Legal document: Bodl. MS heb. d 66/17

Legal document Bodl. MS heb. d 66/17

Tags

Input date

In PGP since 2017

Description

Sub-leasing agreement of a tax farm of silk production for the town of Bush and its surroundings, which was worth 3.5 dinars. Dated Tammuz 1458/ June 1147. (Information from Mediterranean Society, II, pp. 606, 607)

Images and transcription

Transcription

column 1

  • שהדותא דהות באנפנא אנן שהדי דחתמות ידנא לתתא סוף שטרא דנן כן
  • הוה בחדש תמוז דשנת אלפא וארבע מאה וחמשין ותמניא שנין לשטרות
  • באלפסטאט רשותיה דאדוננו שמואל הנגיד הגדול יהי שמו לעולם
  • אקנינא אנן חתומי מטה מן אלשיך אבו סעד אלחרירי מר ור חלפון הזקן
  • היקר בן מר ור יצחק החזן הנכ נע קנין גמור וחמור בכלי הכשר לקנות בו
  • מעכשיו ברצונו בלי אונס כלל בביטול כל מודעין ותנאין אנה קד קבץ ותסלם
  • מן אבו אלמעאלי בן מר ור אברהם הזקן נע תלאתה דנאניר ונצף מן אל[דהב
  • אלגייד אלמצרי אלואזן בעד צחה אלנקד ואלוזן ואן דלך צאר אליה עלי אלכמ[אל
  • ואלתמאם ודלך ען חק שהר אלמחרם מן סנה אתנתין וארבעין וכמסה
  • מאיה ללתאריך אלערבי ען צמאן בוש וצואחיחהא ואנא קד קבץ איצ[א
  • גמיע מא יסתחקה עליה מן צמאן בוש אלמדכורה וצואחיהא אלי סלך
  • אלמחרם אלמדכור ולם יבק לה ענדה מן צמאנה אלמתקדם פי אלסנה אל
  • כארגה ואלי סלך אלמחרם אלמדכור אפילו אלדרהם אלפרד ואנה קד אבראה
  • איצא מן סאיר אלדעאוי ואלמטאלבאת ואלעלק ואלתבעאת אלתי כאנת
  • בינהמא מימות עולם ועד עכשיו ממא הו עאלם בה אלאן וממא לם יעלם
  • בה מא אנכשף לה ומא לם ינכשף לה כאין מא כאן ובאלג מא בלג בראה
  • כאמלה תאמה קאטעה באתה לה פי חיותה ולוראתה בעדה מנה פי חיותה
  • ומן וראתה בעדה מן גמיע מא יתעלק בצמאן אלחריר בבוש אל
  • מדכורה וצואחיהא ומן סאיר אלאימאן עלי שי מן דלך [כפי]פהא ותקילהא
  • ואפילו חרם סתם ואפילו על יד[י] גלגול וחין אדן כתבנא דלך וכתמנא עליה
  • וסלמנאה לאבו אלמעאלי דנן ליכון בידה חגה וותאק לליום ומא בעדה שריר
  • ובריר וקיים .ל. . . . . .הא והכל קיים סעדיה ביר מבורך נע
  • צמח הכהן בר שמואל הכהן נע