Letter: T-S 10J10.8

Letter T-S 10J10.8

Tags

Input date

In PGP since 2004

Description

Letter from Barakat b. Hibat Allah al-Ja'fari to Abu al-'Ala Sa'id b. Munajja ('Ulla b. Yosef ha-Levi, the parnas in Fustat). Complete letter containing personal and business matters. (Information from Goitein's index cards)

T-S 10J10.8 1r

1r

Transcription

S. D. Goitein, unpublished editions.
  • בשמ רחמ
  • וצלת כתב חצרה מולאי אלשיך אלגליל אטאל אללה בקאה ואדאם
  • עזה ונעמאה ותאיידה וסעאדתה וארתקאה ומן חסן
  • אלתופיק לא אכלאה ווקפת עליהא ופהמת מצמונהא פלא
  • עדמת תפצלה אבדא וקד כנת סאלתה פי כתבי אליה
  • אן ינעם עלי ויסאל חצרה מולאי אלשיך אבי אלמעאלי בן
  • עדיב אדאם אללה תאיידה פי אן ינעם ויכתב אלי חצרה
  • מולאי אלאך תבת אללה סעאדתה יסאלה פי מראעתי (!) ופי אל
  • אשתמאל עליה ופי אלעצבייה מעי פי באב אלכיאר
  • שנבר וגירה פאן אלקטעה אלדי(!) תכץ מולאי קד אנכסר
  • מנהא יא דינא אלא רבע ענד אתנין ואעתקד בתפצל אל
  • בארי תעא אן אדא שמלתני סעאדתה פיהא תכלצת לי
  • מע מא אני רטב אללסאן בשכרה מעתרף באיאדיה
  • ובאפצאלה ובצנאיעה פלא עדמת גמיע תפצלה אבדא
  • ואנעאמה פמא אחתאג מע הדא תאכיד ואמא
  • מא דכרתה פי מא יתעלק בכתבה אמראה והבאן
  • פאן אלחצרה אלמתיבייה תכון לעד קד כתבת אלי גביל
  • בסבבהא ונסכתהא תצעד מעי אן שא אללה פהי תכון
  • נצח תפעל פי הדא אלבאב מא יגב ולא יוכר מולאי עני
  • גואב כתאבי הדא לאן קד קרב אלספר ואלכאלק יסהל

Right margin, diagonal lines written upside down.

  • עלינא וילטף | בנא למען שמו | הגדול מולאי מכדום | אגל סלאם ומן תחוטה | ענאיתה אלסלאם וינעם עלי | כמא לם יזל יערפני חאל | מן יכוצני פאן קלבי | משגול בהם ואן יכון | כדמה יכוצני בקצאהא | ותכץ עני מולאי אלשיך | אבו טאהר באפצל | סלאם ויעז עליה אלנובה | אלכבירה ואלמציבה | אלעטימה אלדי(!) נאלתה | ואלבארי סבחאנה | יברד נארה ויחסן | לה אלצבר ויעוצה | עלי מא נאלה | פישהד אלכאלק | // ת . . // לקד קטע |
  • צהרי | כברה |

Top margin, diagonal lines written upside down.

  • לכן לא חילה | ויערפה מולאי אן אבנתה | קד חצלת פי עכא הי ואבנהא | ואלחצרה אלמתיבייה תכון נצח | קד אתלת כלאצהא וקד | כתבת אלי גביל עדה כתב | בסבב אלכמסין דינא והי | תצל והי אן שא אללה | תצעד צחבתנא הי ואבנהא | ערפת מולאי דלך | ליערף [[יש]] ושלום יהיה לו | לעד יב בעומר

T-S 10J10.8 1v

1v

Verso. Address.

  • חצרה מולאי אלשיך אלגליל אבי אלעלא צאעדשאכר תפצלה ברכאת בן
  • בן מנגא חפטה אללה הבה אללה אלגעפרי
Image Permissions Statement
  • T-S 10J10.8: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.