Scholarship on Letter: T-S 16.235
Letter T-S 16.235- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- Moshe Gil, Palestine During the First Muslim Period (634–1099) (in Hebrew) (Tel Aviv: Tel Aviv University, 1983), vol. 3.
- Location in source
- #530
- Relation to document
- Digital Edition
- Edition
Image
Transcription
Translation
Editor: Gil, Moshe
T-S 16.235 1r
Moshe Gil, Palestine During the First Muslim Period (634–1099) (in Hebrew) (Tel Aviv: Tel Aviv University, 1983), vol. 3.
- בשמ רחמ
- כנת [מ]תוקעא לורוד כתאב מולאי אלרייס אלחמישי נטרוהי
- מן שמיא וברכוהי ואורכונהי ליומיה מע ר ברוך ולם ארה
- ושגל דלך סרי וארגו אן דלך לכיר ישגל בה תם אגתמעת
- באלמדכור פערפני מא עול עליה ר נסים ולדה נטר[ו]הי [אלהינו]
- וברכיה מן רכוב אלאהואל ואלספר אלי בלאד לא יערף [אלנאס]
- ולא אכלאקהם ואדא גד פי אל[ס]פר וופק תופיקא סעידא
- לא יצח לה אלוצול אלי בלד ר יהודה קראבתנא פי אקל מן תלת
- סנין תם שהד אללה יצל [א]ל[י קו]ם אגפא כלקא מן כל מן כלק
- אללה ואגבס ומן דלך אן אליהודי אלגריב אדא וצל אליהם
- לא יסלמון עליה אלא בשפה רפה תם אדא אקאם שהרא
- פי בלדהם קאלו לה קום אכרג לאן עליהם חרמות אן לא יקים
- גריב ענדהם אכתר מן שהר ואחד תם אנה לא יגד ואללה
- אלפרוטה אלפרדה אללהם אן יכון מעה תגארה יעיש בהא
- ומע דלך פאלדי קראה ההנא פי שהר לא יקרא תם פי סנה
- מע אנה לא יגד הנאך מן יעלמה חקיקה הלכה וליס אעלם
- סבבא לתוגהה אלי הדא אלראי אלא רוח תזזית [ו]אללה יעלם
- אנה קד גמני פי נפסי [ ]קד ראיה הדא
- אלא אנה עאק לואלדיה פי הדא אלאמה לכפאה פסאדא
- רחמ ליצלן מהאי דעתא אן אלדין גאו מן תלך אלבלאד ולהם
- אהל כתיר פיהא באגצון להא פכיף גריב בלא לסאן ולא נגדה
- מא אטן אתלף ראיה אלא אלעין לא חול ולא קוה אללה באללה
- ואנא אקול לה אן אמרה יאול אלי נדאמה לא יתמכן
- מן אסתדראכהא ושלום כנת מתופעא מן גהה מולאי
- אלרייס אלחמישי שיא קד דכרה לי דפעה בעד אכרי
- ולא אעלם סבב תאכרה קראת עליה ועלי אלחאקה
- אכותה ועלי אליקרים א[ו]לאדה אלסלאם ועלי גמיע
T-S 16.235 1v
