Letter: T-S 28.22

Letter T-S 28.22

Tags

Input date

In PGP since 2017

Description

India Book I, 14: Letter from Yosef Lebdi to Ḥasan b. Bundar, 'the representative of the merchants' in Aden, written in the hand of Hillel b. Eli. There are several indications that the letter was composed in an early stage of the court case between Yosef Lebdi, the India trader, and Yequtiʾel b. Moshe, 'the representative of merchants' in Fustat. An important piece of information in the letter is that on his way back from India, Yosef Lebdi stopped at Mirbat, on the southern coast of Arabia, and from there continued straight to Dahlak, on the western shore of the Red Sea, thereby by-passing Aden (and Ḥasan b. Bundar) completely. Lebdi made arrangements with Bundar that he would forward the money that Lebdi and Yequtiʾel were owed. The fact that Lebdi did not settle his affairs in Aden contributed much to his current conflict with Yequtiʾel. At the time of writing of this letter, the fact that the large shipment of pepper, bought by Lebdi in India, had sunk on the way was unknown to Lebdi and Yequtiʾel in Fustat.

T-S 28.22 1r

1r

Transcription

S. D. Goitein, unpublished editions.

I, 14

  1. [...מר]פע וגטא ו[זנה עח ונצף מגסל ...]
  2. [וזנה אתנין וכ]מסין דרהמא ורבע [...]
  3. [וזן אלכל תל]ת מאיה ותסעה וכמסין דרהמ[א ...]
  4. [אבי יעקו]ב אלחכים [... הד]ה אלאוזאן אמלאה[א ...]
  5. מולאי ויתחקק פי דפתרה ואלצרה אלנח[אס ...]
  6. ובעתה ואכדת עוצהא נחאס בתרוה גמיע מ[א ...]
  7. אבי יעקוב וקד כנת אעלמת מולאי בדלך ואתב[תה פי דפתרה ... וקד]
  8. סאלת מולאי פי אסלאף עלי כמסין בהאר פלפל ופעל[תה וקסמת אלסלף]
  9. למרכב אלקמי ולמרכב בהזאת וכרגנא גמיענא פי [...]
  10. ותפצלת ונזלת שיעתני פי אלבחר ומואליי אכותך [... ודכלת]
  11. בלאד אלתיז וסמעת מא גרי עלי פי אלתיז ומא ודי [אלי וצולי אלי נהר]
  12. וארה סאלם בחמד אללה תעאלי ווצלני כתאבך אלי [נהרוארה וצחבתה]
  13. גמלה דנאניר תרסם לי אן אבתאע לך פילמאן ובד[...]
  14. חריר ומחאבס חמר וסוד וטברי ומכאד ואן תב[קי ...]
  15. אזנה מן ענדי ואשתרית חואיגך גמיעהא מן מאל[י.... ואלדנאניר]
  16. דפעתה לדאדא אלביאע עלי זיאדה רבע פי אלדינ[אר ...]
  17. בעד אן כאצם אלוזיר ואלדנאניר ענדה אלי אליום [...]
  18. אלחואיג אלמכתצה בך ובאכותך וגעלת פי וסטה[א... וכתבת אליך]
  19. וקלת יאכד כל מנכם שהות[[ק]]ה ואלבאקי יבקא לי ל[... ולי]
  20. איצא צרתין מחאבס ואנפדתהם מע אל[...]
  21. סאלמין ואעלמתך יא מולאי אנני טאיע [... ופי אלבחר קד גרי]
  22. עלי מן אלאהואל מא קד ערפתה ומא כפי [ענך יא מולאי אנני וצלת]
  23. אלי מרבאט סאלמא במא כלץ מן מאלי וכנת [...]
  24. אנפדתה אליכם מן מרבאט עוץ מן מאלכם [... וכתבת]
  25. אליך אשרח לך חאלי אסאלך פי תצחיח //תמן גמיע// אלחואיג [...]
  26. אלמקדם דכרהא וכדלך מא צח פי אלנחאס במעז[...]
  27. בהאר וכנת סאלתך אן תחמל לי אלכמסין בהאר אל[פלפל...מע מא]
  28. כאן לי ענדך מן סאיר אלבצאיע אלתי כנת כלפתהא [...]
  29. אלי דהלך אן קדרת עלי דלך ואן לם תקדר יצלני כ[תאבך... יוקפני]
  30. עליה אמא אן אגי ואחמל מא לי וללשיך אבי יעקוב [אלחכים ...]
  31. ווצלתני כתבך אלכרימה במא אנת אהל לה וקלת לי [...]
  32. עלי שלום פאן רחלך יצל דהלך ויסבקך ואתכלת על[י אללה תעאלי]
  33. ועלי מולאי וכנת אנפדת מע //בן// אלנאכדאה ואלאשתיאם [...]
  34. וסתין קטעה פולאד ודון אלסבעין מנכל אלי ענד מולאי ובלס[ ...]
  35. בן אלדבאג כמא עלם מולאי ותלפת ואלאן יא מולאי אלגרץ [אלמקצוד]
  36. בה פי הדא אלכתאב הו תכליץ מא יכתץ באלשיך אבי יעקוב אל[חכים]
  37. אדאם אללה עזה מן גמיע חואיגה אלמכתצה בה ושרחהא
  38. אלסבע קטע אלפצה אללטאף אלמקדם דכרהא ווזנהא <<שטנ ומא צח פיהא>> ואלקטעה
  39. אלאשנה ווזנהא [[עלי מא דכר אלחכים]] ארבעה מאיה מנא //ומא צח פיהא// [[ואלמעול]]
  40. עלי מא צח ענד מולאי ואלאפתימון ווזנה עשרה אמנא [[עלי מא דכר]]
  41. [[איצֹא]] ואלצרה אלנחאס [[דכר איצֹא אן]] וזנהא מאיה ועשרה ארטאל
  42. במצר //במא כאן פיהא מן אלצב ואלצרב ובענא מנהא אלצרב ואבתענא עוצֹה אלצב// ואלמחמודה [[דכר אן]] וזנהא עשרין דרהמא ואלכרקה אללפאפה
  43. איצא תחקק יא מולאי גמיע מא צח פי הדה אלחואיג אלמקדם
  44. דכרהא אלמכתצה באלשיך אבי יעקוב אלחכים אדאם אללה עזה
  45. ומא צח פי אלכמסין בהאר אלפלפל אלדי כנת סאלתך אלאסלאף עליהא
  46. //[[וערפתך אן ללשיך אבי יעקוב מן גמלתהא טו]]// ומא צח פי אלנחאס מפרד לאנני קד דפעת לה מאיתי דינארא
  47. עלי דלך ועלי מא כאן לה צחבתי אלי נהר וארה איצא מן אלמיעה
  48. ואלמרגאן ואנא אגדד אלסואל למולאי אלשיך אדאם אללה תאיידה
  49. אן יחקק לי מא צח פי כל חאגה מן הדה אלחואיג ואלפצה כל קטעה
  50. וקטעה באוזאנהם ואסעארהם ואתמאנהם <<בעד אכראג מא יסתחק עליה מן מכס ועמאלה ומא אצפתה עלי תמן אלנחאס והו ג דנא>> ומא צח פי אלכמסין
  51. בהאר אלפלפל ויתכלף לי אלמשקה פי עמל אלחסאב פי דלך כמא
  52. עהדת מן תפצלה קדימא וחדיתא ומא כאן לי לכאצתי אלדי
  53. דכרתה חצרתה ווצלני בה כתאבה הו מקבול ענדי גאיז לא אשך
  54. פיה ומא תחקק מן גמלה מא יכתץ במולאי אלשיך אבי יעקוב
  55. אלחכים אדאם אללה עלאה תנעם יאמולאי ותשתרי באלמבלג בצאעה
  56. תנפדהא מע מן יקע אלראי עלי איצאל הדא אלכתאב מן ידה בוכאלה
  57. תכתב לה באמר בית דין ויקלדני פי דלך אלמנה ולא ילחקה תואני
  58. פיה //לקבצה ליצל אלי בית דין ליצל כל מנא אלי חקה// וקד כנת כתבת אלי מולאי אדאם אללה עזה וסאלתה אן יספר
  59. מא ענדה מן גמיע מא יכתץ בי ובאלשיך אבי יעקוב אלמדכור חרס
  60. אללה עזה חסב מא ירי בר או בחר לעל אלכאלק תעאלי יגבר אלכסארה
  61. פי דלך וארגו אן יכון תפצל ופעל דלך לאנני כנת אטלקת לך דלך
  62. ואלכאלק תעאלי יחרס מדתה ויטיל עמרה ועמר אולאדה ומואליי
  63. אכותה ולא יעדמני בקאהם ואסאלה אן יתחפני בכתאבה
  64. אלכרים מצמן אכבארה ואחואלה ואלעארץ מן חאגאתה ומהמאתה
  65. פאני אסר בדלך פעל מנעמא לא עדמתה מולאי מכצוץ באתם
  66. אלסלאם ומואליי אכותה ואולאדה מכצוצין באגל סלאם ושלום
  67. וסאיר אלאצדקא ומן סאל עני או יסל עני מכצוצין באגל סלאם
  68. ואטיב תחיה ושלום ישע רב
  69. יוסף בר דויד
  70. ננ

T-S 28.22 1v

1v
Image Permissions Statement
  • T-S 28.22: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.