Letter: T-S 10J6.15

Letter T-S 10J6.15

Tags

Input date

In PGP since 2004

Description

Complete letter to Abu Zikri, who is hailed as 'brother' by the writer, discussing a business dispute in a past partnership between the two. (Information from Goitein's index cards)

Images and transcription

Transcription

  • בשמ
  • כתאבי אלי אכי אשיך (!) אבו זכרי אטאל אללה בקאה
  • ואדאם עזה ונעמאה ומן חסן אתופיק (!) לאכלא[ה
  • גמע אללה ביננא עלי אסר חאל אן שאללה ואל[ . . .
  • לא תסאל מא ביגרא עלי מנך פי חקי מן אן תשכ[ . . .
  • אואם ואשכיתני אלי אבן אפזר ואלי אבו סעד אלעטאר
  • וליס אחתמל מנך הדה אשתימה אליום סנה ואנא מא
  • בארד עליך גואב תסאנך תקול לנאס אסלפתה
  • ודפעת לה אנת אסלפתני קט שי כאן אול אלמעאמלה
  • אלי אלפוה ואלחויג אלדי רבחת פיהם דינאר ונצף
  • ותאניהא אלחריר כצרת(!) אנא תמן תעשר(!) דינאר
  • מא גבת עליך פיה שי תם אני אופיתך רחלך
  • ולם יבקא לך עלי חסאבי אכתר מן תלת דנאניר
  • חסבת עליה תמאניה ורבאעי חתי אן אבו
  • עמראן קלי כם לבו זכרי ענך קלת מא בקי לה
  • ענדי אכתר מן תלת דנאניר חתי אנך קלת לי
  • הי תמאניה ורבע קלת צדקה תם אן אלחריר אלדי
  • אשתריתה במאיה ארבעה ועשרי דרהם דפעתה לי
  • וקלת ביעה לי אכדתה מנך היה ואלדי כאן לי ליאליום

Right margin, perpendicular lines.

  • סנתין ונצף מא בעת מנה ברבע לאנה מא ינגבר פי קוץ וספר מא ביהון עליה | אסאפר וקד דפעת לך דינארין יוספיה מע מחמד ודפע לך תר. . | אר סבעה וכמסין דרהם וקד סירת לך מע אבן מסמאר

Verso.

  • תלת יוספיה כבאר תם אנך תנפד תקול לאבו סעד
  • יא מולאי אנערף אן לי שי ואלא יקול לי בייי אלהי ישראל
  • לו כנת אן אשתתי אן אכד רחלך כנת קד חלפת לך
  • אתנין ועשרין דינאר ולא כאנך מא תכלי עאדתך
  • תנפד לי תשתמני ותשכרני פי אול אלכתאב ותנפד
  • אלי אבו סעד תתכה.ן לה ותקול אכד רחלי ומחק עלי
  • שיי יא שיך אבו זכרי מתדפע לך עשרה דראהם
  • או כ דרהם מא אכדתהא מני אלי גמל פי אלאול ותאני
  • וכל גמלה אלדי בקי מא יסוא אלכלאם עליה חתי תסיר לי
  • תשתימה אנא וחק שם ייי מא ערפת חסאבך
  • לא פי אלאול ולא פי אתאני(!) פהדי רועך פאנא ואללה
  • מא אכלי לך ענדי חבה ומאנא(!) פי הדה אלשהרין
  • לחקתני אגאחה ולנא שהר אלמועד מא בענא פיה
  • ולאשתרינא(!) לאן אלחריר כאסד ואנא לו צבת מן יש[ . .
  • מני מוצע אדרהם(!) בנצף חתי אסתריח מן הגו . ל . . . .
  • קליל קראת עליך אסלאם ועל עמראן אסלאם

Right margin, perpendicular line.

  • ועלי גמיע מן תחוטה ענאיתך אפצל אסלם(!) ושלום
Image Permissions Statement
  • T-S 10J6.15: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.