Letter: CUL Or.1080 J248
Letter CUL Or.1080 J248Input date
In PGP since 1989Description
Letter from Musa and Salah and Ishaq al-Taharti to Yosef b. Awkal and to his sons Hillel and Binyamin (probably in the year 1011).
Edition: Goitein, S. D.
Translation:
CUL Or.1080 J248 1r
Transcription
S. D. Goitein, "Jewish Trade in the Mediterranean at the Beginning of the Eleventh Century (III)" (in Hebrew), Tarbiz 37, no. 2 (Jerusalem: Mandel Institute for Jewish Studies, 1968), 158-190.- כתאבנא יאשיכנא וסידנא אטאל אללה בקאך ואדאם סלאמתך
- וסעאדתך וצרף אלאסוא ענך ברחמתה מסתהל אלול ען סלאמה
- ועאפיה ללה אלחמד עלי מא והב וצלת כתבך אידך אללה ווקפנא
- מנהא עלי סלאמתך ועאפיתך אדאםהא אללה לך וחמדנא אללה עלי
- דלך וסאלנאה אן ידים לך דלך בפצלה ודכרת יא שיכנא פי כתב[ך]
- אן נערפך אכבאר אבי אלפצל חסדאי בן חלאבו סלמה אללה ולנא
- יאשיכנא מורה טוילה לם נקף מן אלאנ[דלס] עלי כבר תטיב הב אל[נ]פס
- אלא חרוב ול[ ]ת ונחן מן דלך פי מא נסל מן אללה אלפרג חסב עואידה
- אלגמילה ומא יתזייד מן כברה אנחן נכאתבך בה בעד הולאי וכתאבך
- יאשיכנא אד וצל סררנא בה גאיה אלסרור פאחב אן לא תדענא מנה
- פי כל וקת מצמן בדכר אכבארך וגמיע חואיגך ומהמאתך פעלת דלך
- אן שא אללה תכתץ נפסך אלאתירה אפצל >אלסלאם< ופתיאנך חרסהם אללה אפצל
- אלסלאם וכל מן תשמלה ענאיתך אפצל אלסלאם וקד אנפדת יאשיכנא פי
- עדל יצל אליך אדיך אללה מן גהת אבי עמראן מוסי בן אלמגאני שקה אחב תתפצל
- בדפעהא לסידנא אלרב ותערפני וצולהא פי רסאלתך אן שא אללה
Translation
CUL Or.1080 J248 1v
Verso:
- לשיכנא וריסנא ואתירנא אבי אלפרג מן מוסי וצלח ויצחק בני ברהון
- יוסף בן יעקב והלל ובנימין אטאל אללה בקאהם
- בני יוסף אללה וליהם
