[מא]
  26. טאל אלאמר במא הדא סבילה בלג אלמדכור
  27. פכתב כתב מן דיאר מצר אלי אלקאצי
  28. בן אלגזולי ואלי כאפה אצחאב לה פי עדן
  29. ואצהר חגה עלי חצרתהא פאסעפה
  30. אלשרע אלי קבץ אלדהב אלמדכור ממא
  31. יסתחקה עלי חצרתהא פקבץ חי[...]
  32. דלך מן גיר אן יחצל לאבו דגיש ס[ביל]
  33. לא] מן אלשיך מכארם ולא מן סואה
  34. פל]מא וצל ממלוכהא ואעלם אלמאלך
  35. נגי]דינו דויד שצ במא כאנת חדתת (?)
  36. ...] לם יכן אחד מ[ן אלמש]איך פי עדן
  37. חתי אשאר עלי ממ[לוכהא] בתוקיף
  38. אלאמר ותרכה אלי אן י[גי אל]שיך מכארם
  39. [ב]ן אלטייב ועלי אן אל[...] לא תבאע ולא
  40. תשרא חתי יפצל באמרה ויצל אלשיך
  41. מכארם בן אלטייב או לעל תצל אלחצרה
  42. עאם ק[[אל]]אבל אן שא אללה ויעמל פי דלך
  43. עמל תחמד עאקבתה ועלם ממלוכהא
  44. אנה אן לג באלטלבה כאן פי דלך שפיכ
  45. דמים אללה אלגאני ולא יתצל ממלוכהא
  46. בשי מן אלאשיא מן קבל אלמקארצין
  47. אן יתסלטו עלי כל שי תבקא מ[ ... פאן?]
  48. אלאמר וקף ואלחק פלא יציע ואמא
  49. אכבאר אלבלאד פאנהא ואדעה וא[ן]
  50. אלכיראת כתירה ואלמטאראת גזיר[ה]
  51. ואלסלטאן כלד אללה מלכה עאדל ואלקאטן
  52. גמיעה אמן מטמאן ואכבאר דיאר
  53. מצר טייבה ואסעארהא רפיעה ודיאר
  54. אלגרב כדלך ווצל אלשיך אבי אלעלא בן אבי נצר
  55. אלמצרי אלכהן ואכבר בגמיע דלך ודכר

Recto, margin:

  1. אן אלשיך מכארם פי חאל עאפיה
  2. וחד]ת נפסה באלכרוג אלי אלימן לא יעלם הל יתם דלך
  3. ...]הא אללה
  4. אלפלפל בסבעה[ותלאתין דינאר אלבהאר אל...
  5. בסתין ואללאך בסתין ואלכאפור אלפנצ[ורי
  6. אלמן בתמאנין ואלכאפור אלציני אלמן
  7. ...] עשר ואלגוזה בסבעין אלעשרה
  8. ואלקרנפל אלמ[נקא] בכמסה וכמסין אל[ע]שרה
  9. ואלח[.]ב אל[מ]ן בדינאר ואל[ר]אונד כאסד פי
  10. אלבלאד מן עשרה אלי[ט ול]א ילקא מן דלך
  11. אלכולנגאן לא ילקא מנ[ה שי

Translation

T-S Misc.28.187 1v

1v

Verso:

  1. אלעוד מנבאע ולא סימא אלוסט מנה
  2. טאלע ממלוכהא בדלך ואלסלאם עלי סאמי
  3. חצרתהא אלעאליה ורחמה אללה וברכאתה ושלום
  4. כדלך אן לם יצל לחצרתהא אלעאליה [כתב]
  5. מן דיאר מצר אלבתה לכאן אלממלו[ך]
  6. ינפד בהא בסרעה מע מא כ[אן]
  7. ללמאלך אלמנעם מן חאגה ואנעם וש[רף]
  8. אלממלוך בקצאהא ענד אלאמכאן ושלום

Address, written upside down:

  1. حضرة الشيخ (؟) الاجل ال…
  2. ابو يعقوب (سعد(؟)) بن هبة الله (؟)

Diagonally on the right:

  1. يصل لوامندا
  2. ان شالله
Image Permissions Statement
  • T-S Misc.28.187: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.