Letter: T-S 12.566

Letter T-S 12.566

Tags

Input date

In PGP since 2017

Description

Business letter from Fustat to Alexandria in which Musa b. Yahya al-Majjani writes his business friend Abu al-Faraj Yehoshuaʿ b. Ismail that he had dissolved his partnership with his former 'master.' Dated 21 March, 1029. (Information from Mediterranean Society, I, p. 371)

Images and transcription

Transcription

  • על שמך
  • כתאבי אטאל אללה בקא מולאי ואדאם סלאמתה וסעאדתה וכבת אעדאה וחסדתה וכאן לה
  • וליה וחאפצה פי גמיע אמורה מן מצר אלגמעה אלכאמס מן רביע אלאול סנה [עש]רין ען כיר
  • ועאפיה ללה אלחמד וח[ד]ה קד אס<ת>כרת אללה תעאלי וא<נ>פ<ד>ת למולאי פי כיס [מין אוניה] אבי אלעז צחבה //אלעדר ניל//
  • סידי אבי עלי חסין בן יחיי אדאם אללה עזה וקד סאלתה אן כנת[אל] רשיד יסלמה לך ואמא אן
  • [לא תכון] יחמלה ללאסכנדריה מע אל[ . . . . . . . . . . . ] מולא אדאם אללה עזה . . . . . . . . . . . .
  • לחמלה ללמהדיה כמא תראה חסב אכתיארה כמא תראה (!) ותראעי חמלה פי אלמוצע אלדי
  • יכון ותכתב לי אין חמלהם ומא אחתאג אוכד עליך שי אסאל אללה אלכירה ואן יכתב עליה
  • אלסלאמה במנה והו אלקאדר עלי דלך במנה כמא לם יזל מתפצלא וקד אנפדת רקעה דאר
  • מאלך מע אלברה אלכראג אלדי לך מע סידי אבי עלי חסין ואן אחתגת [[ . . . . . . ]] מעונה
  • מן מולאי אלשיך אבי זכרי יהודה בן סגמאר אדאם אללה עזה פמא יבכל עליך וקד
  • כתבת לה בדלך ומע כתאבי הדה(!) כתאב למולאי אבי אלפצל זכרי בן כלוף אלאשקר
  • אדאם אללה ע(ז!)ה פאסאלה דפעה לה ותערפה שוקי לה ומא געלני קטעת(!) מכאתבתה
  • אלא אתר אלתכפיף ענה וכתצה(!) עני באלסלם ומא אעלמך ביה מן חאלי מע מעלמי
  • אן בעד כרוגך וקע ביני ובין מעלמי מצארה וקד אנפצלת מנה אסאל אללה אלכירה
  • לה ולי ואלצרף מ בדינ אלקדם ואלגדד לח וחאל <אל>מגרביה מא ימשי מנהא אלא מא כאן
  • גיד וסער אלגיאד מנה תסוא מן נה אלי סה ואלמקארבה מא לה סער אלא בסער אלסבך וקד
  • בעת אלדי כאן ענדי קי בדינ ומאד לתשתרי מנה שי לא בדינ ולא דרהם וסלם עליך

Verso.

  • . . . . . . . . . . אנפדת למולאי צחבה סידי אבי יעקוב יוסף בן אלדיאן אדאם
  • אללה עזה [צ]רה פיה(!) קק מגרביה גיאד אסאלך אן תביעהא לי ותזן עני
  • מא ילזם עלי אלעדל מן אלואגב ומן אלסלפה מא אחתאג אן אוציך בה
  • פי חמלה ללמהדיה אסאל אללה אלסלאמה כמא תרא ואלסלאם(!) עליך

Bottom margin, straight lines written in the same direction. Arabic:

  • לסידי ומולאי וריסי אבו אלפרג ישועה בן אסמעיל אלמגרבי מן [ מוסי בן יחיי אלמגאני
  • אטאל אללה בקאה ואדאם עזה ו . . א[

Bottom margin, straight lines written upside down. Address.

  • לסידי ומולאי אלשיך וריסי (!) אבו אלפרג ישועה בן אסמעיל שאכר תפצלה
  • נע
  • מוסי בן יחיי אלמגאני
  • נע
  • אטאל אללה בקא[ה ו] אדאם עזה . . . . . . . . . . . [
Image Permissions Statement
  • T-S 12.566: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.