Letter: T-S 12.357
Letter T-S 12.357Description
Letter in which a son acknowledges receipt of a shipment sent by his father, along with the statement, “And paid the dinar for the capitation tax with the money earned by my own hard work.” (S. D. Goitein, Mediterranean Society, 5:329, 596) EMS
Edition: Goitein, S. D.
Translation:
T-S 12.357 1r
Transcription
S. D. Goitein, unpublished editions.- . . . . . . . . . . . . . . . . . . . . . . . . . . . . . ] דעא
- קריב אלאגאבה ואלדי אעלם טולדי בה אן קד
- אתצל לי מן ענד אללה ומן ענדך תוב ועמאמה
- וא]ני פי עאפיה וקד וזנ/ת/מן באליתי דינאר מן עמלי
- ואנני כתיר אלשוק אליך שדד אלאגאזה ונהאיה
- ואן תיאבי ענד בלחסן(!) בן אלדעדוע תוב וחזה ומלחפה
- ואנ]הם ענדה עלי דינאר גאליה בחצור סתי אכדהם
- . . . . ] נהם עלי אנה יגיב לי דינר ללגאליה ומא דפע לי
- . . . . . . . ] עליהם סתי עשר דרהם אכדהא וסאפר
- . . . . . . . ] לה קבל אן יסאפר אדפע לי קמאשי קאל
- לי הו[[א]]מא אקדר אדפעהם לך באן סתך קאלת לי
- קבל אן תסאפר לא תדפעהם ל/ה/וקד רגע קאל אן סתך
- אכדת עלי אלקמאש סתי עשר דרהם וקד דכלת אלי
- אלריס ורפעתה אלי אלשרע ומא דפע לי שי וקל (!) לי .
- . . ] ו אבעת אלי סתך כתאב פאן גא אלגואב [[ . . . ]] מנהא
- באנהא קד אכדת דא אלסת עשר . דרהם כמא דכר
- אלסתאעשר דרהם פאבעתי לי כתאב [[אל]]סרעה בלגואב
- באן קד קאל אלריס אנהם ענדי ומא אקדר אדפעהם
- לך] אלי חתי תסיר לי סתך כתאב ונסמע מן סתך אן כאנת
- קד אכדת מנה שי עלי אלקמאש פתבעת תערפני
- ואלדי אעלמך בה אנני מחתג אליהם חאגת אן צרוריה
- . . . . ] סואהם ואלעיד קד אקבל עליא ולולא אלמעלם
- אבו נצר כנת קאעד פי וצת אלחבס ומא עאקני ען אלמגי
- א]לא אלקמאש ואן אם הבא הי מספרה אלמחלה ומא בקי
- . ] מוצע אחט ראסי פיה פאן כנת פי כיר פאבעת ערפני
- בגואב אלתכאתב סרעה ואלסלאם עלי אלסת אלעזיזה ועלי .
- ואלדי אלסלאם ועלי פתוח אלסלאם ועלי סלימאן אלסלאם [[ועלי]]
- ועלי אמראת אבי ואולאדהא אלסלאם ועלי אבוהא אלסלאם
- ועל אכוהא אלשיך אבו אלפצל אלסלאם [[וש]] ושלום
Right margin, straight lines written upside down.
- בתסלימהם לך ק [ ] תבעת [ ]כת[ ] ואגל [
Translation
T-S 12.357 1v
