Letter: T-S 8J20.24
Letter T-S 8J20.24Tags
Input date
In PGP since 1990Description
Letter from a certain Efrayim concerning consignments of wheat and sums of money, written in a very polite form with many Hebrew phrases, among them biblical citations such as Deuteronomy 26:11. (Information from CUDL) See also Goitein's index card.
Edition: Goitein, S. D.
T-S 8J20.24 1r

Transcription
S. D. Goitein, unpublished editions.- וכתאב לחצרתך [
- אשתכית מן תפצלך ותבעת לעבדך ד אראדב קמח מנהא ארדבין ונצף מן תמנהם
// מקארב מן סער סו דרהם אלארדב // וארדב ונצף
- תתצרף בהא עלי עבדך גריבך פקירך אנת ואין אני כמזהיר אלא כמזכיר ועבדך
אנא נעיש מן
- צדקאת בעץ אצחאבי ואצדקאי // והם יזנו עני אלגאליה // ומולאי אללה יחייך
אנת וידכרהם בכיר וכל מי שיעשה עמי חסד
- ומדוע אדוני שכ[ח]תני מן מתנת ידיך והלא אמ הכתוב ושמחת בכל הטוב אשר
נתן לך
- י/י/י אלהיך ולביתיך אתה והלוי והגר אשר בקרבך כי גר אנכי עמך
- ומן סוא הדא אלדי פי עניי מצרים אחק מני אלדי אין לאל ידי ורבינו משה
באעני רכיץ באטל
- ורפעת אלי חצרתך הדא (!) אלרקעה ואל ישוב דך נכלם ומא תכון להא מא עודה
ולא תאניה (או תמניה) בסלאמתך
- ויכדם עבדך לרגליך טול מקאמה במצר וישכרך ענד אללה וענד אלנאס והמקום
ברוך הוא
- יכפיל שכרך ושלומך ושלום אדוני אלנזר אחיך ושלום אדוני בנך הקבה הוא
יחייהו וישמרהו
- אמן ובחסב אלמחבה אלתגית אלי תפצלך
- כתבה אנא וכתאבתי פי חצרתך אנא נדניך
אפרים אלפקיר אלעני אלגריב באלכתוב ואלדי נטלב מן חצרתך
הי סתין דרהם א דינאר
עלי חסאבך יצרף נצף תפצלך
ומא אנא עלי ל
פיהם פצה ולא דהב וק
א דרהם אלארדב
ושלום
T-S 8J20.24 1v
