Letter: T-S 10J5.10 + T-S 10J11.13

Letter T-S 10J5.10 + T-S 10J11.13

Tags

Input date

In PGP since 1987

Description

Letter from Abun b. Sedaqa in Jerusalem to Nahray b. Nissim in Fustat. Dating: November 1064 CE. The main subject is the tension between the writer and Nahray's cousin, Yisrael b.Natan. Other subjects include details about the burning of ships in Sicily. Opens with a vivid description of the general grief following the death of Sittāt, the wife of R. Natan, who left a boy of 2 years. "How terrible is our grief! It has destroyed us (haddatnā) and sickened us (amraḍatnā).” A government edict threatened to make a dignified funeral impossible, so the mourners considered simply burying her within the walls. “We contracted from this a terrible convulsion (rajf ʿaẓīm),” Abūn writes, “and we gave a bribe and brought her out at night.” ASE

T-S 10J5.10 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  1. וצל כתאב מולאי אלשיך אטאל אללה בקאה ואדאם סלאמתה וסעאדתה סאעה כתאבי הדא
  2. אליה והו יום אלאתנין יומין בקין מן תשרי אעאד אללה עליה הדה אלאעיאד שנים רבות
  3. ואשהדנא ואיאה בניאן קדסה ומא אקוא אצף אחת מאלף מן צרות גרת עלינא פי הדא
  4. אלעיד ואחר כל זאת תופית סתאת זוגה ר נתן אכת עואץ ברוך דיין האמת שופט
  5. בצדק ואמת ברוך שגזר בזירה זו וא[ל]חסרה מא אעטמהא קד הדתנא ואמרצתנא לאנהא
  6. כאנת תאג אלדאר ופכרהא וכאן ופאתהא לילת שמחת תורה ואקאמת יומין לם תדפן
  7. מן אלחאל אלדי בלג מולאי ודלך אן מן יום גנאזת סידנא אלנשיא ראס אלמתיבה מנענא
  8. אלגואז באלמיית עלי האר אלגמאעה וקיל לנא מא תטא מן הנא אלא אן תזנו עלי
  9. כל מיית דינרין פקלנא ומן אין נגוזו קאלו מן באב ציון או מן באב סלואן מן ברא א[ל]
  10. בלד ולו גזנא מן הדה אלמואצע למא וצלנא באלמיית אלא והו חרפה וקלסה מן אלרגם ו[אל]
  11. שתם פלמא אן תופית אלמרחומה קלנא נדפנוהא פי //אל//דאר או פי אחד אלדכאנין מתאעהא
  12. וכאנת צרות ומצוקות ולחקנא מן דלך רגף עטים פאעטינא שוחד ואכרגנאהא באלליל
  13. אלי סמרתקה ואגתמעת אלגמאעה תם ואכרגנאהא אלי אלמקאבר מן סמרתקה ונחן באכיין
  14. נאעיין ולהא טפל יקטע אלקלב אבן סנתין ונצף וקאלת עמתה זוגה אלרייס ר אליה נט רח
  15. ענדי יכון אנא נרביה קלנא נחן חוק ולא יעבור לא יפרק אחד ביננא ובינה לעמרי אן אל
  16. רייס אחיאה אללה מסאעד לנא וקאל אנתם אולא בה לאנה תרבא מעכם ואחואל תקטע
  17. אלקלוב ווצל כתאב מולאי אלאן ידכר וצול אכתהא פאתזייד אלחזן ועמלו מא תם ענדנא
  18. סאעתי הדה ואנא אלאן אכתב ואלמנאחה ואלציחה פי אלדאר וקד מצית לענד סידנא ראס
  19. אלמתיבה בכתאבה וקראתה עליה וערפתה במחבה מולאי פיה מן קבל כונה אב בית דין
  20. וצחך מעי תם אוקפתה עלי מא דכר מן גמיע אלאמור מן אחואל אלמראכב ואלואצלין
  21. פיהא ואכבאר צקליה וחרק אלמראכב ופקר אצחאבנא בעונות ידל כבוד יעקב ומשמן
  22. בשרו ירזה תם דכר מולאי אן גואב רבינא יחי לעד לם יצל אלי אלאן וקד קלת ללרייס פי
  23. חין כתבתה אכתב עליה ר נהראי ונגהוה פי אלתרתיב פקאל לי נכשא לא יצל וקד קאל
  24. לי דפעתה ללשיך אבו אלפרג בן אסד יבעתה מע כתבה אעלמתה דלך וכדלך שכר
  25. עלי אלסגל ואלי אלאן מא וצל ווקפת עלי מא דכרה פי הדא אלכתאב מן אמר אלכחל
  26. ועגבת מן דלך וקד טלבת נעמה מולאי עלי הדא אלכחל מן סנה לאן פי כל כתאב יקול לי
  27. ואלכחל אלי אלאן מא אוביע פמא אערף איש לי מע אלכחל ולא אערף איש יראד בהדא
  28. אלכחל פלית מא כנת אסמע להדה אליג רבעי דכר וכאן יוסף בן כלפה יאכלהא פלא גמע אללה
  29. מנהא שי ואכון אקבצהא בין ידיי אלבארי ומולאי אהדא ללצואב חית אוביע אלכחל
  30. בדרהם ואחד מתלא ורגע מן ענד אלמשתרי יבאע בנצף דרהם ויועטא לצאחב אלמ[כס]
  31. מתאעה כתבת עלי נפסי אליום סנה ואשהדת ואנפדת ווצל כתאבה אעזה אללה ויקול
  32. קבצת דינרין ואלבאקי ענדי פמא אערף סבב להדה אלאעדאר וכדלך אמר בן
  33. נתן לם ידכרה מולאי אלשיך פי כתאבה בוגה ולא בסבב ולה ענדי הילכת
  34. ראו רהן וכאן אלגומעה אלמאציה קאל לי חאסבני במא ענד ר נהראי והו
  35. דינר וסדס ונץ קירט ונדפע [[קירט]] //אליך// אלבאקי ואעטיני אלהלכות לאני נריד נקרא פיהא
  36. פקלת לה חתי יצל אליי כתאב ר נהראי אנא אצאפה אלי חסאבי ואדפע אליך רהנך
  37. ותדפע אליי אלבאקי פקאל לי קד גא כתאבה לאבו אלכיר בן אלזייאת והו ידכר לה אנה
  38. חאסבך בה פמא דכר מולאי שי מן דלך פי כתאבה וכדלך קצה אבו אלסרי ברהון

Right Margin

  1. צהר סידנא אלמרחום
  2. קדס אללה רוחה סאלני אבו סעד
  3. אבן אכת סידנא צהרה אן נואצלה בכתבי
  4. אלי דמשק ופי הדה אלגומעה וצל אליי כתאבה והו ילום
  5. ר ישראל ויקול מא וגדנא פי אלכתב בבא קמא ואשתגלת
  6. קלובנא מן דלך אלי אן וגדנא תדכרה אלנשיא
  7. קדס אללה רוחה והו ידכר אנהא ענד ר ישראל
  8. פאחב תכאטבה עלי דלך פכאטבתה וקאל לי
  9. מא אדפעהא אלא חתי יאמרוני אלשיוך
  10. פאסתקר אלחאל אלי אן עמלנאהא ענד
  11. אלחב ר ר חיים נט רח אעלמת למולאי
  12. דלך פלו באן ענדי כבר מן אלשיך
  13. אבו אלסרי צהרה כנת אלא ן אכתב אליה
  14. ואבשרה וקד ינדפע ר
  15. ישראל אן מולאי דכר
  16. לה דלך פי כתאבה

Top Margin

  1. פאוקפני עלי אלכתאב
  2. ומא פיה שי אלא וצולה מן אלאנדלס
  3. ואנה עלי אלמגי וכדלך ר נתן צהרי לעל יתפצל
  4. מולאי ויסתקצי מן אלואצלין כיף
  5. כאן וצולה אלי צקליה ואחואלה
  6. ולעל יצל אליה כתאב מן ענדה
  7. לאן ענדנא שנאעאת אן ר
  8. שמעון תופי פי אחד
  9. אלגזאיר
  1. אלגואז באלמיית עלי דאר אל . . . . . . . . . . . . . . . . . . . . [ . . . . . . . . . . . . . .
  2. כל מיית דינרין פקלנא ומן אין נגוזו קאלו מן באב ציון או מן באב סלואן מן ברא א[ל
  3. בלד ולו גזנא מן הדה אלמואצע למא וצלנא באלמיית אלא והו חרפה וקלסה מן אלרגם ו[אל
  4. שתם פלמא אן תופית אלמרחומה קלנא נדפנוהא פי //אל// דאר או פי אחד אלדכאכין מתאעהא
  5. וכאנת צרות ומצוקות ולחקנא מן דלך רגף עטים פאעטינא שוחד ואכרגנאהא באלליל
  6. אלי סמרקתה ואגתמעת אלגמאעה תם ואכרגנאהא אלי אלמקאבר מן סמרקתה ונחן באכיין
  7. נאעיין ולהא טפל יקטע אלקלב אבן סנתין ונצף וקאלת עמתה זוגה אלרייס ר אליה יש צ[ו
  8. ענדי יכון אנא נרביה קלנא נחן חוק ולא יעבור לא יפרק אחד ביננא ובינה לעמרי אן אל
  9. רייס אחיאה אללה מסאעד לנא וקאל אנתם אולא בה לאנה תרבא מעכם ואחואל תקטע
  10. אלקלוב ווצל כתאב מולאי אלאן ידכר וצול אכתהא פאתזייד אלחזן ועמלו מאתם ענדנא
  11. סאעתי הדה ואנא אלאן אכתב ואלמנאחה ואלציחה פי אלדאר וקד מצית לענד סידנא ראס
  12. אלמתיבה בכתאבה וקראת עליה וערפתה במחבת מולאי פיה מן קבל כונה אב בית דין
  13. וצחק מעי תם אוקפתה עלי מא דכר מן גמיע אלאמור מן אחואל אלמראכב ואלואצלין
  14. פיהא ואכבאר צקליה וחרק אלמראכב ופקר אצחאבנא בעונות ידל כבוד יעקב ומשמן
  15. בשרו ירזה תם דכר מולאי אן גואב רבינו יחי לעד לם יצל אלי אלאן וקד קלת ללרייס פי
  16. חין כתבתה אכתב עליה ר נהראי ונוגהוה פי אלתרתיב פקאל לי נכשא לא יצל וקד קאל
  17. לי דפעתה ללשיך אבו אלפרג בן אסד יבעתה מע כתבה אעלמתה דלך וכדלך שכר
  18. עלי אלסגל ואלי אלאן מא וצל ווקפת עלי מא דכרה פי הדא אלכתאב מן אמר אלכחל
  19. ועגבת מן דלך וקד טלבת נעתב מולאי עלי הדא אלכחל מן סנה לאן פי כל כתאב יקול לי
  20. ואלכחל אלי אלאן מא אוביע פמא אערף איש לי מע אלכחל ולא אערף איש יראה בהדא
  21. אלכחל פלית מא כנת אסמע להדה אליג רבעי דכר וכאן יוסף בן כלפה יאכלהא פלא גמע אללה
  22. מנהא שי ואכון אקבצהא בין ידיי אלבארי ומולאי אהדא ללצואב חית אוביע אלכחל
  23. בדרהם ואחד מתלא ורגע מן ענד אלמשתרי יבאע בנצף דרהם ויועטא לצאחב אלח[
  24. מתאעה כתבת עלי נפסי אליום סנה ואשתרת ואנפדת ווצל כתאבה אעזה אללה ויקול
  25. קבצת דינרין ואלבאקי ענדי פמא אערף סבב להדה אלאעדאם וכדלך אמר בן
  26. נתן לם ידכרה מולאי אלשיך פי כתאבה בוגה ולא בסבב ולה ענדי הילכת
  27. ראו רהן וכאן אלגומעה אלמאציה קאל לי חאסבני במא ענד ר נהראי והו
  28. דינר וסדס ונצ קירט ונדפע //אליך// [[ . ל . . ]] אלבאקי ואעטיני אלהלכות לאני נריד נקרא פיהא
  29. פקלת לה חתי יצל אליי כתאב ר נהראי אנה אצאפה אלי חסאבי ואדפע אליך רהנך
  30. ותדפע אליי אלבאקי פקאל לי קד גא כתאבה לאבו אלכיר בן אלזייאת והו ידכר לה אנה
  31. חאסבך בה פמא דכר מולאי שי מן דלך פי כתאבה וכדלך קצה אבו אלפרג ברהון

Right margin, perpendicular lines.

צהר סידנא אלמרחום | קדס אללה רוחה סאלני אבו סעד | אבן אכת סידנא צהרה אן נואצלה בכתבי | אלי דמשק ופי הדה אלגומעה וצל אליי כתאבה והו ילום | ר ישראל ויקול מא וגדנא פי אלכתב בבא קמא ואשתגלת | קלובנא מן דלך אלי אן וגדנא תדכרה אלנשיא |

קדס אללה רוחה והו ידכר אנהא ענד ר ישראל | פאחת תכאטבה עלי דלך פכאטבתה וקאל לי | מא אדפעהא אלא חתי יאמרוני אלשיוך | פאסתקר אלחאל אלי אן עמלנאהא ענד |

ב]ר ר חיים נט רח אעלמת למולאי | ] ענדי נפד מן אלשיך | | ] אכתב אליה |

Translation

T-S 10J5.10 1v

1v

Verso (TS 10 J 11, f. 13)

  1. קבל אן יצלו אלי צקליה ארגו לא יכון דלך חק ואמא מא דכרה מן אמר עמראן אלפרנס ואנה מא
  2. תנקטע אעדארה קד אוקפת ר מבשר צהרנא עלי דלך והו ינטר פי מא יעמל גיר אנה קאל
  3. לי מא חזם ר נהראי צדיקנא פי הדא אלאמר כמא יגב עלי מתלה למתלנא ולו אנה מתלא מן
  4. וקת וצול אלוכאלה אליה אראד אן ילטף פי אלקצה ויקבץ מנה דפעה דינר ודפעה אכרי נצף ודפעה
  5. רבעי לאנחלת אלמסלה עלי גמיל ואלאמר אלאן יכשן ויגרי עלי גיר גמיל אללה יחסן אל
  6. כלאץ מן הדה אלדניא ומן אהלהא קד כאן אליום ד סנין ואכתר אשרת פי כתבי למולאי אלשיך
  7. מא אעאמל בה ר ישראל אנא ואהלי מן מראעאת אחואלה ואפתקאדה וכרמתה ואלשד עלי
  8. ידה וכל דלך מני לה לא לסבב אלא לאחפאט מולאי אלשיך ולמא ביני ובינה ולמא לה עליי מן אל
  9. כרמה ואלאיאדי ותאניה לגרבתה ואנקטאעה ושאהד דלך ענד אלכבירה אם אבו עמראן חרסהא
  10. אללה ואעלמת מולאי מא יעאמלני הו בה ומא עלמת לדלך סבב אלא קלת אלעקל ואלגירה ואלחסד
  11. וקד זאד אמרה פי אלוגה אלדי פי עלם מולאי וזאד פיה וארבא ומא כאן מן אמרה הדא עלם ענד
  12. אחד אלא ענד עלבעץ פחצל אלאן ברבים משהור וענד אכתר אלגרבא תם אנתקל אמרה אלי אן
  13. ילפט במא לא יגב ידכר פי אלכתאב מן אפאת אלכתב מתל תחיית המתים ואמור אלנגום וגיר
  14. דלך ופי כל מוצע יגלס ישהד עליה פיה בשהאדה וכאן סידנא קדס אללה רוחה נזיה אלנפס
  15. פרבמא בלגתה מן הדה אלאכבאר בעצהא יכדב וינתהר מן יחכיהא ואלאן זאד אמרהא כתיר
  16. כתיר ואלאחואל אנתקלת וקד עאמל אלחבר ר חיים חרסה אללה במעאמלה קביחה מע אצהארה
  17. בני אלברדאני ואאל אלאמר אלי אלפרקה ואכלף אללה עלי אלצביה כלף חסן מן אלדין ואלמאל
  18. ואלתורה והי פי הדה אלמדה תדכל ביתהא ואנא וחיאה מולאי אכשא עליה ופי כל דלך מא אבקי
  19. אדא סמעת אמר אעאדלה עליה והו אשר לא ישמע לקול מלחשים ומתי מא זדת מן הדה
  20. אלאכבאר פי כתאבי אשגלת קלבה חרסה אללה גיר אנה מבין דבר מתוך דבר וחכימא ברמזא
  21. ויעשה כחכמתו וקד וגדתה מנד איאם פי אלכניסיה והו יקול מע קום אבן עמי משגול מע סידנא
  22. אלרב ילם שעתה וידבר אחואלה וקד אפתקד מעה ויגמע לה אלדנניר מן אלמגארבה ואחואל
  23. לא תדכר ולא תקאס פעוצה אללה כיר פי עקלה אעלמתה דלך והו יעמל מא אלהמה אללה ואנא
  24. מא ארד באלי אליה ולא אואכדה בל אזיד פי אחפאטה אלף מרה למקדאר מולאי ומא לה עליי
  25. בעד כתאבי הדא אליה ערפתני אמראה מן אהל אלאסכנדריה כאנת מע אלנסא
  26. אן צאלח אבו מרדוך תופי אליום סנה רחמה אללה וקד כנת תרכת ענדה נחו ח אואק חריר מגזול
  27. יצלח ללרקם יביעה לי וכאן לי בקיה חסאב ענד אלשיך אבו אלסרי קבצה לי מנה ווצל אלי
  28. כתאבה בדלך אעני כתאב צאלח אלמדכור ותרכת ענדה פי אלמכזן גראב ללמא וגרתין כבאר
  29. וחויגאת ואנא ארגב אלי מולאי יכתב בפצלה כתאבה לסידי אבו אלפרג מרדוך ויעזיה עני ויערפה
  30. אן מא ענדי עלם מן דלך אלא אלאן מן אלמראה אם בקא אלדי טלעת ללקדס וילטף לי מולאי [פי]
  31. דלך באלטאפה חסב עואידה וקד וצלת כתב מן מולאי לר אברהם בן אלרייס אבו סהל ואפדיתהא
  32. מן אלכתבי ואנפדתהא אליה ללרמלה לאנה לם יטלע ללקדס פי הדה אלסנה אעלמתה דלך ושלום

Right Margin

  1. כצצתה באתם אלסלם
  2. ורבינא יחי לעד אלפי שלומות ויתפצל
  3. מולאי יהניה עני בהדה אלאעיאד אלמבארכה
  4. אצהארה סאדאתי אפצל אלסלם אם אבו עמרן סידתי
  5. אפצל אלסלם ושלום לך צהרנא
  6. ר מבשר יכצה באפצל
  7. אלסלם

Below, Upside-Down

  1. למולאי אלשיך אבי יחיי נהראי בן נסים מן אבון בן צדקה אלמגרבי שאכרה
  2. אטאל אללה בקאה ואדאם סלאמתה וסעאדתה אלפסטאט אן שא אללה עז
  3. אלחסן בן טאהר עמר בן יוסף וולדה

Verso.

  1. קבל אן יצלו אלי צקליה ארגו לא יכון דלך חק ואמא מא דכרה מן אמר עמראן אלפרנס ואנת מא
  2. תנקטע אעדארה קד אוקפת ר מבשר צהרנא עלי דלך והו אנטר פי מא יעמל גיר אנה קאל
  3. לי מא חזן ר נהראי צדיקנא פי הדא אלאמר כמא יגב עלי מתלה למתלנא ולו אנה מתלא מן
  4. וקת וצול אלוכאלה אליה אראד אן ילטף פי אלקצה ויקבץ מנה דפעה דינר ודפעה אכרי נצף ודפעה
  5. רבעי לאנחלת אלמסלה עלי גמיל ואלאמר אלאן יכשן ויגרי עלי גיר גמיל אללה יחסן אל
  6. כלאץ מן הדה אלדניא ומן אהלהא קד כאן אליום ד סנין ואכתב אשרח פי כתבי למולאי אלשיך
  7. מא אעאמל בה ר ישראל אנא ואהלי מן מראעאת אחואלה ואפתקאדה וכרמתה ואלשד עלי
  8. ידה וכל דלך מני לה לא לסבב אלא לאחתפאט מולאי אלשיך ולמא ביני ובינה ולמא לה עליי מן אל
  9. כרמה ואלאיאדי ותאניה לגרבתה ואנקטאעה ושאהד דלך ענד אלכבירה אם אבו עמרן חרסהא
  10. אללה ואעלמת מולאי מא יעאמלני הו בה ומא עלמת לדלך סבב אלא קלה אלעקל ואלגירה ואלחסד
  11. וקד זאד אמרה פי אלוגה אלדי פי עלם מולאי וזאד פיה וארבא ומא כאן מן אמרה הדא עלם ענד
  12. אחד אלא ענד אלבעץ פחצל אלאן ברבים משהור וענד אכתר אלגרבא תם אנתקל אמרה אלי אן
  13. ילפט במא לא יגב ידכר פי אלכתאב מן אפאת אלכתב מתל תחית המתים ואמור אלנגום וגיר
  14. דלך פי כל מוצע יגלס ישהד עליה פיה בשהאדה וכאן סידנא קדס אללה רוחה נזיה אלנפס
  15. פרבמא בלגתה מן הדה אלאכבאר בעצהא יכדב וינתהר מן יחכיהא ואלאן זאד אמרהא כתיר
  16. כתיר ואלאחואל אנתקלת וקד עאמל אלחבר ר חיים חרסה אללה במעאמלה קביחה מע אצהארה
  17. בני אלברזאני ואאל אלאמר אלי אלפרקה ואכלף אללה עלי אלצביה כלף חסן מן אלדין ואלמאל
  18. ואלתורה והי פי הדה אלמדה תדכל ביתהא ואנא וחיאה מולאי אכשא עליה ופי כל דלך מא אבקי
  19. אדא סמעת אמר אעאד לה עליה והו אשר לא ישמע לקול מלחשים ומתי מא זרת מן הדה
  20. אלאכבאר פי כתאבי אשגלת קלבה חרסה אללה גיר אנה מבין דבר מתוך דבר וחכימא ברמזא
  21. ויעשה כחכמתו וקד וגדתה מנד איאם פי אלכניסיה והו יקול מע קום אבן עמי משגול מע סידנא
  22. אלרב ילם שעתה וידכר אחואלה וקד אפתקד מעה ויגמע לה אלדנניר מן אלמגארבה ואחואל
  23. לא תדכר ולא תקאם פעוצה אללה כיר פי עקלה אעלמתה דלך והו יעמל מא אלזמה אללה ואנא
  24. מא ארד באלי אליה ולא אואכדה בל אזיד פי אחפאטה אלף מרה למקדאר מולאי ומא לה עליי
  25. בעד כתאבי הדא אליה ערפתני אמראה מן אהל אלאסכנדריה כאנת מע אלנסא
  26. אן צאלח אבו מרדוך תופי אליום סנה רחמה אללה וקד כנת תרכת ענדה נחו ח אואק חריר מגזול
  27. יצלח ללרקם יביעה לי וכאן לי בקית חסאב ענד אלשיך אבו אלסרי קבצה לי מנה ווצל אלי
  28. כתאבה בדלך אעני כתאב צאלח אלמדכור ותרכת ענדה פי אלמכזן גראת ללמא וגרתין כבא[ר
  29. וחויגאת ואנא ארגב אלי מולאי יכתב בפצלה כתאבה לסידי אבו אלפרג מרדוך ויעזיה עני ויערפה
  30. אן מא ענדי עלם מן דלך אלאן מן אלמראה אם בקא אלדי טלעת ללקדס וילטף לי מולאי
  31. דלך באלעאפה חסב עואידה וקד וצלת כתב מן מולאי לר אברהם בן אלרייס אבו סהל ואפדיתה[א
  32. מן אל כתבי ואנפדתהא אליה ללרמלה לאנה לם יטלע ללקדס פי הדה אלסנה אעלמתה דלך ושלום

Right margin, perpendicular lines.

כצצתה באתם אלסלם | ורבינו יחי לעד אלפי שלומות ויתפצל | מולאי יהניה עני בהדה אלאעיאד אלמבארכה | אצהארה סאדאתי אפצל אלסלם אם אבו עמרן סידתי | אפצל אלסלם ושלום לך צהרנא | ר מבשר יכצה כאמל | אלסלם

T-S 10J11.13 1r

1r

T-S 10J11.13 1v

1v
Image Permissions Statement
  • T-S 10J11.13: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • T-S 10J5.10: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.