Legal document: CUL Add.3413 + Bodl. MS heb. e 101/16
Legal document CUL Add.3413 + Bodl. MS heb. e 101/16Tags
Input date
In PGP since 2017Description
Court record containing an agreement between Abu al-Muna and Abu al-Fadl regarding a debt of 55 dinars, 35 of which were to be paid immediately and the remaining 20 at the middle of Kislev. Dated Heshvan 1410/ October 1098. (Information from Mediterranean Society, II, p. 512, and from Goitein's index cards)
Edition: Goitein, S. D.
CUL Add.3413 1r

Transcription
S. D. Goitein, unpublished editions.- אלדי אסתקר בבית דין בין אלשיך אבי אלמנא ובין
- אלשיך אבי אלפצל בדרך פשרה בעד קטע גמיע
- אלכצאים ואלמטאלבאת אן יסלם אבו אלמנא דנן
- ל[אבו] אלפצל כמסה וכמסין דינ מנהא כמסה ותלתין
- דינ מעגלה ועשרין דינ מאגלה אלי נצף כסלו
- מן הדה אלסנה אלתי הי סנה אתי וכדלך קבל עלי
- נפסה אבו אלמנא דנן אן ידפע לה אלעשרה דנא
- אלדהב אלמכסור ודינאר דהב עין צחיח בעד
- אן יקבל עלי נפסה חרם [[באסם כל בר ישראל]]
- פי דלך באנה מא קבץ מן תמן הדא אלדהב אלמכסור
- שיא ובעד דלך יסתוגבה אבו אלפצל דנן ואסתקר
- בינהמא פי אלנביד אן ידכל מן יערף יעזל מא
- לא יותרה אבי אלפצל פאן אכתאר בדלה
- דפע לה אבו אלמנא בדלה ואן אכתאר תמנה
- אכד אלתמן בסער אלוקת ואסתקר בינהמא פי
- כמאר ומערקה אן יכרג אבי כתיר אלפרנס דלך
- אלי סוק אלבזאזין ויודיהא לאהל אלכברה פמא כאן
- בינהמא מן וכיסה קאם בה אבו אלמנא דנן לאבי
- אלפצל ואסתקר בינהמא פי מא בקי ענד אלצואף
- והו דינארין ותלת ורבע אן אקרבהא אלצואף
- אנהא ענדה באקיה כאנת לאבו אלפצל יפתצל
CUL Add.3413 1v

verso
- בהא מעה ואן דכר אלצואף אנה קד סלמהא לאבי אלמנא
- אחרם חיניד חרם סתם עלי מן אכד הדה אלדינארין
- ותלת ורבע או בעצהא ולא יקרבהא //וברית חיניד דמהא.י אבי אלמנא// ואקני מנהמא
- גמיעא עלי גמיע מא תקדם דכרה מן הדה אלשרוח
- בכלי הכשר לקנות בו בבטול כל מודעי ותנאי פי
- יום אלכמיס כג מן מרחשון שנת אתי לשטרות
- שריר וקיים וכתבנא וחתמנא דליהוי לזכו ולראיה
- שלמה הכהן ביר יוסף אב זקל
- יצחק ביר שמואל נע הלל ביר עלי זל
- ומן בעד הדא אלאסתקראר אתפקא פי אמר
- אלנביד אן אדא וצל אלי מלך אבו אלמנא
- אלתסעין גרה נביד כאן קבלה ופי דמתה
- ען תמן דלך תסעה דנאניר וען תמן
>
- אלמערקה דינאר פדלך עשרה דנאניר גיר חבה
- יסלמהא אליה ען פסח //עלי ידי אבו [[אלמנא]] עלא צאעד// אדנא מן שנת
- אתי והדא אלאתפאק בקנין שלם בבית דין
- יצחק ביר שמואל נע
- א]ברהם ברבי שמעיה החבר נבתויא נין שמעיהו גאון נע
- דויד ביר יאיר השופט נע
Bodl. MS heb. e 101/16 16 recto

Bodl. MS heb. e 101/16 16 verso
