Legal document: Bodl. MS heb. c 28/69

Legal document Bodl. MS heb. c 28/69

Input date

In PGP since 2017

Description

Legal document from Minyat Zifta in which a wife conveys to her husband full proprietorship of half a house given to her by her father and renounces her rights in a house belonging to her husband, serving as a collateral for her marriage gift. Dated Shevat 1471/ January 1160. (Information from Mediterranean Society, III, p. 389)

Images and transcription

Transcription

  • שהדותא דהות באנפנא אנן סהדי דחתמות ידנא לתחתא סוף שטארא דנן
  • למא ] כאן פי חדש שבט אלנצף מנה שנת אתסו לשטרות בעיר מניה זפתא
  • דעל ] נילוס נהרא מותבה רשותיה דאדונינו שמואל הנגיד יהי שמו לעולם
  • חצרנא אלי תגאר אבנה כלף אלמערוף באבן אלשיגרי זוגה בן עלי בן אבו אלחסן
  • אלמערוף באלטבראני אלדי כאן צאמן אלצבג ואלחריר בקליוב וקאלת לנא בעד
  • תבת אלמערפה בהא אשהדו עלי וקנו מני קנין שלם בלפט מעכשו בגמיע
  • שרוט אלקנינות ואותקהא ברצוני בלי אונס כלל ואכתבו ואכתמו עלי בגמיע
  • אלאלפאט אלמחכמה ואלמעאני אלמוכדה ובכל לשון שלזכות אנני קד אטלקת
  • לזוגי בו עלי אלמדכור אלתצרף פי נצף אלדאר אלדי לי מכתובה //פי מניה זפתא// פי אלכתובה
  • אלדי לי אלדי געלהא לי ואלדי מתנה וגעלת לה אן יתצרף פיהא תצרף אלמלאך
  • אן יביע וירהן ויכרי ויפעל פיהא מא יריד וליס לי אן אמנעה ולא אקול לה
  • [ממנו]ע מא יתצרף פיהא שי אלבתה ואיצא אנני אנא תגאר קד נזלת ען שע[בוד
  • אלדאר אלאכרה אלדי לה ארת ען אכוה //במניה זפתא // ולם יבקא לי עליהא שעבוד וגעלת
  • לה איצא אן יתצרף פיהא אי תצרף אחאד ואטלקת לה דלך אטלאק כולי
  • לא יעתרף אחד עליה פימא יפעלה פי הדא אלמלך אלמדכור מן ביע ורהן
  • ואגארה ואקנינא אנן סהדי מן תגאר אבנה כלף זוגת בו עלי אלמדכורה קנין
  • גמור חמור בכלי הכשר לקנות בו מעשיו בביטול כל מודעין ותנאין על כל
  • מה דכתיבי ומפרש לעילא ומה דהוה קדמנא כתבנא וחתמנא ויהיבנא
  • למיהוי לזכו ולראיה בין שיטי במניה זפתא פי מכאנין ודין קיומהון תם
  • תאכרת שהאדתנא אלי אלעשר אלאוסט מן חדש שבט שנת אתעא לשטרות
  • והכל שריר ובריר וקיים