Letter: T-S 16.244
Letter T-S 16.244Tags
Input date
In PGP since 2004Description
Letter by Hibat Allah b. Khalaf al-Hamawi to Barakāt b. Khulayf, complaining that he couldn't sell the resin and mentioning a transport by the ship of al-Harbi, apparently a Christian from a Christian land. Dated May 1037. (Information from M. Gil, Kingdom, Vol. 4, p. 118)
Edition: Goitein, S. D.
T-S 16.244 1r
Transcription
S. D. Goitein, unpublished editions.- תדכרה לברכאת בן כלוף מן
- אכיה אבו אלחסן לו וצפת לך יאכי
- מא גרי עלי מן חסאן בן אלחצירה למא
- וסעה כתאב וטלבת פי דלך אל
- אכתצר(!) פלא גזאך אללה עני כיר הד[ה
- אלתחף אלדי אתחפתני בהא לילה אל
- ספר ואלאן אן קדרת אן תכתב לי על[יה
- וכאלא(!) באלמעאמלה אלדי בינכם
- אפעל לילה אלאקלאע אלנאס מש[ו
- ואנא פי אלמטאלבא(!) ללה עז וגל
- וקד באעו אל.ל מצטכא באכ[. .
- מן רוס אמואלהם ובקי אלבקם ואל
- מחמודה רבח והדה פעאילהם וה[ם
- מרבחין כיף לו כאן גירה פלעל אנך
- תשעף תמור תמלך בנסך לגמיע אל
- נאס פלען אללה הדא אלחאל ולען רזק
- אן יגי עלי הדה אלקציה ותתפצל עלי
- תלתקי בנסים בן תמאם ותתערף לי
- מנה חדית אלחריר אלדי אנפדת מעה
- אן כאן אנפדה לי ומא וצל לי פי מרכב
- אלחרבי כלטה כיאר סאעה וצולה
- יבאע במא רזק אללה וישתרא לי
- בתמנה מא יחסן ענדכם וענד אלשיך
- אבו סעיד ותנפד לי כל דרהם אן יחצל
- ענדה לעל יכון תם פאידה והדה
- ספרה כמא קדר אללה ת ואמא אל
- באן אלדי אנפד מע הלאל בן כאלתי
- לא דכרה אללה בצאלחא זנך ותלף
- וקד אנפדת מנה שי אלבגאיא ושי
- אלי סקליה ואלי נפוסה וחדת מא
- נעמל בה ואן דכל עליה אלציף
- הו יתלף אללה יחסן אלכלאץ פי דלך
- ולא תכלוני מן אלדעא וכוץ כאלי אל
- סלאם וואלדי וגמיע אכותי אפצל אלסלאם
- וכתבת יום אלאחד אל
- תאני עשר מן סיון
- ונחן יאסרין
- ונקל הדא(!) אלאחרף באמרה מן דפתר
- והבה בר כלף אלחמוי זל אמנה מודאה
T-S 16.244 1v
