Letter: T-S 13J23.3

Letter T-S 13J23.3

Metadata

Shelfmark
T-S 13J23.3
Primary Language
Judaeo-Arabic

What's in the PGP

  • Image
  • 1 Transcription

Description

Letter of Benayahu b. Musa, an Alexandrian from Maghribi origin, to Nahray b. Nissim in Fustat. The letter contains severe complaints on the local Alexandrian Jews treatment of foreigners, especially from the Maghrib. The letter sheds light on a big communal dispute which reached the Muslim authorities and almost caused the writer to convert to Islam. The letter mentions in passing Avraham al-Deri as being in Alexandria and, apparently, as being on friendly terms with the writer. Benayahu also conveys his preoccupation for the addressee, who is recovering from an illness (r3–6). (Information from Frenkel)

Tags

Additional metadata

Collection
Cambridge University Library, Taylor-Schechter
Historical shelfmarks
TS Box 13 J 23, fol. 3; TS Box 13 J 23, f. 3; TS 13 J 23, f. 3; TS 13 J 23, fol. 3
Input date
In PGP since 2017
Image
Transcription
Translation

T-S 13J23.3 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

  1. בשמך רחמ

  2. כתאבי אטאל אללה בקא מולאי אלשיך אלגליל גדול הישיבה ואדאם סלאמתה

  3. וסעאדתה ונעמתה מן אלמסתקר כאן קד בלגנא אן מולאי אלשיך לחקה וגע

  4. ואשתגל בדלך קלובנא וכאן מולאי אלשיך אבי אלחסן עלאן צייק אלצדר אלי אן בלגנא

  5. אנה אתגה אלי אלעאפיה ודכל אלחמאם פשכרנא אלבארי עלי דלך כתיר וארגו

  6. תכון עאפיה דאימה לאן לגמיע אלנאס ביה נפע פי אלחק ואכתרה אלי אצחאבה

  7. אלמגארבה אלדי כאנת אלסנין אלמתקדמה עזיזין מבגלין ענד גמיע אלריסא

  8. ואלמתקדמין אלא פי האדי אלאיים אלדי כאנו יחסבו אנהא תכון להם אופא

  9. מן גמיע מא כאנו יצנו ודלך בבקא מולאי אלרייס אלאגל שר השרים ירום

  10. הודו פמן דינה ופצלה אלדי כמל אללה פיה גמיע אלכצל אלפאצלה עלי גמיע

  11. מן תקדם בעדה טמע פיה ופינא ודלך מא כפא ענה אהואלנא מעהם טול

  12. האדי אלאיים באלסכנדריה ומא נקאציו מן אלמרורות ונחתמל תכפיף ען

  13. סידנא ירום הודו ונקול בעצנא אלי בעץ יבקיה אלבארי ויחייה אסמה אל

  14. ע[זי]ז יכפאנא אלי אן זאד אלחאל וכאנו אלזמאן כאמל יכמנו לנא אלשר ואל

  15. בלא ומא ענדנא מן דלך כבר אלי אן אתפק פי אלציפה אלמאציה טלב דנאניר

  16. מן אצחבנא פראית ירידו יפעלו פינא אלקביח ויבלגו גרץ פמצית אנא

  17. ואלה נפר אלגרבה אלי אלשופיט ותראמית עליה וקלת לה כד מן כל ואחד חס<ב>מא

  18. תראה פוזננא כל ואחד תחת נגמה ולם נכלם אחד מנהם פצעב עליהם אלדי גרת

  19. אלקצה עלי מתל האדי וכאן רבי אברהם אלדרעי חאצר פלמא ג<א>ת האדי אלנובה

  20. אלאכרה מצינא אלי אלשופיט וסאלנאה ובסת רגליה אן נכונן(!) מתל אלדפעה אלאולה

  21. כוף מנהם ומן קלת אלאנצאף ואלתשפי אלדי פי קלובהם מנא פלם יטאוענא אל

  22. ש[ופ]יט חסב מא געלו פי קלבה פמצו מנהם עשרה ואלרייס ואלשיך אבו אלעלא אזער

  23. וכתבו אלנאס וגעלו עליהם פלמא ראינא אלאמר עלי האדי מצינא אלי אלשופיט

  24. וקלנא לה אבצר אלדי עלינא נובה בעד מא גרא עלינא מנהם כל קביח ומדו

  25. אידיהם אלי אלשיך אבי אלחסן עלאן פי אלמקאבר פוזננא אלדי עלינא ואכדנא כט

  26. אלקאצי ועלאמתה באן לא יכלמנא אחד פלמא ראו אלחאל עלי האדי אלצורה כסרו אל

  27. גרידה וגעלוהא עלי אלנצף וקאלו אלאסכנדראנין קום פקרא תרגעו מענא וכאן קד

  28. וצל כתאב מן סידנא אלרייס ירום הודו וגרא ביננא כלאם קדאם אלשופיט

recto - right margin

  1. קלת לה כלי אלשהוא וכתב גמיע אלנאס וגבי אלדי חכם אללה עלינא פיה וגעל אלנאס אלדי פיהם רמק יזנו

  2. פאנהם מא אראדו שי מן האדי פמצית בן נחום אלי אלכניס ולם יעלם אחד מן אצחבנא יפעל בי

recto - top margin

  1. מא הו אהל לה קדים וחדית וגעל

  2. מן ימשי פי אלאסואק ויקול פעלנא [         ]

  3. כדי וכדי פלמא סמעו אצחאבנא אלגרבה

  4. האדי צעב עליהם כתיר ולם יקבלו ממא

  5. פעל שי וגרא שי יטול אלשרח

  6. פיה ומצינא אלי אלשופיט וצעב עליה

  7. דלך וכאטבהם באצעב כטאב ומא

  8. בקי לגריב מעהם סכנא פלמא

  9. קאמו עליהם אלמסלמין ואל

  10. יהוד מא צאבו

T-S 13J23.3 1v

1v

verso

  1. מא יעמלו דכלו פי אלנובה אנני אתכלמת פי סידנא שר השרים ותשהדו

  2. עלי וכתבו אלמחאצר חסב אלעואיד אלקדימה אלדי ערפו בהא ואנת

  3. תעלם יאמולאי אן סידנא שר השרים ירום הודו מא עמל אחד מא עמלת

  4. אנא ועואץ אבן כאלך רחי אללה פי נובתה מעהם ואכד מאלי ועמל עלי דמי עדה

  5. דפעאת וכלץ אלבורי ולמא תופי עואץ עמל עלי קברה אלריחאן נוקיל אלעאקבה אלי

  6. אלאכר ומן חבך מא יב/ג/צך ומן בגצך מא יחבך ואלעדאוה קדימה וכנת כתבת

  7. [א]לי סידנא ירום הודו יאכד לי כתאב באלנקלה לאן כאן קד כאן לי מנהם

  8. ואנמא כאן ימסכהם אלהיבה פלמא אטמאנת קלובהם מן סידנא ירום הודו

  9. פעלו האדי אלפעל ואעצם מא עלי נסים ואבן גליבא עמלו מא לא יעמל אחד

  10. וקאלו נחן אלריסה ואלמתקד>מ>ין ונחן נחרם ואללה יאמולאי מא כנת אלא תלף מן עטם

  11. אלגיר וממא גרי עלי וכאד נכרג מן אלמדהב דפעה ויכון אתמי ואתם אולאדי

  12. ואהלי כמן אכלאנא כל קום אלסו ואקמת ח איים צאיים וביית ג ליל וגמיע מא

  13. כת[בת] ביה יכשפו מולאי מן אלנאס ויערף חקיקת קולי וישתמע מע סידנא אלרייס

  14. אלגליל ירום הודו ומא האדי אלדי אנפעל פיא אנמא הו עלי גמיע אלגרבה וכלף

  15. אדא אראד יבלג מן אלאנסאן שי יפעל כגלאמה כאנה פעל כיר וכתאב [מו]ל[אי]

  16. [אבי] אלחסן עלון יצל אליך פיצלני מא יפעלה חסב יערף מנה קראת עליה אתם אלסלאם

  17. ומולאי אבי אלפרג נסים ולדה אפצל אלסלאם ומולא[י] אלסגלאת אלסלאם וקד עמל אלבארי

  18. מעה ניס בכרוגה מן אסכנדריה ואן כאן רבי אברהם חאצר תכצה עני אלסלאם //שלום//

  19. ובעד כתאבי האדי אתצל בנא אלזאכאר אלדי גא אלי סידנא ופרחנא בדלך גאיה

  20. אלפרח אללה גל ועז ישד עדדה פיה ויגעלה אול אלסעאדה ואלתופיק אסלה

verso - right margin

  1. רבינו אלתפצל עלי ואן יקבל ידה ויהניה עני וקד תכלית ען גמיע מא

  2. אוגבני בפרחי וסרורי באלמסרה אלכאמלה עלי גמיע ישראל

verso - bottom margin - address

  1. מולאי אלשיך אלגליל רבינו [נ]הראי בירב[י]               שאכף תפצלה בנאיה בן מוסי

  2. נסים נע גדול הישיבה מולאי אלש(יך) אלגליל נע

  3. אטאל אללה בקאה ואדאם סלאמתה

Image Permissions Statement
  • T-S 13J23.3: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 13J23.3. Available online through the Princeton Geniza Project at https://geniza.princeton.edu/documents/5283/, accessed December 21, 2024.
https://geniza.princeton.edu/documents/5283/