Letter: T-S 13J26.6

Letter T-S 13J26.6

Tags

Input date

In PGP since 1988

Description

Letter from Abū l-Majd, in Qūṣ, to Abū l-Mufaḍḍal the judge, in Fustat. Mentions Egypt, Abū l-Riḍā, Ibn Ibrahim al-ʿArīf, Abū l-ʿAlā b. Ḥassūn, Abū l-Ḥasan and Abū l-Khayr. Dated: Wednesday, 23 Tammuz (1400+)145 = 1545 Seleucid, which is 21 June 1234 CE. (Information in part from CUDL.)

T-S 13J26.6 1r

1r

Transcription

Mordechai Akiva Friedman, Jewish Polygyny‎ (in Hebrew) (Tel Aviv: Bialik, 1986).

Recto:

  1. אצגר אלממאליך אלדאעי לה
  2. אלשאכר לתפצלה אבו אלמגד
  3. בש רח וענוים יירשו ארץ וג
  4. יראו את ייי קדושיו כי אין מחסור ליראיו רצון
  5. יראיו יעשה וג וראו כל עמי ארץ כי שם ייי וג
  6. ארך ימים ושנות חיים ושלום וג
  7. אלממלוך יקבל ידי מאלך רקה אלמנעם אלמתפצל
  8. אלשיך אלאגל אלאסעד אבו אלמפצל אסעדה אללה
  9. בתופיק/ה/ ופצלה עלי גמיע אלעאלמין ואנגח
  10. מסאעיה וקצא חואיגה וכתב סלאמתה פי אלבר
  11. ואלבחר וגמע שמלה ואסתגאב פיה צאלה אלדעא
  12. אנה סבחאנה סמיע מגיב אלדיין אלורע אל
  13. עאלם אלעאמל וגמיע אעמאלה לשם שמים געלה
  14. אללה נור בין ידיה והלך לפניך צדקיך כבוד ייי
  15. יאספיך וינהי אסתיחאשה לגלאלה ושדה
  16. שוקה נחוה ותאלמה לפראק מתלה גמע אללה אל
  17. שמל בה עלי אסר מא יכון בעד בלוגה מקצודה
  18. וקצא חואיגה ויעלמה אן אלממלוך וולדה ומן
  19. ענדה מחסובין מן גמלה עאילתה/ם/ ומא להם סוי
  20. באב אלבארי סבחאנה ובאבהם הו ואלאך אלעזיז
  21. גמע אללה שמלהם ולא אפרק בינה/ם/ אבדא וגעל להם
  22. קדרה עלי פעל אלכיר ואבקאהם סנד לכל קאצדיה/ם/
  23. ומא צאע להם אלי אלאן ענד ממלוכם שי למא
  24. סאל תפצלה פי שרי אלוסט אלסקלי אוקף וגה אלופאה
  25. קבל ספרה ואלמולי קד עלם צחיח אן ממלוכה
  26. מא לה קדרה עלי אלגמלה ואנמא אלמולא יתפצל
  27. יפרג ענה פי וקת צאיקתה ויופיה קליל קליל חסב
  28. מכסבה ואלמקצוד מן אנעאמה וצל כתאב ולדה
  29. ממלוכה ידכר פיה אן עליה דין ומן גמלה דלך
  30. אנה אבאע אלנטע אלדי נפדתה לה חתי אופא בעץ
  31. מא עליה פינעם יגרי ממלוכה עלי עאדתה יופי
  32. ענה גמיע דינה ויזודה איצא פהו בירום אלטלוע אלי
  33. קוץ יתכסב ואלממלוך יהתם פי ופאה עלי מא עהד
  34. מן ממלוכה ענד וצולה סאלם אן שא אללה תע
  35. ולא יחוגה בע/ד/ הדא אלכתאב אלי כתאב תאני ולא
  36. יכיב פאל ממלוכה וישתהי יצל כתאב ממלוכה
  37. אבו אלרצי בקצא חאגתה חתי יטיב קלב

Translation

T-S 13J26.6 1v

1v

Recto, margin:

  1. ממלוכה
  2. פמא לה קדרה ינפד
  3. לה גמלה ואלמולי
  4. יעלם אן מסאעדה
  5. אבו אלרצי מצוה
  6. מן גמלה אלמצות
  7. אלואגבה לאנה
  8. קד קצד טאעה
  9. אלבארי ושריעתה
  10. וטלב פצילה
  11. יתכסב בהא
  12. מן וגה חל
  13. וקד אעאנה
  14. אלכאלק עליהא
  15. ואלמולי ואכוה
  16. הם אלסבב לכל
  17. כיר לה ולגירה
  18. יותר שכר
  19. המעשה מן
  20. העושה ואת
  21. הנפש אשר
  22. עשו בחרן
  23. ואליסיר
  24. מן דלך
  25. ענד

Verso:

  1. מתלה יכפא אלממלוך יגדד תקביל ידיה ורגליה
  2. ויכדמה באפצל סלאם ואלשיך אלסדיד מכדום באתם
  3. סלאם וביתה פי כל עאפיה ואלצגירה איצא וקלת להם לכם לה
  4. חאגה אקול לה ענהא קאלו נריד כתאבה יצל סרעה במא הו
  5. פיה ומבארך אלגר וצל יום אלב כא תמוז ושהד עליה
  6. אבן אברהים אלעריף וקום אכר מן נסבתה אנה כאן פי
  7. אלמרכב מעהם צלא וצאם מסחר פי טול אלטריק
  8. וסבב דלך אנה מא יסתחל יאכל כבז אלסוק חתי
  9. ישתאל אלרגיף מן עלי אלמידה יסתכבא //לה// פי אלכזאנה
  10. ולם תזל אידה בידהם חתי וצלו קוץ וכאן יום תאריכה
  11. מכבי ותפצל מולאי אלמכין תכלף אכד מנה אכתר
  12. אלחואיג אלדי גאבהם ווזן לה תמן אלדי כאן באעה פי
  13. אלעטארין ויחתאג הו יצבר חתי יסתחקו ויגביהם
  14. וסבב דלך כתרה דינה ולכנה באלאצאפה ללבגדאדי
  15. אצלח מנה אללה תע יעין מואלי עלי חמל אתקאלנא
  16. וגירנא ויעינהם עלי אילא אלגמיל ואלשיך אלשכץ אלדי
  17. אלדי אחרמוה במצר ואלקאהרה ודמוה וצל קוץ וזוגתה
  18. אלחקיקיה מעה ובנת לטיפה וקאל מן פמה אנני טלקת אלדי
  19. כנת אכדתהא וחלוני וכלמוה בעץ אצחאבנא [[ואצאפוה]]
  20. להכעיס מתל אלחרש ואבו אלעלא אבן חסון ואבן חפאט
  21. ואבו אלחסן ומן נסבתהם וחמלו לה בעצהם אלציאפה
  22. והו גא הארב מנכסר ומא יגינא אלא מתלה ואנצארה והו
  23. עלי ראינא תחת אלנדוי חתי יצל כתאב בצחה חלה ושלום
  24. ואבו אלכיר פי כל עאפיה וגמיע אהל אלדאר ואבו אלרצי
  25. אלצבאג עלי חאלה אלדי יעלמה

Verso, margins:

  1. כתב
  2. יום אלד
  3. אלכג
  4. מן תמו[ז
  5. יהפך [אבלו
  6. לשמ[חה
  7. קמה
  8. לשט
  9. ואלניל
  10. אלי יום
  11. תארי[כה
  12. ואקף
  13. וינעם אלמולי יסאעד אבו אלרצי בכל
  14. אלמסאעדה פי מא יחת . מן אלגאה
  15. אללה יקים גאהה פי אכד כתב וגירהא ינפעוה

Verso, address:

  1. יצל מחרוסה מצר ללמולי אלמאלך מאלך אלרק אלשיך אלאגל אל[
  2. אבו אלמפצל אלדיין אלורע אלמנעם אלמתפצל ירום הודו
  3. ויגדל כבודו
Image Permissions Statement
  • T-S 13J26.6: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.