Scholarship on Letter: DK 233.2 (alt: 7, 120, 233/A)

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.

כתאבי אטאל אללה בקא מולאי אלפרנאס אלכהן אלנאמן ואדאם
עזה ותאידה וסעאדתה וסלאמתה ונעמתה ען חאל
סלאמה ועאפיה ושוק אליה שדיד גמע אללה ביננא עלי
אפצל אלמנאב במנה וכרמה אנה ולי דאלך ואלקאדר
עליה אן שא אללה ולמא כאן פי אלאסבוע אלמאצי וצל כתאב
מולאי אלי ענד אלאהלה פסררת שהד אללה בעאפ < י > תה
מן מרצה אלתי דכר אנה כאן פיה ודכר מולאי עתב
פי תאכיר כותבי ענה וסבבה אן ארפע אלתתקיל ען
קלב מולאי ואקנע בכתאב אלואלד ואכרה אשתהי
מולאי יכון יואצלני בכתבה במהמאתה מתא אגאוב
ען כל כתאב אן יצל פאדא וצלני מן מולאי כתאב
אתשרפת בה ועלמת מחבתה לי אלצאדקה אלתי לם
תזל פאסל אללה תעאלא דכרה יסתגיב מנא צאלח
מא נדעו למולאי ולו [ל] דה ולמן ענדה ולו פעלנא מתל[
הדה אצעאף למא אנתהינא פי בעץ גמילה //
ואיאדיה אלחסנה אלדי תפוק ען כל שוכר ותנא פאסל
מולאי ימן עלי וליה בגואב הדה אלאחרף סרעה
ואן יכון למולאי חאגה ישרפני בקצאהא ואעלם
מולא [י] אן אלספתגה אלדי כאנת מן אלרייס לם יחצל מנהא
שי אלי אלאן פאן ראי מולאי אכד כתאבה אלי ולדה באן
יקדם דפעהא פהי מן אללה ימנה מתל סאיר מא חצל
יכץ מולאי נפסה באתם אלסלאם ועלי ולדה אחיאה אללה
אפצל אלסלאם ומן ענדה אפצל אלסלאם ושלום

(upper margin)

אבו עלי אסלם

וואלדי יכץ

סאנרפלאו

םינמזהו

אלסלאם

ןיצוצכמ

אחד ועשרין

מן אדר שני

ילעו םאלסלא

ועלי אלפרנאס

אליוי עלי

יאלומ

םתאב

אלגמיע

םולשו

מני ומן

ואלדי באפצל

םולשו

(upper margin)

(verso)

(upside down)