Letter: T-S 18J3.12

Letter T-S 18J3.12

Tags

Input date

In PGP since 1988

Description

Letter from a file of Avraham Maimonides' court, written to the Dayyan Nissim, in the hand of Shelomo Ha-Melammed b. Eliyyahu the judge.

T-S 18J3.12 1r

1r

Transcription

Mordechai Akiva Friedman, Jewish Polygyny‎ (in Hebrew) (Tel Aviv: Bialik, 1986).
  1. ותשועת צדיקים מיי מעוזם בעת צרה
  2. אל מושב הדרת יקרת צפירת תפארת מרנו ורבנו נשיא
  3. אלהים בתוכנו נסים הדיין המופלא החכם המעולה תפארת
  4. החברים ישמרו צורו וינצרו יוצרו רעה לא תבוא אליו
  5. ונגע ומחלה בל יקרבו באוהליו ייטיב אחריתו מראשיתו
  6. מאת עבדו בן אמתו שלמה המלמד ברבי אליה הדיין סט
  7. אלמשתאק אלי כדמתה אלמתאסף עלי אלפאית מן
  8. מלאחצתה פאללה יגעלה לשם ולתהלה ויכון לה עונא
  9. וסנדא לאנה אלמסאעד לאוליאה אלואתק לאתקיאה יתבת
  10. פיה אלתירא כיאתך אני אלתשתע כיאני אלהיך אמצתיך
  11. אף עזרתיך אף תמכתיך בימין צדקי אמן נצח סלה
  12. וינהי אליה בעד אלסלאם אן סיידנא גאוננו אדוננו נגידנו
  13. אברהם האור הבהיר והכוכב המזהיר יהי [שמ]ו לעולם
  14. במאמר אלהי עולם כאן קד כתב לסיידנא שצ רקעה גואב
  15. רקעתה פי מעני אבי מנצור בן אבי אלכיר צאמן סנהור ואמר
  16. באן לא יזוגה אחד אלא בעד ופא מווכר זוגתה ואכד אלשיך
  17. חסאן וכאלה בידה ומעשה בית דין בכט אלדיין אלאגל רבנו יהודה
  18. בן אלנאמן זצל ומצי בחית אנה יגי מן ענד אלמולי גואב אלי
  19. סיידנא אלנגיד יגביה בורא הצבאות מעלתו פמא גא מן
  20. ענד אלמולי גואב פרגע אמר באן יכתב ללמולי
  21. כתאב שאפי בשרח חאלהא ומא הי פיה מן אלשדאיד
  22. ואלזאם אלשכץ באלוזן או יגי גואב סיידנא ובאללה עליך
  23. יא מולאי וסיידי לא תגפל ען הדא אלאמר והודא הי צארכה
  24. ללה תע והי תתנא פרג וגואב רקעתך אלשריפה אלי
  25. סיידנא ירום הודו ויגדל כבודו פאן אלאמר מץ פיה
  26. וקד כתב ללמולי [[הדה]] ורקה והי פי באטן הדה אלכדמה
  27. באן תנגז אלקצה לאן עינהא וכאטרהא מנתצר גואב
  28. אלמולא פלא יהמל אלקצה ואלאגר לה בין ידי אלבארי אללה
  29. וולדהא איצא יקרא אלתורה והי מגתהדה פיה ותאלפה
  30. בלא דרהם ועשית כחכמתיך ואתה כמאלך האלוהים
  31. הוא ישכינך בטח שנ ורבצת ואין מחריד ושלומך

(right margin, upside down)

יגדל ולעד אל ידל נצח סלה / ומולאי אלואלד אלדיין / יסלם עלי אלמולא /

ומשתאק לה / ושלומך / ירבה / תדין / בחסדך / עבדך / לזכות / אלגואב /

ושלום

T-S 18J3.12 1v

1v

verso

  1. תובל זאת האג[ר]ת בשמחת שמיה אל המצב הגדול מושב הדרת
  2. יקרת צפירת תפארת מרנו ורבנו נסים החבר הדיין המופלא החכם
  3. המעולה מאת צעי[ר] עבדיו הענ[י הק]טן שלמה ברבי אליה הדיין סט

(below the hebrew address, in the opposite direction)

يصل الى المحلة الكبرى مع سلامة الله الى المولى الريس [اﻻا[جل نسيم

[نو] ر [ال] شريعة السماوية والحاكم من مصر من عند مملوكه ابو البركات ولد

ابو الفرج ديان مص زمان دل والحمد لل

Image Permissions Statement
  • T-S 18J3.12: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.