Letter: T-S 8J19.9

Letter T-S 8J19.9

Tags

Input date

In PGP since 1986

Description

Letter from Yisrael b. Natan, Jerusalem, to Nahray b. Nissim, Fustat.

Images and transcription

Transcription

Recto

  • כתאבי יאסידי ומולאי אלעזיז עלי אטאל אללה בקאך ואדאם נעמאך מן אל
  • קדס עמרה אללה לי כלון מן ניסן ערפך אללה ברכתה ויגעלה עליך ועלינא
  • אימן שהר ואברך סנה ואלחאל סלאמה ונעמה ושוק אליך קרב אללה אלאגתמאע
  • בך עלי כיר אנה ולי דלך ואנא אהניך בהדא אלפסח תזכה שנים רבות
  • ותגיע לשנים נעימים יאסידי כאן הדא אלאמר אלעטים במצר מא
  • קדרת עלי כטין תערפני אחואלך ותהדי קלבי מן אשתגאלה באחואלך לא[ן]
  • כאן מצא ר אברהם בן אלתלמיד אדאם אללה עזה וסאלתה יערפני אחואלכם
  • פוצל אלי כתאבה וערפני אנך פי עאפיה אדאמהא אללה לך וסרני דלך
  • עטים וערפני קצה עיאש ואנה תחת צעובה עצימה וגמני דלך
  • ואנך משתגל פי אמרה אללה ינטר אליה ברחמתה ואן כאן יאסידי
  • אלסת לא תכאתבני תערף לר אברהם בדלך ואן כנת לם תסלף
  • פתכתב אלי כתאב באחואלך ותערפני אן כאן וצל אליך כתאב מן סידי
  • אלשיך אבו סחק ברהון בדפע שי או לעיאש ותעלמני אן כאן יסאפרו
  • אלנאס מן אלאסכנדריה וידכרו //הנא// אן מראכב בן אבי עקיל תסאפר מן
  • מצר ולם נעלם ווצל לי כתאבין [ ] מן אסחק אבו אלאקרע

Right Margin

  • אליה [

Top Margin Verso

  • קראת עלי כאצה נפסך אלשריפה אפצל אלסלם ומן תשמלה ענאיתך אלסלם
  • ומן סאל עני אלסלם ותעלמני איש כאן מן //עיאש// אללה אללה כ[תא]ב ענה
  • ושלוםך ירבה

Upside-Down

  • לסידי ומולאי אבי יחיי נהראי בן נסים נע מן ישראל בן נתן נע
  • אטאל אללה בקאה ואדאמ נעמאה
Image Permissions Statement
  • T-S 8J19.9: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.