Letter: T-S 13J20.11
Letter T-S 13J20.11Tags
Input date
In PGP since 2017Description
Letter from Zakkay b. Moshe to the ḍāmin (tax-farmer) Abu al-Bishr Mevasser ha-Kohen b. Salman. The writer, a scribe in al-Mahalla, describes his work of copying a commentary on the Torah onto vellum in big letters. He asks whether the book should be bound in that town. Dated ca. 1145. (Information from Mediterranean Society, I, p. 112; II, pp. 239, 605; Goitein's index cards)
Images and transcription
Transcription
- כתאבי אלי מולאי אלכהן אלאגל אטאל אללה בקאה
- ואדאם תאיידה ונעמאה ומן חסן אלתופיק לא
- אכלאה וכאן לה ומעה ולי וחאפט ונאצר פי גמיע
- אמורה אנה ולי דלך ואלקאדר עליה סבחאנה
- כאן קד וצלני כתאב מולאי אולא מע אלעשר רקוק
- והו ילתמס נסך תפסיר אלתורה פאול מא וקפת
- עלי אלכתאב עלי יד ר שלמה באדרת באלשגל
- ופצלת אלרקוק עלי מא חסן ענדי וכתבת פבלג
- אלשגל פי אלעשר רקוק אלי תלת אלתורה וענד
- ספר ר שלמה למצר אעלמתה באלאמר וקלת
- לה אנא מחתאג אלי רקוק נכמל פיהא אלשגל פקאל
- לי חאגה אלכהן ענדי עזיזה אננא אשתרי אלרקוק
- מן מצר ואגיבהא מעי תנתקי מנהא חאגתך
- וענד וצולה מן מצר גאב אלרקוק פאנתקית
- כיארחא ועזמת עלי תכמיל אלשגל ואלתפסיר
- יגי עלי קטעתין גזוין בחכם כונה פי אלרקוק
- וגפא כטה פאן אכתרת תגליפה פי אלמחלה
- מהמא אלמגלף ההנא פתנפד לנא טאקא[ת]
- לתגליפהא עלי קטעתין ואן לם ואלא תעלם כ[אדמך
- גרצך פיהא ואלשיך אבי אלמרגא ר שלמ[ה . . . . . . . .
- ולא תגפל עני פי אלאגרה לאנני בי [ . . . . . . . . . . . . .
- כתיר כראמה לשגלך לעטם מ[ . . . . . . . . . . . .
- ודכר לי ר שלמה אנה אנפד לך [ . . . . . . . . . . . . . .
- אלחבר בן טריף
Right margin, diagonal lines written upside down.
- קטעתין בקם | וזנהם יד רטל | ואנפד ללשיך | אבו אלעלא [ט] |
- ארטאל פלפל | ורטלין זנגביל | תעלמנא פי | כתאבך בוצולהם |
- וקד אנפד ר שלמה | ללשיך אבו לאעלא | צחבה מוצל | הדה
- אלאחרף | קרפה ג | ארטאל | גיר רבע
Top margin, diagonal lines written upside down.
- ווזן דרהמין | ונצף זבדה | וכאן ר שלמה |
- קד כתב יסאל | אלשיך אבי אלעלא | אן ישתרי לה | עשר
- מואגיר | או טו מע אלדי | ענדה פתתפצל | תעלמנא | אן
- כאנת
Verso.
- קד חצלת לאנה מעול יסוי פיהא קליל [ . . . . . . . . . . .
- הו או ירסל רסולה ואלדי יכמל מן אלד[י . . . . . . . . . . .
- פאן סהל עליך אן תנפד אלאגרה ואלא פתכ[ . . . . . . . .
- שיך אבי אלמרגא במא תכתאר פהו ידפע מן ענ[דה
- וקד כנת אעלמתך פי אלכתאב אלאול אן אלאגרה ת[ . . . .
- דנאניר לאן כתאבה הדא אלתפסיר פהו מתל כתאבה
- מצחף ליס יעוז אלא אלנקט ולמוצעך ענדי תרכת
- מן דלך נצף דינר וכנת קד אנפדת לי עלי יד ר שלמה
- נצף דינר יתבקין דינרין פלא תוכרהא עני [[תכץ]]
- או כתאבך לר שלמה באן ידפעהא ענך ויציפהא
- אלי תמן אלרקוק פכיף לה בחאגה וכדמה לך והו שאכר
- נאשר כתיר לחצרתך וללשיך אבי אלעלא תכץ נפסך
- באלסלאם ואלשיך אבי אלעלא אלסלאם ואלמעלם
- אלסלאם ומואליי אלסאדה אלפתיאן יבורכו מן השמים
- אלסלאם ונשתהי מטאעדתכם גמיע פי תחציל אלמואגיר
- ואן אתפק לכם איצא מנאפח תחצלוהם ותעלמונא
- בחצולהם פי כתאב צחבה הדא אלגוי מוצל הדה אלאחרף או
- מע מן יסהל ואן חצרה לכם חאגה תבעתוהא מע אלגוי
- פהו תקה ושלום
Bottom margin, parallel lines written upside down. Written in a different hand (same hand that wrote the three lines under the address).
- וקד ש . . . עאן . .
Bottom margin, parallel lines written upside down. Address.
- יצל הדא אלכתאב אלי מולאי אלשיך אבי אלבשר מחבך
- כגק מר ור מבשר הכהן ביר טלמאן נע זכאי ביר
- אלצאמן בבאב נכו . . בן אלעטאל
Bottom margin, parallel lines written upside down. Written in different hand (same hand that wrote the line above the address).
- יצל הדא אלכתאב אלי מולאי אלשיך אבו
- אלבשר מע ר מבורך בר ששלמה(!)
- ש[ . . . . . . . . ]א
