Letter: T-S AS 147.4
Letter T-S AS 147.4Tags
Input date
In PGP since 2004Description
Long fragment of a letter by a man who, among other things, discusses the learning of his son and expresses outrage that, despite an impeccable record after 60 years of business, a lawsuit was being brought against him. Gil identifies the writer as Ismail b. Ishaq al-Andalusi and dates the letter to 1050. (Information from Mediterranean Society, III, pp. 237, 477; V, 205, 565, and Gil)
Edition: Goitein, S. D.
Translation:
T-S AS 147.4 1r

Transcription
S. D. Goitein, unpublished editions.- כתאבי לסידי ומולאי אטאל אללה בקאה ואדאם
- נעמאה ומן תופיקה לא אכלאה תקדם לי כתאבך
- נסכתין דכרת פיה אנני מא כתבת לך אש צח לך
- ואש בעתה לך וקלת פי בעץ כלאמך לא תחוגני ללמגי
- ולא לוכיל וחאשי אני יא סידי מן הדא אלי אליום מן
- וקת אנת צבת ללכלטה מע אלנאס אניף וסתין סנה
- מא נעלם אן וכל עלי אחדא וכאלה ולא קדמני לדיאן
- ולא לאחד ענדי כרובה פצה ולא דקה ואנת תעלם
- דון אלנאס אן כאן יצלני כל סנה מן אלשאם ומן מצר
- נחו אלי אלאף דינר פערפני מן סמעת מן אלנאס
- יקול בקי לי ענדה קירט דהב והדה מא אקולה
- אדעא אלא מערוף עני ואנא צבי מא אלתחית והדא
- שרח מא אלדי בעתה לך וחק מא אעתקדה אן לוקתי
- הדא מא אכדת מן אללגי לא דינר ולא דרהם לאן אלב
- ואלשהוד אלדי כאנת לי עליה פי אלסוק תופיו לך טול אלבקא
- ומע הדא אטן מא יציע לי שי אסתענת עליה בכתאב
- בית אלמאל יקול להם נעם לה קבלי וענדי וכמ י א
- מסלמין יכפי מנהם יכשא אן ישהדו עליה יקול להם
- אן כאן לה ענדי שי יצל אלי [ . . . ] הדה אנא מא נפסדך שי
- ולולא אלוקת וצעובתה ומא גרי עלינא פי מא מצא ואלא
- מא כאן אלוגה לך אלא מן מאלי ודכרת לך אן אלברדיה
- דכרת ואלנצאפיה ואלמלחפה לם נגד מנהא שי וסאל[ת
- תערפני הל רדתהם או לא פצעב עליך ת [ . . . . . .
- . . . . . . . . . . ] הדה [ . . . . . . . . . . . . . . . .
- פצה וזנהא כח צח פיהא דינרין ונצף ותמן וחכר
- ווזן אלדראהם אלורק קמח ונצף אוביעת סער לה
- בדינר אלתמן ד נ ורבע [ . . . . . . ] וצח פי [ . . . ] ן
- בעד אלדי ב אל[ . . . . . . . . . . . . . . . . . . . . . .
- . . . ] טפל [ . . . . . . . . . . . . . . . . . . . . . . . . . .
- . . . . . . . . . . . . . . . . . . ] ופי [ . . . . . . . . ] כאן
- ביננא ג דננ ורבע ותמן פי לה [ . . . ] ש [ . . . . . .
- ופי אלהלילג [ . . . . . ] תלת דינר פי אל ואל
- . . . ] אלפקיר [ . . . . . . . . . . . . . . . . . . . . . . .
Translation
T-S AS 147.4 1v

Verso.
- פאלקאצי ען אלדי [ . . . . . . . . ] ו קב . . אלנצארה אצין אל [
- אל ואין וכתאב ללמשרף פי הדה אלקצה לאכודהא מנח
- פי אלוקת ומע הדא כלה מא ארדת נוכל עליה וכאלה בטלב
- ואנמא כתבת כתאב בסואל וגאה ואמא כטה מעי וכל ואחד
- מא לה ואנמא סבב קדמוני אצחאב אלמאל ללקאצי למא כרגת
- כטה במא צח להם [ . . . ] אין בקיה קלת תני אלספר
- ובקית ענדה הדה אלפ דינר אלמדכורה פגאובני אלקאצי
- וקאל כאן תכסר הנאך ותנפק מנהא עליהם קלת כפת לאלא
- יטול בי אלאמר ואיצא אן מתאעהם פי מאמן ודרכה עלי
- קאל להם תגאמלוה חתי יצל אליה הדה אלשי קאלו לה
- דפ]עת וחק אלעטים מא ישך עלי ווזנת להם בחכם
- קאצי ואלסעה תקול לה נחב תכאפיני במא קלתה ללקאצי
- וללתגאר בעד אן תכון הדיה מנה או מחבה ותלטף בה
- ותקול לה מא חוגה להדא לא וקף לוגהה אמר בנייה אב
- יכרגהא וכתב לנא פי חואיג ישתרי להא מנהא מתל תוב
- עראקי אזרק אלדי יסמא מראודי ומלחפה זהרי גיידה ורדה
- דביקי ומקטע דביקי ונצאפיה וגמיע דלך נחסבה מן ענדה
- הדיה וליס לי ענדה שי ואנא נעלם אן בפצל אללה ונייתך לי
- יסבב אללה יפעל דלך עלי ידיך ותקול לה מא תכסר מע מנשה
- הו אן שא אללה ללמקבלה יגי ואמא אכרה אלסנה אמר אלצבי
- נטר אן חצל לה ענד שי ויטמאן קלבי ויגי פאן תם לי דלך או
- נצפה או מא אתפק מנה לעל שרי חאגתין אלדי כתבת פיהא פאן
- כאן פנחסבה מן אללה ומנך ואן טלב מנך תצמן לה דרך מא
- לעלה יקבצך פאן כאן שי לה וגה פכד מנה לנפסך ד דננ
- נחסב עליך ההנא מא תסוי ואן כאן פיהא פאצל בעד הדא
- פוגהה לי דהב או פצה או לולו או מא יחסן ענדך או גוזה ואל
- אמר בעד דלך ללה ואליך ואלחאצר ירי מא לא ירי אלגאיב
- ודכרת אמר מולאי אלשיך אבו סחק אברהם בר יעקב נע וקד וחק
- אלעטים א לפת אליך דעואת ולם נגדה ואנא מא נפרט
- חתי נאכד כתאבה לך או אלי בן שעיא כמא דכרת במא
- ואזיד וקלת אן קבצת שי ממא בקי לך וסאלת בנת עמך נדפע
- אליה שי פנדפע ואנא אן שא אללה אן קבצת שי נערצה עליהא
- או חתי תגי ותסאל ואן לם יכון מן ענדי ועאיד באללה או מן ענד
- אלשיך אבו סחק ואן אמכנך תתם פצלך אן בקי לי שי מן אל
- דנניר ותתסאע ישתרי לי ג אקפזא קמח או מא אתפק
- ותטחן לי ותעמל פי שכאיר אלבנדק ותנעתהא לי