Legal document: PER H 22

Legal document PER H 22

Tags

Input date

In PGP since 1987

Description

Deathbed will. in the hand of Ḥalfon b. Menashshe. Signed by Ḥalfon b. Menashshe and Natan ha-Kohen b. Shelomo. Location: Fustat. Dated: First third of Av 1448 Seleucid, which is July/August 1137 CE, under the reshut of Maṣliaḥ Gaon. (The signing was deferred to the middle third of Av.) Testator: Abū l-Ḥasan Yehoshuaʿ b. Abū l-Riḍā Shemuel ha-Meshorer. The dying man appoints his mother-in-law Mubāraka bt. Ḥifāẓ (and not his wife Sitt al-Dār bt. Yefet) as the executor of his will and guardian of his three children. He leaves his silver cup and other items to his son Hiba and the jewelry to be divided amongst his daughters Sitt al-Fakhr and Sitt al-Banāt. He makes arrangements for his business partnerships in rose water and safflower with Mufaḍḍal b. Hiba al-Ḥarīrī and with Abū l-Ḥasan the Qaraite. His wife Sitt al-Dār will live with her children for as long as she remains unmarried. He gives 6 dinars to his father and 4 dinars to his mother. Along with jewelry and household items, the ornate head garment used on the celebratory occasion of the first cutting of a boy’s hair is also mentioned. (S. D. Goitein, A Mediterranean Society, 5:152, 565; 4:148-9, 210-11, 394, 423-4) EMS. ASE.

Transcription

S. D. Goitein, "Wills and Deathbed Declarations from the Cairo Geniza‎" (in Hebrew), Sefunot‎ 8 (Jerusalem, Israel: Yad Izhak Ben Zvi / יד יצחק בן-צבי, 1964), 105-126.
  1. שהדותא דהות באנפנא אנן שהדי דחתמות ידנא לתחתא כן הוה חצר אלינא מן סאלנא אלדכול עלי מרו"ר יהושע המכונה אבו אלחסן
  2. בר מרו"ר שמואל הזקן המשורר המכונה אבו אלרצא סט פדכלנא אליה (!) פאלפינאה מריצא מלקא עלי פראשה וחסה חאצר ודהנה
  3. ואפר ולסאנה וכלאמה מסתקימאן פי פמה והו עארפא במא יקול ובמא יקאל לה ובמא יאכד ויעטי כסאיר אלנאס אלמתצרפין
  4. עלי ארגלהם פי אלאסואק וערף כל מנא אלמערפה אלצחיחה באסמה ושכצה ונסבה וסאלנאה ען אלזמאן ואלמכאן ואלאואן וען
  5. עדה אשיא ממא יגב סואל מתלהא למתלה פאגאב עלי כל שי בחסבה בגואב צחיח ולסאן פציח תם קאל לנא בעד גמיע
  6. דלך עאלמו אנני פי הדא אלמרץ אלצעב ומא אעלם מא יכון מני ואלמות ואלחיאה ביד אלכאלק סבחאנה ולי אולאד וקד אשתהית
  7. אוצי במא תחפטוה ותתבתוה עני ליעמל במקתצאה בעד ופאתי ולא יכרג ענה ואכון בדלך מטמאן אלקלב ענד אנצראפי
  8. מן הדה אלדניא פאולמא אוצי בה אנני קד געלת חמאתי אלמדעאה מבארכה אבנה חפאט רצי אללה ענה וציה עלי גמיע
  9. אולאדי אלמתסלמה גמיע מא אכלפה ואלמסתכרגה גמיע חקוקי וסאיר מאלי ענד אלנאס ליכון בידהא לאולאדי לאנני אעלם
  10. חנתהא עליהם ושפקתהא ואחתראזהא ודינהא וקד געלתהא מעכשו פי גמיע מא תצרפת לי פיה מימות עולם ועד
  11. עכשו ופי מא תתצרף פיה איצא פי אלמסתאנף אעכשו ולאחר מיתה פי חיאתי ובעד ופאתי בכל ועל הכל ופי סאיר מא
  12. אכלפה נאמנת בדיבורה כשני עדים כשרים נאמנים עלי בחיי ועל כל יורשי אחרי ולם אגעל עליהא שום שבועה בעולם
  13. לא קלה ולא חמורה ולא אפילו על ידי גלגול ולא אפילו חרם סתם ואעלמו אן לי כזאנה מקפול עליהא תתסלמהא ברסם אולאדי
  14. ולי שאשיה ברסם ולדי הבה פי גמלתהא ארבעה קטע אבר והלאל דהב עאירה תוצלהם לארבאבהם ולי כוז פצה וכשכאשה פצה
  15. וזוג אסורה דהב וזוג אסורה ענבר וזוג כלאכל דהב מלויה וזוג אנצאף ארדיה וזוגין חלק דהב ודכך ואתאת ועמאמתין ונצפיה
  16. כארג ען מא אתכפן בה. פאמא אלשאשיה ואלכוז אלפצה ואלכשכאשה ואלדכך ואלכזאנה ואלעמאמתין ואלנצפיה פיכונו לולדי הבה
  17. גברה אללה ואלזוג אלאסורה אלדהב ואלזוג אלאסורה אלענבר ואלזוג אלכלאכל אלדהב אלמלויה פיכונו לאבנתי (!) סת אלפכר וסת אלבנאת באלסויה
  18. לכל מנהמא מן כל זוג פרדה ואלזוגין אלחלק לכל ואחדה מנהמא זוג וכדלך אלאנצאף אלארדיה לכל מנהמא אלנצף מן דלך עלי מא תראה
  19. סתהמא וציתי הדה מבארכה חמאתי. ולי תמניה קמאקם מאורד שרכה ביני ובין מפצל בן הבה אלחרירי רצי אללה ענה ולי ענד אבו אלחסן
  20. אלקרא קמקמין וקראבה ונצף מאורד תואני גמיעהם איצא לי ולמפצל דנן יכרג מן דלך ראס אלמאל ואלפאידה פי הדא אלמאורד אלתואני
  21. לי ולמפצל עשרת קראריטהא ולאבו אלחסן אלקרא באקיהא ליכון אלפאצל פי אלפאידה ענא שכר טרחו ועמלו ולי ולמפצל עליה תלתה
  22. דנאניר אלא סדס ולי איצא עצפר נצף פאידתה ללקרא אלמדכור וענדה מן דלך עשרין רטל עצפר אדא אנבאע אלגמיע ידפע
  23. ללקרא מן פאידתה /דלך/ ובחסב מא קד דכרתה בחכם שכר טרחו ועמלו פיה ויסתופא מנה מן גמלה מא יכצה מן דלך אלתלתה דנאניר
  24. אלא סדס אלדי עליה ומא פצל ממא יכצה פי דלך יסלם אליה. ולי ענד אלשיך אבו אסחאק אברהם בן אלחיפי ואחד ותסעין דרהם
  25. ונצף וכדלך איצא אן כאן תם כסארה פי אלעצפר יחאסב אבו אלחסן אלקרא באלנצף מנהא חסב מא יגב למן יאכד שכר טרחו
  26. ועמלו. ואמא סת אלדאר זוגתי בת מרו"ר יפת הזקן נע פתכון ידהא ביד אולאדי וליס לאחד אולאדי ולא לכל מן לה פי ארתי אסתחקאק
  27. עליהא אעתראץ ולא עלקה ולא שום שבועה בעולם לא קלה ולא חמורה ולא אפילו על ידי גלגול ולא אפילו חרם סתם מהמא הי
  28. באקיה בלא זיגה. ואמורי ענד ופאתי חמאתי תכרגהא עלי כמא תרא ממא אכלפה ומא תבקא בעד גמיע מא דכרתה יכון
  29. עלי ידהא לולדי הבה אלמדכור והי אלנאטרה פי גמיע אמורי ואמור אולאדי בעדי דון סואהא. פאשהדו עלי בדלך ואכתבו
  30. בה ליכון לכל מן אוצית לה בשי לזכו ולראיה. ובעד ופאתי ידפע לואלדי מן אנץ מא אכלפה סתה דנאניר ולואלדתי ארבעה
  31. דנאניר לירתפדו בדלך ויגדוה פי וקת שדה. וחפטנא ענה גמיע מא אוצא בה ואתבתנא אעיאנה בחצרתה ואנצרפנא ענה בעד
  32. דלך. ושהדותא דא כתבנא וחתמנא ויהבנא למבראכה חמאתה אלתי קד געלהא וציה עלי אולאדה ליכון בידהא להא ולכל מנהם
  33. לזכו ולראיה. ודכר איצא אן מא לאחד ענדה שי. וכאן דלך פי אלעשר אלאול מן חדש אב שנת אלפא וארבע מאה וארבעין
  34. ותמניה שנין למנין שטרות בפסטאט מצרים דעל נילוס נהרא מותבה. רשותיה דאדוננא מצליח הכהן ראש ישיבת גאון יעקב
  35. יהי שמו לעולם כירח יכון עולם. ותאכרת כתאמתנא אלי אלעשר אלאוסט מנה שריר ובריר וקיים. ואשהדנא איצא עלי נפסה פי
  36. גמלה מא אוצא בה אנה קד געל מפצל הנזכר פי אלמאורד אלדי בינהמא ופי גמיע אלאשיא נאמן בדיבורו כשני עדים כשרים
  37. נאמנים בכל ועל הכל עליו בחייו ועל כל יורשיו אחריו ולם יגעל עליה שום שבועה בעולם ולא אפילו חרם סתם. וכתבנא וחתמנא דליהוי
  38. לזכו ולראיה. תלי ביני שיטי דלך: וקיים ודין קיומיה ושטרא דנן כוליה מראש ועד סוף שריר ובריר וקיים:
  39. נתן הכהן בר שלמה הכהן נע חלפון הלוי ביר מנשה נע

Translation