Letter: T-S 13J9.11

Letter T-S 13J9.11

Tags

Input date

In PGP since 2017

Description

Letter and a responsum, on either side of the same sheet of paper, detailing the story of a man in distress, particularly because of debt. The letter likely concerns an earlier stage of the case, discussed in yet another responsum. The handwriting looks like Berakhot b. Shemuel. (Mark Cohen, The Voice of the Poor in the Middle Ages, Princeton University Press, 2005, 80-2) EMS

T-S 13J9.11 1r

1r

Transcription

S. D. Goitein, unpublished editions.
  • אלממלוך יקבל אלארץ לפני הדרת מושב אד[ונינו
  • ירומם ויגדל ויחיה לעד וינהי //אנה// כאן קד אחצר
  • לפני הדרת מושבו ירומם רקעת תתצמן בעץ
  • שרח חאלה פכרג בעץ תלאמית סיידנא ודכר
  • ללכאדם ען מולאנא אנה ליס יתהיא לה אנגאז
  • אלחאל אלי בעד אלמועד וקד תקדם ועדהא אל
  • כרים באנגאז מא תצמנה עלמהא ואלכאדם
  • עלי חאל אלתלאף פי גמיע אמורה והו יסאל
  • מן אחסאנהא אן לא תגפל ענה ותלתפת לצעפה
  • ולקטעתה אלתפאת אן כולי פקד וצלת אלסכין
  • אלעטם ואשד מא עליה אמר הדא אלמדאיין
  • וכונה מן אטראף אלנאס והו מעדור ואנא אל
  • טאלם לה ולנפסי ומא אלומה וקד וקעת מעה
  • בעונותי הרבים ואלגאיה פי דלך ענד אגתמא[ע
  • אלמולי באלרייס אלגליל מרנו ורבנו אברהם //הרב הגדול// ירום
  • הודו ויגדל כבודו ינהי אלמולא לה מא קד צח
  • ענדה מן אלאחואל אלכאדם יסאלה פי תחציל
  • סתין דרהם מן אי גהה אן כאנת ותסייר ורא
  • אלגרים וסואלה [[אנה]] //באן// יקסט אלמבלג עשרה
  • דראהם פי כל שהר פהו טלב דלך למא עלם
  • אלחאל ואשתהר לה //פי אנאפה מן אלעסרה(!)// פאן אלשטר אלדי בידה
  • תקסיטה עשרין דרהם פי כל שהר ויועד
  • בנקד אלסתין דרהם קסט סתה אשהר פאן
  • אנפעל דלך וכאן תם מסעאדה מן אללה בזכות
  • סיידנא פאן אלאמר יהון וינדפע אלחאל אלי בעד
  • פסח אנשא //אללה// פדלך יכון בסעאדה סיידנא ובזכות
  • ואלדה זצל אנהי אלכאדם דלך בעד תקביל
  • קדמיהא ושלומה של הדרת אדונינו הקדושה
  • תגדל ולעד אל תדל נצח סלה אמן

T-S 13J9.11 1v

1v

Verso

  • פי ראובן עליה שטר חוב [
  • והו עדים אלופא ומא לה מא יקתאת בה לא
  • הו ולא עאילתה חתי אנה לו מכן לחלף
  • לכצמה שבועה חמורה באן מא לה ולא
  • ימכנה ואן בעץ אלקות ואלכלף מא ביעינה
  • פיהם אלא גירה וכצמה ביצגטה וירפעה
  • לנימוסי גויים אנה אקר לה קד יכון אלם
  • ויעתקלה ולא ילתפת לחכם שריעה ישראל
  • ואן הו אנכר פקד ילזמה אלקאצי בשבועה
  • פיתקי אלעונש יורנו הל [[אנ]] אדא תעדא אלכצם
  • אלמתעדי ורפעה לנימוסי גויים הל יבאח לה
  • אן יחלף אן לא חק לה ענדה בהדא אלחכם
  • ויכון מכלץ אם לא והל ילזם אלדין ענד מא
  • אשתהר //לה// חאל אלמדיון ועלם חקיקת
  • עדמה כאן יסייר ורא אלכצם אלאלם ויקול לה
  • אן אנת רפעתה לנימוסי גויים לא חק יבק לך
  • ענדה וילזמך //פי שרע ישראל// כית וכית יורינו רבינו ושכרו
  • כפול מן השמים
Image Permissions Statement
  • T-S 13J9.11: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.