Letter: T-S 10J14.12

Letter T-S 10J14.12

Tags

Input date

In PGP since 2004

Description

Letter from Mansur b. Salim in Alexandria to a friend in Cairo inquiring about his son, who had run away to the army and had perhaps travelled as far as Yemen. See also T-S 10J13.10 and T-S Ar.18(1).137, letters by the same sender concerning the same matter. (Information from Mediterranean Society, II, p. 379)

Images and transcription

Transcription

  • שאכר תפצלהא
  • מנצור אבן סאלם
  • קד עלם אללה תעאלה(!) שדד(!) שוקי לחצרה מולאי
  • אלשיך אלאגל אלמונעם אלמותפצל שצ וגיר
  • דאלך יא מולאי ממלוכה יעלם אלמולא אן
  • ולדי סאפר וקאם פי אלעסכר מודה וטלע
  • פי האדה אלהגא ולם נעלם לה כבר וכונת
  • מותרגי מוגיה פסמעת אנה יודכר ספר
  • קוץ ואלמולא יעלם צועובת ספ[ . . . ]א פי
  • איאם אלכיר פלא סימא פי הדה אלאיאם
  • אלצעבה פלו קולת ללמולא מא נחן פיה
  • מן אלאלם מא וסעה כתאב פנשתהי מן
  • אנעאמך והמתך אלעאליה אן תרוצה
  • ותועצה ותרדה מן האדא אלראי אלמקארב
  • ותכליה יגי לאן כאן ספרה גמיעה בגיר אמרי
  • פבאללה עליך ובחק אלשריעה לעל יכון פרגנא
  • עלי ידיך ואנא נעלם אן חצרתך מא תחתאג
  • וציה ואסכנדריה האדיה מא גרא פיהא שר
  • אללה יורד אלעאקבא(!) לכיר ולקמח אלעאל
  • בדינאר ונצף ותמן אלארדב וולדך פי עאפיה
  • אללה יעוצך פיה ולעל [[תקדר]] אן כאן תקדר
  • תשתרי לה בלשוי אלדי מעה חויגה
  • ותסירהא לה מע אחד מן מעארפיך(!) אן
  • כאן בקא מעה שי ולא ילחק אלמולא
  • פי גמיע דאלך גפלא(!) אללה לא יכליני
  • מן תפצלהא ולא יקבל מנה חוגה לאלא
  • יבהתך בחגג אן באללה פאן כולקה צעב
  • כתיר מא נערף נצפה אלחצרה מכצוצה
  • בלסלם וגמיע מן תחוט ענאיתה אלסלם
  • ולכיר יכון אן שא אללה ואן כאן קד גהל
  • וסאפר פתרסל וראה רסול במא ראה אלמולא
  • ואנא נרסל ללמולא אלדי יעלמו בוה (?)
  • וקד ארסלת לשיך אבו אלפרג אבן אלריס
  • כתאב פי האדא אלמענא פיכון ראי
  • אלמואלי אלאגלא מושתרך פי

Verso.

  • אלמוסאעדא(!) חסב אלאדלאל עלי
  • אלחצרה ולעל אלגואב סורעה לאנני
  • סיירת גומלת כותב ולם נסמע לשי
  • מנהום גואב ושלום

Bottom margin, straight lines written upside down. Address.

  • ]אלשיך הל[
  • אלאסכנדראני
Image Permissions Statement
  • T-S 10J14.12: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.