Legal document: Bodl. MS heb. a 3/8

Legal document Bodl. MS heb. a 3/8

Metadata

Shelfmark
Bodl. MS heb. a 3/8
Editor
S. D. Goitein, unpublished editions.
Document Date
Primary Language
Judaeo-Arabic

Tags

Input date

In PGP since 2017

Description

Legal document. Court record. In the hand of Ḥalfon b. Menashshe. Location: Fustat. Dated: 1134. Abū Sa‘d and Abū Sahl form a partnership lasting 6.5 months to manufacture and sell glass. Half the capital (20 dinars in total) invested by Abū Sa‘d is considered a loan to Abū Sahl, who pledges title to his home as a security. This may suggest diversion from the commenda model, where the active partner is not liable for loss. But the partnership also diverges from the ‘eseq model, wherein only the active partner transacts. Both the profit/loss characteristics and the working arrangement between the partners suggests a craft partnership. Abū Sa‘d is likely the senior partner: he is identified as al-Zajjāj, “the glazier” (i.e., a known personage in the field), while Abū Sahl is given no professional designation; as well, Abū Sa‘d invests all of the capital, suggesting that he may be short of liquid assets). Finally, the partnership stipulates that Abū Sa‘d need only work two shifts a week (suggesting he may have other business elsewhere), while Abū Sahl will work the rest of the week. Maṣliaḥ ha-Kohen, mentioned in line 54, functioned as leader of the Jewish community of Fusṭāṭ from 1127 to 1139. The signatories to the document, Natan b. Shelomo ha-Kohen and Natan b. Avraham ha-Levi, signed 5 months after the agreement was initiated, for unknown reasons. (Information from Lieberman, "A Partnership Society", pp. 17-21)

Bodl. MS heb. a 3/8 8 recto

8 recto

Transcription

S. D. Goitein, unpublished editions.
  1. שהדותא דהות באנפנא אנן שהדי דחתמות ידנא לתחתא כן הוה חצר אלינא
  2. אלשיך אבו סעד אלזגאג מר ור נתנאל הזקן בר מר ור יוסף הזקן נע ומר ור
  3. מנשה לוי הנקרא אבו סהל בר מר ור עלי הלוי המכונה אבו אלחסן דידיע
  4. בן אלמטר נע ואקתרץ בין ידינא אבו סהל מן //דנן// אלשיך אבו סעד דנן עשרה דנאניר
  5. דהבא עינא מתאקילא ואזנה מצריה גיאדא צחאחא וקבצהא ותסלמהא בחצרתנא
  6. עלי אלכמאל ואלתמאם וצארת לה פי גהתה חוב גמור ומלוה זקופה מן חיותיה
  7. עליו ועל כל יורשיו אחריו באוכד מעאני אלאחריות ואתקנהא וכתיקון חכמים זל
  8. ודפע לה עלי דלך רהן כתב דארה דכר אנה מאלכהא מנהם כתב אצל ומנהם
  9. כתאב אלשרי אלמכתתב באסמה ועדד גמיעהם ארבעה כתב תסלמהם
  10. אלשיך אבו סעד דנן איצא בחצרתנא עלי אלעשרה דנאניר אלדי אקרצהא לה
  11. ואסתקרת אלמהלה ען אסתיפא דלך מדה יאתי שרחהא פי מא בעד ואלתזם
  12. אבו סהל דנן עלי נפסה פי דלך שרט חסב מא יאתי דכרה ואבראה מן כל ימין
  13. תבת עליה פי הדה אלעשרה דנאניר אלדין אלמדכורה תם אשתרכא גמיעא
  14. פי מבלג קימתה עשרון דינארא דהבא עינא מתאקילה ואזנה מצריה
  15. גיאדא צחאחא ראסמאל ללשיך אבו סעד דנן דון אבו סהל דנן ואנעקדת
  16. שרכתהמא עלי דלך מדה סתה שהור ונצף אולהא יום אלאתנין אלכאמס
  17. עשר מן שהרנא הדא אלדי הו חדש כסליו מן שנת אלפא וארבע מאה וארבעין
  18. ושיתה שנין למנין שטרות ואלמסתקר בינהא אן ישתרא בהדה אלעשרין
  19. דני אלראסמאל(!) אלמדכורה זגאג ואן יכונא גמיעא יעמלה פי צנעה
  20. אלזגאג טול מדה שרכתהמא יכון אלשיך אבו סעד דנן יעמל מן דלך
  21. נובתין פי כל אסבוע לא ילזמה עמל גירהא ואבו סהל דנן יעמל בקיה
  22. אלאסבוע וילאזמא אלעמל כדלך ויגדהדא(!) ויחרצא ויסתרזקא אלכאלק סבחאנה
  23. ויביעא מא יעמלאה וישתריא מא יצנעאה פי הדה אלצנעה ולא יפתרקא
  24. אלי אנקצאיהא ומא סהלה אלכאלק פי דלך מן פאידה בעד אקאמה ראס אלמאל
  25. אלדי ללשיך אבו סעד דנן ואכראג גמיע אלמון אללאזמה לדלך מן חריק ומן
  26. אגרה מנאול וגירה ממא הו מעהוד לכל מן יעאני הדה אלצנעה כאנת
  27. בינהמא נצפין באלסויה ואלמסתקר בינהמא פי דלך אן מא אכדה אחדהמא
  28. ען נפקה פי כל יום אכד שריכה מתלה לא זאיד ענה וענד אנקצא מדה
  29. שרכתהמא יקתסמא אלפאצל מן אלפאידה יקתסמוה באלסויה תם אלתזמא
  30. איצא עלי אנפסהמא אן כל מנהמא יסלך פי גמיע מא יתקלב פיה מן מאל
  31. הדה אלשרכה פעל אלחק וקול אלצדק ואדא אלאמאנה וסלוך אלטריקה אלחמידה
  32. אלדי תכלצה בין ידי אללה סבחאנה ואן לא יכפי אחדהמא צאחבה ממא יתחצל
  33. פי דלך שיא תם אלתזם אבו סהל דנן עלי נפסה מעכשו אן ענד אנקצא אלסתה
  34. שהור ונצף מדה הדה אלשרכה אלמנעקדה אלאן בינהמא יעמלא חסאבהמא
  35. פמא צח לה מן מא יבעתה אללה לה מן פאידה פי דלך לא יכון //לה// אן יאכד מנהא
  36. שי אלי אן יופי מן גמלה נציבה ללשיך אבו סעד דנן גמיע אלעשרה דנאניר
  37. אלדין אלדי לה פי גהתה אלמדכורה לעילא עלי אלכמאל ואלתמאם ומא פצל מן
  38. נציבה בעד דלך קבצה לנפסה ואן אתפק אן לא יטהר לה פאידה תפי בדלך
  39. כאן עליה אלקיאם באלעשרה דנאניר מן כאלץ מאלה ענד אנקצא סנה מן הדא אל
  40. תאריך מן //גיר// אחתגאג בחגה ואן דאפע ען דלך כאן לאבו סעד דנן מעכשו מטלק
  41. ביע אלדאר אלמדכורה אלדי כתבהא רהן תחת ידה במא אטעם אללה ורזק פי
  42. דלך אלוקת ואסתיפא אלעשרה דנאניר מן תמנהא וכאן לבית דין אלשד מנה פי דלך
  43. ולא ילזמה אן יצבר עליה בדלך אכתר מן הדא אלאגל אלמדכור ורצי אבו סעד דנן
  44. באלצבר באלעשרה דנאניר אלמדכורה עלי אלקציה אלמדכורה ואעתרף אבו סהל
  45. דנן באחצאר אבו סעד דנן גמיע אלעשרין דינ אלראס אלמאל(!) אלמדכור אלמכתתב
  46. בה להדה אלשרכה ואן קד חצל בהא משתרא תחת ידה ואשהדנא כל מנהמא עלי
  47. נפסה לצאחבה במא הו מנסוב אליה מן גמיע דלך פי מא יכץ אלדין ואל
  48. שרכה וכל מא יקע בה אלשרט פיה ואלתזאמה עלי נפסה בה מעכשו מן
  49. גיר שום אונס כלל ואקנינא מן כל מנהמא לצאחבה עלי דלך מן גיר קהר ולא גבר
  50. ולא אכראה ולא סהו ולא גלט ולא עלה בהמא מן מרץ ולא גיר דלך מן גמיע מפסדאת אל
  51. שהאדה בקנין גמור חמור בכלי הכשר לקנות בו מעכשו בביטול כל מודעין ותנאין
  52. ושהדותא דא כתבנא וחתמנא ויהבנא ללשיך אבו סעד דנן דליהוי בידיה
  53. לזכו ולראיה וכאן דלך פי אלעשר אלאוסט מן חדש כסליו אלמורך לעילא בפסטאט
  54. מצרים דעל נילוס נהרא מותבה רשותיה דאדוננו מצליח הכהן ראש ישיבת
  55. גאון יעקב יהי שמו לעולם כירח יכון עולם ותאכרת כתאמתנא אלי אלעשר
  56. אלאול מן אייר //מן אלסנה בעינהא// ושריר ובריר וקיים תלי ביני שיטי דנן: לה: גיר: וקיימין ודין קיומיהון:
  57. וכתיב על גיהט אול מן אייר: ותלי ביני שיטי מן אלסנה בעינהא: וקיימין כולהון

ח ש ת י

  1. נמי ודין קיומיהון: נתן הכהן ביר שלמה הכהן נע

א א מ

  1. נתן הלוי במ אברהם הלוי נע

Bodl. MS heb. a 3/8 8 verso

8 verso
Image Permissions Statement
https://geniza.princeton.edu/documents/2513/