Scholarship on Letter: T-S 10J13.9
Letter T-S 10J13.9- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
T-S 10J13.9 1r
S. D. Goitein, unpublished editions.
- המכובד יעטר כלל ישראל בחייו ובאריכות ימיו
- אנס וכן יהי רצון וינהי וצול כתאבה
- אלכרים וקבלה אלממלוך קבל אלוקוף עליה ופהמת
- מצמונה פאמא מא אשאר אלמולא בה מן אלשוק פענד
- אלממלוך אצעאפה פנסאלה תע אלאגתמאע במשאהדתה
- פי אסר מא יכון וכאן אלמולא קד קאל לי מן גהה
- אלשיך אלאסעד אבו סעד מן גהה אלרקוק וכאטרי
- אלי אלאן משוש מן באטן אמר לא ימכן כתאבתה
- פי הדא אלמכתוב וקד תחצלת אכתר אלרקוק וקד
- וצל פי שהר תאריכה מרכב מן אלגרב ואלממלוך
- יחצל בקיתהם ונסיירהם צחבה אסחק אללוי בן אבו
- מנגא אלכאדם פהו יטלע ען קריב . . . . א
- צחבתה ואמא אלערצי אל . . . . לי פ . . . פנשתהי
- יכתב לי כתאב בטו[לה וערצ]ה והל יכון פי אטראפה
- חריר כתיר או קליל [והל יכ]ון כאם או מצר(?) והו
- יצל אליה פי אסרע מדה לדכאן אלמולא אלאגל אלמאלך
- אלמנעם אלמתפצל אלשיך אלאס[עד] השר הגדול
- בישראל כאל אלמולא פתקבל אלדי פיה ען אלממלוך
- מן כל בד פאנני מא אגסר עליה ולא אהגם במכאתבה
- בגיר אדן פכל אלאוקאת יצלני סלאמה ופצלה וכלפתה
- פי כתב רבי אברהם ברבי טהור נע [ואל]לה תע לא
- יעדמני הדא אלאחסאן מנה וכדלך תקבל לי יד ואלדך
- אלמולא אלמאלך אלאסעד ופקה אללה תע וכדלך תסלם
- לי עלי אלאך אלעזיז וכדלך תסלם לי עלי אלשיך אלמכין
- עמך ואולאדה ואלשיך אלאגל אלמפצל(?) . אלמולא
- אלאסעד //ועלי אלז . ער// ועלי אלשיך אלתקה ולדה ואלשיך ולי אלדולה
- ואלשיך אלצבי אבו אלעלא . . ל . . סלאמי ואלמולא אלאגל
- אל . . . . . . תקבל לי ידיה ותסלם לי {עלי} אלמולא עלי אל
- חכים אל . . . . . . שצ ידיע בן אלכאתב ואכיה וסאיר
- אלגמאעה ענדהם אללה תע[ . . . . . ] שלום ושלומך
- יגדל ואל לעד ידל אנס . . . [ . . . . . . . . . . .
T-S 10J13.9 1v
