Letter: ENA NS I.86

Letter ENA NS I.86

Tags

Input date

In PGP since 2018

Description

Letter from Barhūn b. Iṣḥaq al-Tahirtī, in al-Mahdiyya, to ʿAyyāsh b. Ṣedaqa, in Fustat. Dating: 21 October 1049. The writer asks ʿAyyāsh to step in for Nahray b. Nissim who is about to travel to Būṣīr to buy flax. Discusses various family matters. The writer mentions his plans to write to Abū Naṣr Ḥesed b. Yashar al-Tustarī, demonstrating that the latter was killed in 1050 rather than 1049. On verso is an addendum in the hand of Nissim b. Iṣḥaq, the writer's brother. (Information from Gil, Kingdom, Vol. 3, p. 293-294.)

ENA NS I.86 1

1

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

  1. כתאבי יאכי וסידי אלעזיז עלי אטאל אללה בקאך ואדאם סלאמתך וסעאדתך וצרף אלאסוא ענך ברחמתה

  2. ען סלאמה ונעמה ושוק אליך לח בקין מן [מרח]ש[ו]ן וקד תפצל אללה ווצלו אולאד אלגוהרי פי הדה אל

  3. יומין ווקפת עלי כתאבך ופרגת עני פיה כתיר אסל אללה יתם שבאבך וישהדני [ענ]ך [מא נרי]ד

  4. ונשתהי ודכרת כרוג אבו יחיי לבוציר אסל אללה ילהמה ללכירה ובקי קלבי מתעלק פי גרי אלאמור

  5. פי אלזית מע [סידנא] אלעזיז אני נעלם אנך מא תבקי ממכן וקד תקדמת כתבי אליך פי אלמראכב

  6. וסאלתך פי דלך וליס נחתאג נאכד עליך פי מעונתה פי באב אלזית וגירה ופי מא יבקא אל[     ]

  7. שגל כל מוצע ענד צפרה ואלניאבה ענה וכדלך דכרת וצול אלק זכרה אלדי ביננא ובין

  8. סידי כאלך ארגו אנך פעלת פיהא חסב אלמראד ואלשהוה וליס נחתאג נאכד עליך פי

  9. מראעאת מא יכצני מנה ואלתאכד עלי אבו יחיי פי מא ישתרי ביה ודכרת אן נכאתב

  10. מולאי אלשיך אבו נצר פי מראעאתך והדה בעץ מא יגב לך עלי ואנא נכתב אליה

  11. מע אלפיוג בפוק מראדך ובגמיע מא תחב מנה וכתבת עלי סרעה וכתבי תצל

  12. אליך מע אלפיוג משרחה וקד וצל סידי אבו סעיד כאלך מן מדה עלי טריק אלבר ואפצל

  13. אללה ווצל אלמרכב אלדי נזל מנה והו עלי גאיה מן מחבתך וישכרך כתיר ויחסבך מקאם

  14. ולד ופי נפסה מנך מא נסל אללה אן יבלגך אליה ויבלגנא אליה ונודין בעץ מא לואלדך ימצא רחמים

recto - right margin

  1. עלינא מן אלחקוק

  2. ומולאי אלשיך סירך

  3. בכיר פי כל עאפיה דאעי מתעלק

  4. אלנפס אליך אסל אללה ינפעך

  5. בדעאה והו יחת דכולך

  6. ר[        ] עלי חואיגך ומא

  7. יקנעה חתי ישאהדהא

  8. פי אכתר אלאוקאת אול

  9. [אל]לה יסתר עלינא [כלנא]

  10. בחיאת[ה] אלסלם עלי

  11. אכי וסידי ואכי נ[סי]ם

  12. יכצך באפצל אלסלם

  13. ועקב שלום

Translation

ENA NS I.86 2

2

verso

  1. ואנא מחבך נסים בן יצחק אכצך יאסידי אפצל אלסלאם וקד תקדמת כתבי אליך מע אל

  2. פיוג משרחה ווקפת אלאן עלי כתאבך מע אלפיג אבן אלגוהרי ווקפת מנה עלי מא פ[י]

  3. חסן חאלך וסלאמתך וחמדת אללה תעאלי לדאלך וכתבת הדה אלצטרין מן אלמהדיה

  4. ראש חדש כסלו כתמה אללה עליך ועלינא באימן כאתמה ואנא מא אפרט פי אלוקוף

  5. מע כאלך פי גמיע חואיגך ושלום

verso - bottom margin - address

  1. עיאש בן צדקה ננ                     ברהון] בן אסחק ננ

verso - other

  1. תוגיה אברהים בן אלאסכנדראני

Image Permissions Statement
  • ENA NS I.86: Images provided by the Jewish Theological Seminary Library (JTSL) CC-Zero / Public Domain