Legal document: Bodl. MS heb. d 66/83

Legal document Bodl. MS heb. d 66/83

Tags

Input date

In PGP since 2017

Description

Court record dated Tevet 1357/ January 1046 in the handwriting of Efrayim b. Shemarya. Mansur b. Mukhtar sues Shelomo b. Natanel, accusing him of taking the money that the deceased wife of Mansur inherited from their father. (Information from E. Bareket, Shafrir misrayim, pp. 53, 225; Yehudei misrayim, p. 178)

Images and transcription

Transcription

}

  • חצר פי בית דין הקבוע במצרי[ם] פי יום אלכמיס כא יום
  • מן טבת סנה אלף ותלת מאיה כמסין וסבעה סנין למנין שטרות
  • מנצור בן מכתאר ומעה ולדה אלחלל אלדי לם יערף אסמה בל קאל כניתה
  • אבו נצר מטאלב לשלמה בר נתנאל אלצירפי בארתהם אלדוכר אבנה נתנאל
  • ננ וגרי כטוב אסתקר אכרהא אן מנ[צו]ר הדא אקני מן רוחה פי מושב
  • בית דין פי אליום אלמדכור אן גמיע מא [. . . . .] מן ארת זוגתה דוכר
  • בת נתנאל קד געלה לודלה אלחלל אלמקדם דכרה //במתנה גמורה// ורד אמרה אלי בית
  • דין לאגל צג/י/רה בעד דלך סאל שלמה בר נתנאל הדא הל ענדך שי
  • ממא כלפתה דוכר אכתך או וגדת ענדך מא כלפתה בעד ופאה ואלדך
  • ננ או וצאך ואלדך בשי א.ג . . . . מן הדא פי תבתה פאגאב שלמה
  • הדא וקאל מא כלפת אכתי דוכר [ענדי] שי ולא וגדת להא בעד ופאה ואלדי שי קליל
  • ולא כתיר ולא עלמת אן כאן [וצו להא] ואלדי שי ולא וצאני ואלדי רצי אללה ענה
  • אן להא שי ולא וגדת פי תבת [ואלדי] שי ודכר מנצור הדא אן דוכר
  • זוגתה כאנת קד דפעת לאכיהא שלמה הדא ק דינר דפעתהא אליה
  • פי חיאתהא לעמארה אלדאר וסאל שלמה הדא ען הדה אלמאיה דינ
  • פקאל מא ענדי מן הדא שי ולא דפעת מא דכרה לי קט וסאל גמיע מן חצר
  • הנדכם(!) עדות או זכות להדא אלצבי פלם יחצר לאחד בשי ואנצרף
  • אלמושב עלי אן יחצרו מדה שהר פאן חצר עדות יעמל בחסבה ואלא
  • קטע אלחכם במא[. . . . . . .].ל. . . .[. . . . . . . . . . . . . . . . . .