Scholarship on Letter: T-S 12.13

1          אלי בנתה וקד בקית מתל חמאם מקצץ אל אג̇נחא ולמא קד

2          תחו[ט]ת עלי נפסי פי אל ספר אלי אסכנדריה[1] קולת עסא עני נפד

3          מן גאב עליה מעה או מן ממן יכון יערפנא נתוג̇ה מעה אלי ענדך

4          פמא וגדת יאכי אחד ואנא יאכי קאעד פי מצר נקים כול יום

5          בנצף דרהם או ברבע ואנא פי חאל לא יצרוך מנתצר אלי אללה

6          ולך אל סעד יאכי בחק אל בזולה לא תפרט פיא ואן בעת שי אבעתה

7          [...]ל [...]מא מא תחב עלמה מן חאל יוסף לאן [.]קה

8          צאר לה עיאל אן כביר  וקד צעוף בצרה ומא בידיה שי וא[כת]ך

9          ברכה הי בכיר פי עאפיה ולהא ד̇ גלמאן ובנת וקד זוג̇תהא והבה

10         בכיר פי עאפיה וקד סמעאנא יאכי מא גרא עליך פי אלבחר אללה

11         יאכי יכון מעך מא נקדרו לך יאכי עלי אכתר מן אלדועא אללה

12         יחפץ̇ נפסך פי אל גורבא ויכון לך ולי וחאפץ פי ג̇מיע אמורך ואל

13         סעה יאכי לא תפרט פינא לאן אני מא נוכאדו אל אהל אלא אלי מתל

14         הדה אלוקת ואנא יאכי קעד פי בלד אלגורבא בלא דינאר ולא דרהם

15         וקבל מן הדא יאכי פיה אלכפאיא ואן בעת שי אבעתה אלי אלשיך

16         אלסג̇למאסי כתן מצ̇מון הו מוקים פי מצר ואנא יאכי מוקים פי מצר

17         אלסלאם עליך ונפסך אלשריפא מכצוצה באתם אלסלאם

[1] הה"א תוקנה מאל"ף.