Letter: Bodl. MS heb. d 66/79

Letter Bodl. MS heb. d 66/79

Tags

Input date

In PGP since 1991

Description

Letter from Natan b. Nahray from Alexandria to Nahray b. Nissim in Fustat.

Bodl. MS heb. d 66/79 79 recto

79 recto

Transcription

A. L. Udovitch, unpublished editions.
  1. כתאבי אטאל אללה בקא מולאי אלשיך אל אגל ואדאם תאידה וסלאמ[תה]
  2. ונעמאה וכבת אעדאה מן אל מסתקר ל ח' בקין מן תמוז כתמה
  3. אללה עליך באחסן כאתמה אעלם מולאי אן לי מדה טוילה לם
  4. ארא לך כתאב וקד כנת כתבת אליך כתאב מע סידי חסן אל אמדי
  5. ולם ארא לך מן דאלך אל זמאן כתאב ארגו כיר אן שא אללה ואנא
  6. אסל כל מן יצל ען חאל מולאי ומא יבלגני אלי כל מא נסר
  7. ביה וללה אל חמד ולקד ענדנא ג'מאעת אל מג'ארבה מן אל פרח
  8. ואל סרור מא לא אצפה ען מא יבלגנא מן חאל סידנא אל ריס
  9. אל גליל מ' ור' מבורך בן כבוד מ' ור' סעיד נע עוז בית ישראל ירום
  10. הודו וקד סאלת אל שיך אבו אל חסן צהרי ינוב עני פי כתאבה לה
  11. וכנת עלי אני אכון מוצע כתאבי אלי אן וצלת בעץ' אל מראכב
  12. וכאן לי פיהא שי נקבצה ווצלת אל מרכבין אלדי כאנת סאירה
  13. אלי טראבלס וקבצת לך אל קפיפה אלדי כאנת לך מע אבן אל
  14. מלאך ואמא אל סלה אלדי כאנת מע אבן אבי פלו עואץ' לם יצל אל
  15. מרכב אלי יומי האדה ואנא אקבצהא לך מנה אן שא אללה ואל
  16. קפיפה אלדי כאנת לך מע אל ברקי פי מרכב אל צלטאן רגע
  17. אל צבי ודכר לי אנה תרכהא מע הלול ואוצאה ידפעהא
  18. אלי אבן אכתי אעלמת מולאי דאלך וכל מן לה פי אל מראכב
  19. שי הו תחת מא יעלמה לך וקד אתצל בנא אן בקית אל מראכב
  20. תרג'ע לאן מא תם אחד יקדר עלי אל תבציר וג'מיע אל בצאיע
  21. כאסרה ואקפה ואמא אל ניל קד חט תלת אל מאל ווצל אל רום כבר
  22. אנא פי קצנטינה כאסד ואקף ואנא תחת ציק צרר אן עצים
  23. אללה יפרג' ברחמה קראת עלי מולאי אפצל אל סלאם ועלי נסים
  24. ולדה אל סלאם ואל יכצץ אטיב אל סלאם ונסים ולדנא
  25. יקבל ידה ויכצה באל [סלאם]

Translation

Bodl. MS heb. d 66/79 79 verso

79 verso

page b

  1. ואנא אסל חצרתה אדא אג'תמע // בסידנא // אל ריס אל אגל
  2. עוז בית ישראל ירום הודו יערפה פרחי ומסרתי ופרח

!!!

  1. יראה וימכנה פי דאלך אל וקת פעל מולאי מתפצל לא
  2. עדמתה ולא כלות מנה ושלום
  3. חצרת מולאי ה[נ]כבד גדול הישיבה שאכרה ומחבה נתן בן נהראי נע
  4. מרנו ורבנו נהראי ביר נסים זל
  5. אטאל אללה בקאה ואדאם עזה
Image Permissions Statement