Letter: T-S 12.250
Letter T-S 12.250Tags
Input date
In PGP since 2004Description
Letter from Nissim b. Berekhya, in Qayrawān, to Barhūn b. Ṣāliḥ al-Tāhertī, in Fustat. Mentions shipments of goods from Egypt to the Maghreb. The writer mentions his father but not his brother Yosef. (Information from Gil, Kingdom, Vol. 2, #153) VMR
Edition: Goitein, S. D.
Translation:
T-S 12.250 1r
Transcription
S. D. Goitein, unpublished editions.- כתאבי אליך יא סידי וריסי אטאל אללה בקאך ואדאם סלאמתך וסעאדתך ונעמאך וכאן לך ול[יא ונאצרא
- פי גמיע אמורך וכפאך אלאסוא לעשרה איאם בקין מן אב ען שוק שדיד פי אלנפס [אסאל אללה אן ימן
- אלגמע בך עלי סלאמה ועאפיה פאנה אלקאדר אלרחים תקלת עליך יא סידי למא נעלם מן ש[גלך אנפדת
- אליך יח רטל לאסין ונצ כאנת ענדי אשיר עלי בתוגיההא פי רזמה כלטה לך ולבני עמך אדי(!) מן [אללה אל
- סלאמה נחב מנך ביע . ל . . . . . . . . והי פי מכדה גמלתהא רטלין ורבע רזמה מן א . . נחב נחב עזלהא
- וקת אלביע לילא תסמג אלבקיה והו לאסין חסן גמעתה הון עלי ידי ותשתרי לי באלתמן מן אלאסקאט
- ממא תראה צלאח מע גמלה מתאע שיכי או פי גמלתך כיף מא סהל ותגיב דלך אן שא אללה [אללה
- יגמענא בך סאלם מעאפא וקד וצל לך אלסנה אלסדס אלדי מענא פי אלניל ואלנשאדיר [וכאן גלאם
- לאבי סהל עטא בן עמך קבץ לי דלך ווגהה וואלדי בספאקץ עאד ללאן לם יתכלץ מן תם ואסתכרת [אללה
- אלעלאוה אלנשאדר מ . . . וקבצת אלתמן לתאכידך עלי ואלדי פי רגוע מא יכצך ואלדי בעת עב מן בסער
- מכתלף יח יח ונצ וג . להא בעד אלגעל מן אלדרה אלף שצא ובקי בקיתהא . . לד מן חסבתהא עלי נפסי סער
- אקצא מא בעת וג . להא ששכט ובקי דקאק ו ארטאל ונצ אביע סער ז אלרטל צח מה יכון גמלתהא
- אלפין סה ובעת אלקפץ ד דרה דפעת מן דלך [[אל]]תלתה ששצ דרה אלי אבי אסחק ברהון בן עמך [פאשתרי
- חריר מע גמלת מאלך וקדמת מן ענדי עלי אלניל מן קבל וצולה כ דינר תזיד קירט ונצ אשת[רי חריר
- איצא אבי אסחק ווגהה מן מדה שהר ודאך אלאן אן שא אללה קד וצל אליך ואלניל נצברו בה אלי וצול קאפלה . . [ . .
- אלי אלשתא יבאע אלביע אל . ו . ב אן . . . . והו יסוא אליום אלף קק אלקנטאר עלי מא קאלו לי ונחן פיה אללה אמרה
- ופי אלגמיע אל . . . אללה יופקך וילהמך למא פיה אלרשד ואלצלאח וקד קדם ואלדי אליך אלסנה מ[פי אל
- מראכב מן אלמהדיה ולנא נחן איצא מתלהא וקד דורהא ללמהדיה לאגל גלא אלכרא בספאקץ [ואסתכאר
- אללה וכתב לאבי אברהם אסחק בן יעקב(!) יתולא וסקהא פי ארוג מרכב אן יגד אללה יזין אלגמיע באלס [לאמה במנה
- ואחסאנה ואלדאר בכיר ופי אחסן חאל בעד אלמציבה אלדי גראת עלי אלטפלה והם מתעזיין אללה יחסן להם
- אלעוץ בבנים זכרים ולא יוקפך אבדא עלי מכרוה ומא אחתאגוה אלסנה מן אלנפקה אנא נעטיהם מן אלבאקי
- לך מא יכצך פי אלניל ולדלך אוקפתה ולזם אלניל ואלנשאדר מונ דינרין יז דרה מונה הי מו . . .
Right margin, diagonal lines written upside down.
איצא עלי ניל לפתק . מן גמ . | אעלמתך סידי דלך קראת עלי | כאצתך אלשריפה . פצל ל . [ . וכל מן תשמלה ענאיתך | אלסלאם וכל מן סאל ענא | אלסלאם ועקב שלום | וזנת עלי אלמכדה אללאסין ו דרה אלדי ילזמהא | ע . . . . . . . . . . .
Translation
T-S 12.250 1v
Verso.
לסידי וריסי אבי אסחק ברהון בן צאלח ננ תיהרתי מן נסים בר ברכיה ישע רב
בקאה ואדאם סלאמתה וסעאדתה וגאמעה
