Letter: T-S Misc.25.132 + T-S Misc.25.139

Letter T-S Misc.25.132 + T-S Misc.25.139

Tags

Input date

In PGP since 1986

Description

Letter from Daniel b. Azarya to Eli b. Amram in Fustat.

Images and transcription

Transcription

  • [ אל]מפרד ואלגמי[ע]
  • [ אבו אל]חסן ירום הודו
  • [ ח]צרתה //מא// פאן אסתקר
  • [ ] עלי א[חראם א]לגמיע פיפעל ואן ראי מן אלצואב
  • תקדים חרם בן שכניה ותאכיר חרם אולאיך פיפעל וקד
  • געלת כתאב חרם בן שכניה וסאיר אלאחכאם אלמלתמסה
  • עלי נסכתין מתפקתין אחדתהמא אלי חצרה מולאי אלרייס אלגליל
  • אלסייד אבי אלחסן אדאם אללה עלאה ואלאכרי אלי חצרה מולאי
  • אלרייס אלגליל אלסייד אבי אלטייב ירום הודו פאיהמא תקדם
  • יעמל בחסבה עלי מא יסתקר אלראי בחצרתיהמא ולא יטן
  • נכבדנו החבר המעולה אנני אגפל ען אמרא יטלבה מני ולא אתואנא
  • ען חואיגה ואנא מן ורא מעונתה בגמיע מא אקדר עליה ואדא
  • עול עלי קראה אלכתאב פי אלכניסה פיכון אלדי יקראה יפצח
  • ען אלאגראץ כיפה אלתצחיף לאן פ[יה] הלכות חכמיה ולא
  • יוכר כתאבה [ונפסי מתו]קעה וצול אלכתב במא תסתקר עליה אלחאל
  • ופי מא בעד במא תשתהי וכאן קד לוח לי פי כתאבה אמר

TS Box Misc. 25, f. 139

  • עמירין אלשעראני אלמגרבי כזאה אללה ודאך אכס ממא
  • ידכר עלי אלמנאכר [ל]מא ראית אטרף מן דלך אתרי לו אחרמה
  • נכב[דנו] הח[בר המעולה] מא[ ] דלך ועלי כל מן יעלם ולדה
  • ענדה או ידכל בה ביתה וקד אנטחן וקדרה אקל ממא יחתאג
  • אלי כתאב בחרמה ואן כאן //תם// טריק אלי תאדיבה אלתאדיב אלבליג
  • פלא יהמלה פליס לה אלא אלתנכיל בה כמא גרת עאדה
  • אלמקאדסה حرسهم الله ה דאימא יחבסוה וינפוה מן אלקדס
  • וישד נכבדנו החבר קלבה ויקוי מניתה פאן אללה תע יעינה
  • וימדה באלתופיק וקד וצפתה אחייה רח פי אלכתב במא הו חקיק
  • בה ואהלא לה ויי ברחמיו הרבים ימלא משאלותינו בו וישימהו
  • לאלפי רבבה וקד סרני מא ערפתה [ת]כון אלראגל אלדי מן באב אלחכם ענדה
  • לינפד אחכאמה ויגב אן תגתמע אלגמאעה ותשכר מוליי אלרייסין אלגלילין
  • אלסיידין עלי מא הודא יתטולא בה ולא יהמל אלצלוה עליהמא פי סאיר
  • אלאוקאת ויי יגלגל על ידו כל זכיות וחסדים ויפיקהו לרצונו
  • ושלומו ושלום כל קרוביו ואוהביו והנלוים עליו ירבה נצח סלה
Image Permissions Statement
  • T-S Misc.25.132: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • T-S Misc.25.139: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.