Letter: ENA 2727.17a

Letter ENA 2727.17a

Tags

Input date

In PGP since 2017

Description

Letter addressed to Abu al-Ḥasan Yedutun ha-Levi asking for help to collect money owed the writer by his brother so he can open a store in Alexandria.

Images and transcription

Transcription

  • . . . . . . . . . . . . . . . . . . . . . . . . . . . . . . ]נו ידותון הלוי הש[ר
  • . . . . . . . . . . . . . . . . . . . . . . . . . . . . . . ] הבהיר הרב המובהק
  • . . . . . ] הימיני הפטיש החזק יהי שמו לעולם וכן יהי רצון וסוא דלך
  • אן אלממלוך משתאק אלי נטר אלמולא כתיר ומסתוחש מנה ומן
  • מח]בתה ושפקתה ומן דעאה פלא תקטע עני אלדעא ואדעו אללה
  • עלי אנגח פ[. . ]קראיה ואשתהי מן אללה ומן אלמולא יסיר יערפני
  • אע[. . . . . ] מן חדית אלפצה אלדי לי ענד אלנאס הל אופי לך אחד
  • שי אם לא ואן כאן ימכנך אן תקול לאכי יאכד לי פצה מן ענד
  • אחד מן אהלי אפעל הדא וכד לי מן אכי אלפצה אלדי ענדה
  • לאני אחב אגי סרעה אפתח לי דכאן ואלאקצאב אלדהב אלכבאר
  • יסוו פי אסכנדריה בעשרין דרהם אלקצבה פסיר ערפני סערהם
  • ואדא כתבת כתאב וארת אן תסירה לי אדפעה ללשיך
  • אבו אלעלא אבן אלדיין הוא יסירה לי או ללשיך אבו עלי אלדיין
  • וסלם לי עלי אמי נערפהא אני פי עאפיה ועלי עמתי ועלי
  • רשידה והכדא תכון אלנאס מא קדרתו תסירו לי כתאב אליום
  • שהר וכסר ואנמא אנא אסעה כמא עלמת אנכם
  • כולכם אעדא מא פיכם מן הוא צדיק אלא עמתי וסלם לי
  • עלי אלשיך אבו סעיד אלטביב ועלי גמיע אהלי פאללה תעאלי
  • יריחני מנהם בלא כטיה תלחקני עליהם נאמ הית(!) נחלתי
  • כאריה ביער נתנה עלי בקולה על כן שנתיה(!) ולא תכליני
  • מן אלדעא בחק דינך מן כל בד וסלם //לי// עלי אכי ועלי אלשיך אבו
  • סעד בן אלענברי ועלי כל מן תחוט ענאיתך

margin )

  • ]אם לא תקולו לאחד אני מסאפר //אללה// אללה לא תקטע עני אלכתב ושלום

verso )

  • יסלם לי אלשיך אלואלד אלעזיז אלשיך אבו אלחסן
  • ר ידותון שמ צו
Image Permissions Statement
  • ENA 2727.17a: Images provided by the Jewish Theological Seminary Library (JTSL) CC-Zero / Public Domain