Letter: T-S 8.106

Letter T-S 8.106

Metadata

Shelfmark
T-S 8.106
Editor
Moshe Gil, Palestine During the First Muslim Period (634–1099)‎ (in Hebrew) (1983), vol. 2.
Primary Language
Judaeo-Arabic
Secondary Language
Hebrew

Tags

Input date

In PGP since 1987

Description

Letter from a Damascene Karaite to a Karaite leader in Fustat, approximately 1040.

T-S 8.106 1v

1v

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.
  • ....
  • [ ] דעא[ה
  • תיאב בלדי והו מן אלמעישה אלדי אתעיש אנא בהא ואכת[ר]
  • צנאע הדה אלצנעה יהוד ומא פיהם מן אלק/ר/איין גירי פמצו
  • אלצנאע סעו בי אלי מתולי אלאסתעמאל טלב תשפי מן אצחאבי בי
  • פאכדוני ואסתעמלוני נחו מן סנתין פכנות (!) אקאסי מנהם אלמקאסאת
  • אכתר מן אלגיום ואנקט>ע<ת ען אלאגתמאע מע אצחאבנא (!) ומן
  • אלוקוף פי אפראחהם ואחזאנ/ה/ם ותדביר אחואלהם ועמארה
  • מגלסהם ואצלאח שאן צע[פ]יהם ואנקטעת מנהם בלכליה
  • אלי אן ופק אללה תעלא (!) וכלצני עלי ידי אלשיכין אלפאצלין אבו
  • אלחסין מנצור אבן יוסף ואבו אלחסן מבארך אבן אסחק ואנא
  • [[חתח]] תחת סתר אללה וגאההם וקד סאפר אלשיך אבו אלחסן
  • מבארך מתפגעא גדא וקד עולת עלי אלנקלה אלי אלרמלה כשיה
  • ממא גרי עלי ויעבידו מצרים את בני ישראל בפרך פאגתמעו
  • אלגמאעה ומנעוני ען אלמסיר וכתבו כתב אלי אלחצרה מולאיי
  • אלשיך אבו נצר אלתסתרי טולה אללה עמרה ואדאם אמרה
  • ערפוה פיהא מא גרי עלי וסאלוה פי אן יסתנגז לי סגל מן
  • אלחצרה אלטאהרה באן אכון מעפא מן גמיע אלאסתעמאל

T-S 8.106 1r

1r

(verso)

  • וכתבו שהאדאתהם פיהא ואנפדוהא מד סנתין ואכתר
  • ולם יצל להא גואב פלמא כאן //פי// וקתנא הדא גדת פי
  • אלנקלה פתבטוני וכתבו כתב ערבי ועבראני אלי חצרה
  • מולאיי אלשיך אלפאצל אבו נצר אדאם אללה עזה יסאלוה
  • פי מא תקדם בה אלשרח פאן ראית יאסיידי אדאם אללה
  • עזך אן תוגי נגפי שכרי ודועאיי פי אכתר אלאוקאת
  • במא אסל אללה אן יסתגיב מני ומן אלגמאעה צאלח אלדעא
  • באן תוצל אלכתב אלי מולאיי אלשיך ותתכלם עליהא
  • ותערפה מא שאהדתה מני ודעאיי לה ולקטבתה
  • פי אכר כל צלוה ופי וקת פתחו ספר אלתורה ומא
  • אערף אלסגל אלא מן אללה ומנך ותכון סבב גלוסי פי דמשק
  • ואשהאד מדהב אלקראיין עלי מא הודי אפעל אלי אלאן
  • ויחצל לך פי הדא אלתואב מן אללה פי שד דינה וחסן
  • אלתנא מן אלנאס ויודוך כי תיטיב לך פאנא מנתצר
  • גואב הדא אלכתאב במא אעמל עליה האלהים יכפיל שכרך
  • וישלם פעולתך וישמע תפלתך וירצה עתירתך ויתן לך
  • משאלות לבך ויאריך ימיך בעושר וכבוד ומעשים טובים
  • ויחשוב לך [ ]
  • ....
Image Permissions Statement
  • T-S 8.106: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/1825/